Talk:約翰·傳奇

呀特記，「約翰·傳奇」睇落好原創，有冇參攷呢？--WikiCantona (傾偈) 2021年8月28號 (六) 22:48 (UTC)

人名正常音譯唔意譯，不過我見中維都係用開呢個名而無人質疑，估計出面真係咁樣譯。--Kowlooner (傾偈) 2021年8月29號 (日) 12:41 (UTC)

中維咁譯又點。佢地有冇參攷？係唔係下下要啲人過去中維 check？呢度明顯睇唔到有參攷！冇參攷嘅嘢除時可以畀人剷走，不過，正如 Kowlooner 講，多一事不如少一事，麻煩作者畀參攷，或者改名。--WikiCantona (傾偈) 2021年8月29號 (日) 15:17 (UTC)

@WikiCantona、特克斯特、Kowlooner：嘩，WikiCantona唔係連「Legend」嘅中文都唔識ar ma？「Legend」既中文係「傳說」「傳奇」咁解，咁人地個藝名又叫「John Legend」喎，WikiCantona係想幫人地改第二個藝名？Akai 博士 (傾偈) 2021年8月30號 (一) 03:28 (UTC)

國維都有原創譯名嘅情況（例如zh:马歇尔巴士，但我唔見有維基以外嘅頁用呢個名），或者個問題係要唔要查下2007年7月8號（國維版開文日期）之前有冇人用呢個譯名。同埋人哋用原創譯名都冇話一定要啱粵音。SC96 (傾偈) 2021年8月30號 (一) 12:50 (UTC)

john一般唔係應該翻譯返「莊」嘅咩？legend呢啲有含義係知道，不過翻譯都好少話直譯啲詞彙意思，唔係話似老虎活士就變成老虎樹叢係咪仲正路啲？直譯嘅感覺係少啲feel兼拗口感覺，除非係話有啲agent需要固定啲藝名之類，但係本地盡量係咪應該避免下呢啲潛在利益介入......——Longway22 (傾偈) 2021年8月30號 (一) 04:11 (UTC)

@WikiCantona、特克斯特、Kowlooner、Longway22、SC96：各位唔該做足功課先出嚟講野啦，人地呢個藝名係有意思架。跟返英維版，係咁寫：「After signing to West's label, he chose his stage name from an idea that was given to him by poet J. Ivy, due to what he perceived as an "old-school sound". J. Ivy stated, "I heard your music and it reminds me of that music from the old school. You sound like one of the legends. As a matter of fact, that's what I'm going to call you from now on! I'm going to call you John Legend." Despite Stephens' reluctance to adopt a stage name, he eventually announced his new artist name as John Legend.」，呢度既意思明顯係「傳奇」，而佢個藝名亦係由J. Ivy幫佢改既，而當初J. Ivy正正就係讚佢係一個「傳奇」（雖然佢係唔想用 但最後都用左）。Akai 博士 (傾偈) 2021年8月30號 (一) 13:08 (UTC)

補充下，John譯做約翰係反映古音嘅讀法，而且呢種譯法係現時香港都仲有用，例如St. John->聖約翰。Z423x5c6 (傾偈) 2021年8月30號 (一) 14:57 (UTC)

點樣譯，譯得好唔好，我唔多關心，關心嘅係，噉嘅譯法係參攷外面邊本書，邊個網呢？台灣有網站咁樣叫，香港未見，如果搵到個外面參攷係2007年7月8號之前，粵語地區之內，就問題解決。「2007年7月8號之前」噉叫，我哋就知中維唔係原創人囉。「粵語地區之內」粵維吖嘛。其實，滿足前者，或後者，求其都收貨。滿足前者同後者嘅參攷，更好，了事。--WikiCantona (傾偈) 2021年8月30號 (一) 15:21 (UTC)

