Talk:重振語言

頁面內容唔支援其他語言。
出自維基百科，自由嘅百科全書

叫「語言活化」會唔會更好？[編輯]

唔明點解譯成「活化過語言」？想講「活化過嘅語言」？似乎同「Language revitalization」（語言嘅revitalization）相差幾遠。叫「語言活化」會唔會更好？ Yaukasin (傾偈) 2022年7月1號 (五) 05:24 (UTC)[回覆]

叫「語言活化」會更好。特克斯特 (傾偈) 2022年7月1號 (五) 05:56 (UTC)[回覆]
「白生抖氣方回道：『噯呀！妹罷幾乎唔得見嬌身，如今好似重生過，坐下方才對你陳。』」二荷花史: 卷三，句36- 中國哲學書電子化計劃
「活化」好似相當於vitalizing 或者其他類似詞 汩汩银泉 (傾偈) 2022年7月1號 (五) 10:33 (UTC)[回覆]
「活化過語言」似乎係原創譯名，而且文法唔啱。「語言活化」一定好過「活化過語言」。--Kowlooner (傾偈) 2022年7月10號 (日) 13:38 (UTC)[回覆]
但「語言活化」好似強調唔到「re-」？不如改名做「語言 (language) 再 (re-) 活化 (vitalisation)」？Dr. Greywolf (傾偈) 2022年7月10號 (日) 13:56 (UTC)[回覆]
其實大家有無諗過用返中文維基用嘅「語言復興」？如果真係咁唔鍾意同中文維基撞名，我用Google搵到另一個常用名叫「語言復振」。反而「語言活化」、「語言再活化」一樣有原創譯名之嫌。--Alfakwan (傾偈) 2022年7月11號 (一) 11:47 (UTC)[回覆]
係喎，我都冇諗到呢點添。Dr. Greywolf (傾偈) 2022年7月11號 (一) 11:56 (UTC)[回覆]
噉我係咪可以照菲律賓話改名成「Pagpapasigla ng wika」或者韓國話「언어 되살리기」 汩汩银泉 (傾偈) 2022年7月13號 (三) 00:15 (UTC)[回覆]

revitalize解為「令到某人某物恢復生氣、復活、復興、再生、重振、振興。」活化為近年香港新劣字劣譯，無必要都唔好用。HenryLi (傾偈) 2022年7月13號 (三) 00:47 (UTC)[回覆]

建議改成重振語言，咁合乎廣東話用法，又貼近英文定義「an attempt to halt or reverse the decline of a language or to revive an extinct one」。HenryLi (傾偈) 2022年7月13號 (三) 01:01 (UTC)[回覆]

我冇乜意見畀「重振語言」 汩汩银泉 (傾偈) 2022年7月13號 (三) 12:25 (UTC)[回覆]

當初我提出「語言活化」，純粹只係改動最少嘅方案，多謝大家指出「活化」一詞本身都有問題。HenryLi建議用「重振」取代「活化」我唔反對，但我個人覺得「語言重振」先至對應「Language revitalization」，重點係講「重振」呢個動作，相反「重振語言」似乎對應「Revitalizing languages」，重點變咗講被重振嘅「語言」。--Yaukasin (傾偈) 2022年7月13號 (三) 14:14 (UTC)[回覆]

確定「revitalizing languages」英文意思係「語言，得到重振緊嘅」而嘸係「重振語言」似《重振瀕危語言》？ 汩汩银泉 (傾偈) 2022年7月13號 (三) 19:37 (UTC)[回覆]
觀察所得，問題要四字先有。廣東話習慣只有搭巴士、行街、執垃圾，而唔講巴士搭、街行、垃圾執，就算有，即倒裝寫法。或另有意思，如鏟垃圾對垃圾鏟，後為一物，性質唔同。廣東話習慣動加名個次序，唔會亂。一但去到四字，就會亂晒大龍。點解呢。
依個問題幾有趣。廣東話為獨立語，而語感承襲文言做法。首先獨立語特性，字放乜位就有乜特性。車本來屬名。一句我車你，車放嗰個位就變成動。改句你好車，意義不明，不過車放個位，就化成形容。換句有意思啲，依間屋好日本。日本本來屬名，放嗰個位變形容。
咁文言又有乜影響呢。廣東話講執垃圾，而垃圾執就唔通。可見唔能倒轉。若然改成四字，執拾垃圾，倒轉垃圾執拾又好似通通地。以文言而言，垃圾執拾實為垃圾之執拾，執拾放嗰個位，化動為名。而文言同廣東話一樣，可以省走之一樣通。名之名，同名名，皆合乎習慣。咁嘅情況，只喺四字出現。按理垃圾之執、街之行，合乎文法語感，但二三字唔能省去之，省去會唔通或者另有所指。之不過，就算四字省得之，正則係動行先，名跟後，咁會合乎一般用法。
英文句法，基本都係先動後名。例如講剪髮，英文句cut my hair。然而化動為名，會將動放後。have my hair cut、hair cutting。
若見四字顛倒，唔使問亞貴，都估到英文搬字過紙而來，非廣東話習慣。剪髮唔能叫髮剪。但一轉四字，修剪頭髮，按英文習慣寫成頭髮修剪。結果英文語法就長驅直入，唔使理廣東話習慣。
故此，按廣東話應寫重振語言。
字為一體，唔能少咗一邊，無話重點放後。剪髮、剪頭髮、修剪頭髮都一樣。
就君所講revitalizing languages。按英文作為一字用法，該理解為做緊之意，或者着重佢動態。諗下developing countries，就知為發展中國家。人哋唔只有做緊，亦有做咗做成，如developed countries，已發展國家。因此，revitalizing languages為重振中語言，並非對應重振語言。
唔好意思，寫得太長，無背後資料好難講得清。
HenryLi (傾偈) 2022年7月14號 (四) 02:32 (UTC)[回覆]
我覺得嘸係幾啱喺討論頁傾英文文法，不過「eating cakes」係蛋糕食緊嘢？汩汩银泉 (傾偈) 2022年7月14號 (四) 10:36 (UTC)[回覆]
見到eating cakes可以兩睇。基本上就指食緊蛋糕，例如搵食緊蛋糕嗰啲圖，就會咁寫。另一種為英文語法需要，動化成gerund，以動+ing成短句，functions as noun，似名咁用。例如playing on computers即gerund。咁eating cakes短句，只不過eat cakes化成gerund，同樣eating a cake、eating two cakes、eating her cakes都可以呀。咁要留心人哋寫嗰句係咪gerund。至於gerund用法就唔詳談。當然凡語文都會有例外。然而，revitalizing languages絕大可能為gerund吧，即使寫revitalizing endangered languages都可以。 HenryLi (傾偈) 2022年7月19號 (二) 14:24 (UTC)[回覆]
如果呢度主流意見接受呢個概念用粵維原創嘅譯名，我唔會阻止，但定名之後都希望至少將兩個學術上用到嘅名「語言復興」、「語言復振」做返個跳轉方便其他人搵。--Alfakwan (傾偈) 2022年7月19號 (二) 11:35 (UTC)[回覆]

對外連結有變 (2022年10月)[編輯]

各位編輯仝人：

我啱啱救返重振語言上面嘅 3 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2022年10月20號 (四) 02:43 (UTC)[回覆]

由「https://zh-yue.wikipedia.org/w/index.php?title=Talk:重振語言&oldid=1901634」收