Talk:語源學

@Shinjiman、汩汩银泉、Kenraku、Z423x5c6、HenryLi、Pokman817、WikiCantona：@Al12si、Geistory317、Yaukasin： 覺得我寫嘅粵語詞源點樣？有嘢想補充嘅隨便郁手。 Dr. Greywolf (傾偈) 2025年10月20號 (一) 05:32 (UTC)

好，基本上大約咁。可以補充廣東地方，粵語內外語言交流。

• 粵語查實好大，亦包括埋四邑嗰邊，舊時嗰邊水路唔直通省城，受北方話影響少啲，甚至保留清濁對應。莞寶片又同省城唔同。
• 莞寶片有亞母或者亞姆，稱呼一啲女親戚。四邑話都有亞姆，聽起來似亞毛，香港叫中年女人亞毛就咁來。
• 香港讀玩做挽或反。記得有話石歧嗰邊過來。
• 香港藍男不分，由南海話嗰邊來。
• 水上人有莞寶片，亦有嗰邊潮汕語言，福佬話咁。福佬有時廣東話叫鶴佬。
• 客家人遷入廣東中部幾百年，對廣東話有一定影響。
• 當然北方新話亦會改變咗廣東話語言結構。
• 所以粵語混音周圍唔同語言，或者有啲本來共通，讀音游移，又或者採用北方新字。

HenryLi (傾偈) 2025年10月20號 (一) 09:45 (UTC)

@HenryLi： 隨便加啦，有引述就得。 Dr. Greywolf (傾偈) 2025年10月20號 (一) 10:18 (UTC)

要睇多啲先寫得較完整。 HenryLi (傾偈) 2025年10月21號 (二) 16:14 (UTC)

講開又講，我見到英維都有一篇篇文，講嚟自拉丁文嘅英文詞彙，嚟自希臘文嘅英文詞彙... 噉。粵維好唔好開文，講嚟自英文嘅粵語詞彙，嚟自葡文嘅粵語詞彙... 噉呢？ Dr. Greywolf (傾偈) 2025年10月20號 (一) 12:13 (UTC)

可。有收錄意義 HenryLi (傾偈) 2025年10月21號 (二) 16:16 (UTC)

@HenryLi： 好，我遲啲返嚟睇睇呢度。 Dr. Greywolf (傾偈) 2025年10月22號 (三) 00:47 (UTC)

考據一啲語源問題。

上古漢語，中古漢語，究竟有無百越成份。雖然民國叫遠古做傳疑時代，但中原有好多唔同族大概事實，打敗仗幾乎都南遷。史記講越國描述為夏人後裔。越王句踐、其先禹之苗裔、而夏後帝少康之庶子也。封於會稽、以奉守禹之祀。文身斷發、披草萊而邑焉。水稻曾經喺河南種植，呢種要好濕暖氣候先做到。而甲骨文又咁多蒸煮飯用具。

另外遠古長江下游嗰邊，良渚文化曾經因全球溫暖水淹而外遷，良渚文字亦有機會做甲骨文祖先。唔知語言點，但唔同語言用同一文字並唔罕見。

原始漢語甚至有人推斷為屈折語，到上古時經已消磨到唔見影，呢種喺語言學上，經歷大量融合先會出現，形成共通語，語法大幅簡化。

當然上古中古，啲人實際點講嘢，我哋無法得知，純粹按一啲蛛絲馬跡去諗，感覺上中間有好多缺失。上古漢語，中古漢語，究竟有無百越成份，呢方面資料實在好少。咁會影響邊一度得來，經乜嘢得來。好多時集中睇粵語，有可能睇唔到更大範圍嘅演變流傳。 HenryLi (傾偈) 2025年11月7號 (五) 11:30 (UTC)

補充筆記

啱啱上網搵咗吓，有人話粵語企理一詞，無論意思定讀音都好似日語 kirei（好睇、乾淨），不過我暫時搵唔到咩實際證據住... Dr. Greywolf (傾偈) 2025年11月3號 (一) 04:13 (UTC)

日文有漢字，寫做奇麗。日本簡化過漢字，奇麗綺麗或者同源。 HenryLi (傾偈) 2025年11月7號 (五) 10:39 (UTC)

對外連結有變 (2025年12月)

各位編輯仝人：

我啱啱救返語源學上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

• 加咗存檔 https://web.archive.org/web/20241204120554/https://www.raco.cat/index.php/CatalanJournal/article/view/292407 落 https://www.raco.cat/index.php/CatalanJournal/article/view/292407

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2025年12月10號 (三) 12:04 (UTC)