Talk:潛水衫
|
潛水衫嘅資訊曾經響2014年6月24日喺維基百科頭版嘅你知唔知？小節度出現過。 |  |
潛水嘅廣東話[編輯]
潛水嘅廣東話叫「味」水，據考證，個「味」字應該寫做「汆」，即係「汆水」。--Itkit (傾偈) 2014年6月24號 (二) 14:27 (UTC)
- 首先，潘永強《瞻天望地——廣府俗語探奇》推斷本字係「沕」，所以請提供「汆」嘅相關考證；第二，「潛水」喺粵語裡面已經出現徂好耐，同「沕水」嘅使用場合已經有徂分別（例如，著澌成套裝備潛入深水區，就似乎無人會叫「沕水」，一般都係叫「潛水」；而長期睇帖唔覆帖，同樣唔叫「沕水」，而叫「潛水」），加上「沕水衫」就聽都未聽過，因此我唔建議恁樣為改而改。【粵語文學大使殘陽孤侠】粵維辭典起錨！ 2014年6月24號 (二) 15:20 (UTC)
- 本字呢家嘢，一定要慎重，講實話，如果得把口講、出下本書，而唔正正經經寫篇論文（從音韻、語法、同源舉證等等）嘅話，點睇都係極可疑。
- 我單純從語義分析，確實，「mei3 水」好多時係話游水時「菊」啖氣菊陣嗰種，無幾耐就
浮 頭；而「潛水」係話孭埋氧氣樽、潛望鏡，成隻蛙人噉落水嗰種。所以語義好唔同。
- 所以根本唔使改。--S7w4j9 (傾偈) 2014年6月24號 (二) 16:36 (UTC)
- 咁啱我都有本潘永強嘅《瞻天望地——廣府俗語探奇》37頁，樓上講得一半，潘永強話本字亦可能係「氼」上「水」下「人」。而樓樓上嘅「汆」上「入」下「水」，有可能係異體字。樓上講得太好啦，本字呢家嘢，一定要慎重！最後，真係聽過「去 mei3 水」、「mei3到幾深」，「mei³ 水艇」(潛水艇) 就真係冇聽過，「潛」睇嚟都係近代先分出嚟。啲人聽到「潛水衫」會即刻 "改正" 你-係「潛水衣」！既然「潛水衫」都半桶水，「氼水衫」再怪都唔一定接受唔嚟。--WikiCantona (傾偈) 2014年6月25號 (三) 13:28 (UTC)
- 用香港中文大學粵語審音配詞字庫查mei6，會見到「汆」字，詞例寫『「汆cyun1」的異讀字，粵語用字，意謂「潛水」』，來源係「黃錫凌：《粵音韻彙》(重排本)(香港：中華書局，1991) (p.16)」同「李卓敏編纂：《李氏中文字典》(第二版)(香港：中文大學出版社，1989) (p.45)」。--Itkit (傾偈) 2014年6月28號 (六) 14:29 (UTC)
- 雖然「汆水」都係其中一個可能，但我覺得用「氼水」會相對好少少，因為「汆水」響北方話有另一意思，等同粵語嘅「飛水」（又叫「出水」，即係將未煮嘅嘢食放落滾水一陣，除雜質同異味）。--Kowlooner (傾偈) 2014年6月29號 (日) 13:51 (UTC)
對外連結有變 (2020年1月)[編輯]
各位編輯仝人：
我啱啱救返潛水衫上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：
- 加咗存檔 https://web.archive.org/web/20110322205057/http://www.ewetsuits.com/acatalog/How-Wetsuits-Work.html 落 http://www.ewetsuits.com/acatalog/How-Wetsuits-Work.html
如果隻機械人有錯，請睇問答頁嘅指示。
唔該晒！—InternetArchiveBot (報告軟件缺陷) 2020年1月3號 (五) 04:22 (UTC)
對外連結有變 (2020年3月)[編輯]
各位編輯仝人：
我啱啱救返潛水衫上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：
- 加咗存檔 https://web.archive.org/web/20110322205057/http://www.ewetsuits.com/acatalog/How-Wetsuits-Work.html 落 http://www.ewetsuits.com/acatalog/How-Wetsuits-Work.html
如果隻機械人有錯，請睇問答頁嘅指示。