Talk:黑膠碟

「極冷門兼且好有原創研究成分」？

之前有討論話到而家「唱碟」呢個詞使用量唔算多，為方便瀏覽量同中維競爭，標題名打算盡量用返「專輯」（例：「XXX (YYY專輯)」），呢一點我本來立場中立，唔會特別提出反對。亦有人話「Album」同「唱碟 / 唱片」唔係百分百對應，叫「專輯」會比較精準，呢一點我亦都會特別駁斥，因為只係觀點角度唔同（日常生活好多時確實都用「出唱碟」或者「出碟」去借代「出專輯」）。但特克斯特家下忽然大力貶損「唱碟」係「極冷門兼且好有原創研究成分」，更直接將「黑膠唱碟」改叫「黑膠唱片」，我就一定要出聲。

用Google搵「"唱碟"」，有近38萬個結果；搵「"黑膠唱碟"」亦有接近4萬個結果，雖然確實係無「唱片」咁普及，但點都稱唔上係「極冷門兼且好有原創研究成分」掛？響Google搜尋欄打「唱碟」兩字，亦出到「唱碟機」、「唱碟鋪」嘅關連詞。查實香港叫得「唱碟」最多應該係1990年代之前，互聯網仍未普及，如果有心去查舊報紙舊雜誌，應該可以搵到更多用「唱碟」嘅例子。

另外，嘗試搵過一啲粵語辭典。比較出名同歷史悠久嘅「Cantodict」都有收錄「唱碟」（留意收錄日期係2005年，連粵維都未出世），講到明呢個詞只係粵語用；亦有一個無咁出名嘅「羊羊粵語」，一樣有收錄「唱碟」，詳細解釋「因其形如碟，故名」。（註：另一個比較出名嘅「粵典」，雖然有收錄，但可惜因為「未執好」而暫未公開詞解內容。）

對於應唔應該為傳承粵語文化而用一個「源於粵語但而家已經少人用」嘅詞彙，我都明白係兩難局面，需要有妥協。我終極底線係接受Album篇文改用「專輯」（但內文要提返「唱碟」呢個詞），但2014年建立就已經叫緊「黑膠唱碟」嘅Phonograph record篇文應該繼續用返「黑膠唱碟」。--Kowlooner (傾偈) 2021年6月20號 (日) 12:04 (UTC)[回覆]

@Kowlooner：「Phonograph record」如果係解「黑膠唱碟」，即係呢度都表明咗「record」直譯係「唱碟」。但係「record label」叫唱碟公司，呢個「record」一字譯名冷門同奇怪問題都未解決，喺香港都係叫「唱片公司」多過「唱碟公司」。為咗統一性「record」呢隻字詞嘅譯名，所以我先將「黑膠唱碟」搬去「黑膠唱片」，同埋「唱片」呢隻字冇話北唔北話，好多白話文同粵文嘅用字都係一樣。冇理由用「因為」、「所以」呢啲喺白話文成日用嘅字詞，寫落粵文到就話喺非粵文嘅嘢。同樣道理，「record」譯做「唱片」同「唱碟」都得嘅話，就理應要兼顧其他用到「record」做譯名嘅文，例如「唱片公司」，冇理由一個譯「唱片」，一個譯「唱碟」，咁樣搞到亂七八糟。特克斯特 (傾偈) 2021年6月20號 (日) 12:24 (UTC)[回覆]

我覺得唔同情況可以配搭唔同用詞。「record」原意係指錄音，「唱片」、「唱碟」都係引申意思。「唱碟公司」雖然無「唱片公司」普及，但又未至於完全無人用，如果「record」嘅譯名係由「唱片」同「唱碟」二揀一，我都係會盡量揀源自粵語圈嘅「唱碟」。--Kowlooner (傾偈) 2021年6月20號 (日) 12:46 (UTC)[回覆]

@Kowlooner：但係粵維都有分類（Category:唱片公司），甚至係文章（例如寶麗金），入面將「record」翻譯做「唱片」，而且去揾粵維文章行文用「唱片」出現嘅頻率點都密過「唱碟」。雖然同意保留傳統講法，不過喺命名常規、統一性問題、甚至去同中維競爭嘅問題上，用「唱碟」呢個字詞衍生出嚟嘅三個問題都未解決得到。特克斯特 (傾偈) 2021年6月20號 (日) 12:51 (UTC)[回覆]