第一，「特記」呢個用字我同User:Detective Akai嘅意見一樣 唔該叫返維基名「特克斯特」（同呢度嘅做法一樣Special:diff/1689217），尊重人哋亦都尊重自己。我見喺2015年PQ77wd叫咗你「呢個WikiCantona」User:SC96就已經識得出嚟講發言者態度有問題（Special:diff/960611），我諗呢個都係情況一樣。2015年連你自己都識得話PQ77wd態度有問題（Special:diff/1208320：「講嘢態度又有問題」），點解呢次又反而唔識尊重人？

第二，粵維都係屬於WMF計劃嘅一部分，每個維基當然都有參考價值。既然你都識得講「多一事不如少一事」點解你又唔Google下呢個譯名有冇喺香港地區用過（我下面都有資料證實得到係有用 盡量做啲高質素嘅討論）？連User:Kowlooner都知其他維基都有咁做，佢都係識得去借鏡其他維基（至少係其一求證方法 寫文要求得呢到係最鬆手），我諗呢點作為活躍咗15年嘅粵維人 基本嘢應該識。

第三，仲有User:Longway22講嘅「john一般唔係應該翻譯返「莊」嘅咩？」，你去睇下User:SC96#英文人名對照就知道兩者通用，隨作者揀。呢點亦都同意User:Z423x5c6講嘅。

第四，Detective Akai講嘅「由J. Ivy幫佢改既」，喺呢個網站已經講嗮。

第五，「台灣有網站咁樣叫，香港未見」，我喺Google 揾「約翰·傳奇 香港」，第三個結果就即刻全部出嗮香港網站同媒體都係咁叫。你就咁講「台灣有網站咁樣叫」，不過可能你喺Google打「約翰·傳奇 台灣譯名」，之後就話「台灣有網站咁樣叫，香港未見」都唔出奇（冇人知你係點樣去Google揾資料 由上次拎得出香港討論區嘅資料我就知道你揾資料嘅能力去到邊），可能你為咗證明「香港冇呢個譯名」，而咁樣去Google揾資料，再話「香港未見」去呃嗮上面5位用戶嘅討論時間都未定。可能學User:Z423x5c6喺zh-yue:唐字咁講，你啲資料全部係50-100年前都未定。

@SC96：第六，資料出嚟：《香港電台》網站（喺內容章節：並且請得美國騷靈天王約翰·傳奇 (John Legend) 飾演耶穌；喺下面影片章節都有用：美國騷靈天王約翰·傳奇(John Legend) 飾演耶穌）、stubhub.hk 香港本地賣演唱會飛嘅網站嚟（網頁標題：約翰傳奇(John Legend) 門票）。其實《香港電台》網站已經係粵語地區嘅媒體嚟，屬可靠媒體又有人用過非原創（同Cedric嗰啲差好遠），跟返粵語區用過嘅譯法（有人用過）都冇問題。至少喺zh:马歇尔巴士文章同討論頁都冇畀可靠資料，呢個至少用粵語可靠媒體證明到唔係自創。特克斯特 (傾偈) 2021年8月30號 (一) 22:42 (UTC)

@特克斯特：多謝閣下提供嘅資料。亦都向閣下為呢個叫法道歉，sorry，會嗌返 User:特克斯特閣下，okay 未？ :-)。亦同時希望閣下，請你唔好噏得就噏，唔好再無理攻擊我（之前），同埋啲小家做法，就當睇唔到，只係一個普通用家對普通用家嘅說話。--WikiCantona (傾偈) 2021年8月30號 (一) 23:20 (UTC)

講返「非原創」，我之前都頃向支持，至於上面嘅資料係咪喺2007年7月8號之前（中維自創嘅反證），我都唔考究啦。（兩句題外話，資料嘅時間性，要跟返討論嘅 context 同埋目啲，唔係越新越好）。譯名，只要用「粵音」譯，都可以接受，好長嘅題目，亦都唔會喺度講太多啦。--WikiCantona (傾偈) 2021年8月31號 (二) 01:32 (UTC)