Talk:疑母

頁面內容唔支援其他語言。
出自維基百科,自由嘅百科全書

關於疑母,額外料[編輯]

廣州話,或者講標準粵語,疑一、二等仲保留個聲母,疑三、四等基本上甩咗,呢個變化係繼承自《蒙古字韻》,喺《蒙古字韻》之後嘅元代《中原音韻》,疑母徹底陣亡,變成而家普通話噉嘅樣。雖則好多三四等字嘅疑母唔見咗,但喺口頭嘅常用字中,疑母仲係繼續生存,佢哋就構成咗呢啲疑母字嘅白讀音,內文已經列出一啲。講開一講,知道咗 仰字嘅白讀音係ngong5,如果你再學識乜嘢叫陽入對轉,你就知道所謂ngok6高頭,其實係邊個字:-)

其實疑三四等甩聲母嘅現象係廣州話嘅嗟,我手頭上嘅粵語資料顯示,同樣廣州地區嘅荔城、石灘,就無甩到,荔城義讀ngei4,議讀ngei5,頑讀ngaang6;石灘玩讀ngoeng4,頑讀ngaang6。中山、珠海尤其係冇甩,如魚讀ngyu4,驗讀ngim3,研讀ngin4。喺粵西、廣西,大量嘅疑三四等字,個聲母變成舌面鼻音,/ȵ/,喺懷集話,魚讀ȵy,研讀ȵin,願讀ȵyn,月讀ȵyt。廣西昭平話,魚讀ȵiʏ,義讀ȵi。--S7w4j9 (傾偈) 2017年7月11號 (二) 13:53 (UTC)[回覆]