再退一步，就當「record label」嘅「record」可以畀佢用「唱片」，但其他情況下嘅「record」叫乜名，應該可以再個別討論。「黑膠唱碟」同「黑膠唱片」使用量差距相對無咁懸殊，有條件保留「唱碟」嘅叫法。--Kowlooner (傾偈) 2021年6月20號 (日) 12:58 (UTC)[回覆]

@Kowlooner：啱好，我都同意使用量冇咁懸殊嘅可以再作討論，「record」統稱用「唱片」冇問題，其他嘅，例如「黑膠碟」、「激光碟」，用「唱碟」或者「唱片」都可以再討論。特克斯特 (傾偈) 2021年6月20號 (日) 13:03 (UTC)[回覆]

原創研究成分

@Detective Akai：事關Kowlooner早前堅持“唱碟”呢個講法，我先搬返返去“黑膠專輯”，我去揾過網上，用“黑膠唱碟”出現次數點都少過“黑膠專輯”。跟返維基嘅常用命名規則，佢搬文點都唔合理。佢最新仲開埋黑膠唱盤呢個分類跳轉，仲喺黑膠唱碟文章入面加埋呢隻字，但係由完全冇提供任何可靠兼且獨立第三方嘅來源去佐證佢所講嘅嘢。所以要求還原去黑膠唱片。甚至睇下刪唔刪走黑膠唱盤呢個跳轉（因為當事人冇畀任何參考資料去佐證佢加嘅料）。特克斯特 (傾偈) 2021年7月11號 (日) 14:51 (UTC)[回覆]

@特克斯特：我支持還原去黑膠唱片，但我對刪咗黑膠唱盤呢個跳轉有少少保留。其實響「東網」入面真係有「冇話要賺錢，以前屋企有黑膠唱盤，播歌喺屋企跳」，上網睇有啲鋪頭都係用呢個名（如「豐澤」、「momo」等等），我諗黑膠唱盤會唔會係比較老土 or 比較台灣嘅用法？不過我始終覺得都係用「唱碟」或者「唱片」會好啲。Akai 博士 (傾偈) 2021年7月12號 (一) 09:06 (UTC)[回覆]

幾個選項嘅分別係常見／唔常見同新／舊啫。以本用户習慣，列哂喺開頭就算。既然唔會引起歸類爭詏，唔使咁執着嘅。（咩叫歸類爭詏呢？岩／礁／島、事件／屠殺／打鬥……）不如你哋將部分標題寫成唱碟，另外一啲用唱片吧啦；正文開頭都係兩個列哂出嚟。--110.174.132.162（討論） 2021年8月3號 (二) 04:46 (UTC)[回覆]

唔可以郁住

@Detective Akai、特克斯特、Kowlooner：我已經將呢版保護咗，唔可以搬版，可以改文。我冇參加上述嘅，亦未有意見，如果對上述嘅做法唔滿意，請去管理員留言板。希望你哋得出一個共識，叫我或其他管理員解封。麻煩晒你哋--WikiCantona (傾偈) 2021年8月2號 (一) 09:35 (UTC)[回覆]

@Detective Akai、Kowlooner：您嘅「未有共識」呢個理由我都質疑，上面Kowlooner都話咗「但其他情況下嘅「record」叫乜名，應該可以再個別討論」，依家睇返7月12號至少起碼有其他用戶（Detective Akai）都支持呢個寫法，再加埋我7月11號起發起嘅討論，一般嚟講兩個禮拜後（7月25號後）冇反對就可以搬文，我8月2號先搬文理應我呢個做法都好合理。同埋根據en:Wikipedia:Article_titles#Deciding_on_an_article_title（Consistency）、zh:Wikipedia:命名常规#命名一致性，「record」譯做「唱片」（都係粵語字嚟）都冇任何問題（至少Category:唱片公司、種族唱片等其他文章用字同行文都係「唱片」去譯「label」嘅粵語意思呢點上面討論都講過）。再ping埋其他用戶參與@Longway22、Deryck Chan、Z423x5c6、SC96：。特克斯特 (傾偈) 2021年8月2號 (一) 15:18 (UTC)[回覆]

呢度覺得分歧係在於對粵文有各自嘅思考，一個可能係推廣度需要同中維競爭嘅轉變，但要同時考慮返係唔係一定係以競爭（對壘）為唯一、唔可以再調整下方向。粵維存續嘅基礎之一，係粵文圈共通同共同嘅語言環境，呢點係保障到本地既可以保持返獨立、亦可以始終有唔同嘅文化同精神。

問題係即使粵文內部都可能有一定嘅一統（標準化）需要，但會唔會演變出「大一統」嘅效果、都係一個比較難解嘅問題，粵文範圍度嘅語文系統，可以話大部分仲係一個事實屬於依賴著唔成文嘅習慣法兼地域區分對待嘅情況，互相溝通唔到嘅時候、唔了解而唔係話有public media分享嘅話，呢啲冇share開嘅info對於我哋用所謂正規嘅尺度嚟講就會係所謂嘅「原創」，而實情就可以兩睇。

當然多樣自由化同建制化嘅利益矛盾，唔係話一兩論討論就會紓解到，況且依家環境會係更不利，衡量返風險相信係要考慮到概念嘅標準化唔會係違反到粵文明圈度依家嘅常規語文共識 Longway22 (傾偈) 2021年8月3號 (二) 02:04 (UTC)[回覆]

引 Kowlooner：「再退一步...「黑膠唱碟」同「黑膠唱片」使用量差距相對無咁懸殊，有條件保留「唱碟」嘅叫法。」，而 special:diff/1668421，Kowlooner 明確顯示佢嘅意向。離開達到共識仲有一個距離。 --WikiCantona (傾偈) 2021年8月3號 (二) 04:20 (UTC)[回覆]

@特克斯特：見你好多時（多次），用英文維基同中文維基做根據，如閣下為咗對英文唔係掌握得咁好嘅朋友加上中文維基嘅翻譯（同一樣嘢），實為貼心。不過，如果有用戶錯誤理解，中文維基嘅政策係依度有凌駕性（或者中文維基過咗，呢度就用得），話呀邊個邊個都係咁啦，對粵文維基嘅獨立性會造成一定程度嘅傷害。再講，英文維基百科嘅規則，喺呢度，頂多係有參考價值。--WikiCantona (傾偈) 2021年8月3號 (二) 04:20 (UTC)[回覆]

@特克斯特、WikiCantona、Kowlooner：「不看不知道，一看嚇一跳。」其實上網一查，發現香港媒體似乎偏向用「唱碟」；但如果加埋「黑膠」兩隻字，「黑膠唱片」會比較多。Interesting。Akai 博士 (傾偈) 2021年8月3號 (二) 05:50 (UTC)[回覆]

@WikiCantona：其實有邊個反對搬去「黑膠唱片」？翹仔 (傾偈) 2021年8月3號 (二) 08:28 (UTC)[回覆]

@Deryck Chan： User:Kowlooner 睇 special:diff/1668421，麻煩你睇成個討論。而 User:Kowlooner 三四年來都只係每逢香港星期日晚先出現，所以唔好咁快話有決定。--WikiCantona (傾偈) 2021年8月3號 (二) 08:35 (UTC)[回覆]

係喎，唔該。翹仔 (傾偈) 2021年8月3號 (二) 09:18 (UTC)[回覆]

@Deryck Chan、Z423x5c6：就算User:Kowlooner逢星期日晚出現，喺7月22號同29號已經出現過兩次，佢冇理由睇唔到下面新發起嘅討論，然後畀您一句「唔好咁快話有決定」咁樣主觀判斷去搬返轉頭同鎖文，亦都唔符合規矩。特克斯特 (傾偈) 2021年8月5號 (四) 01:43 (UTC)[回覆]

要畀返啲 credit User:特克斯特，佢有掛 {{move}}先，亦有人撐佢嘅睇法，「覺得」冇人再反對，就搬。程序上都勉強講得過去，不過，喺上面嘅對話，User:Kowlooner 佢自己嘅討論頁，清晰表明唔同意搬。唔明，等多幾星期有乜大問題，畀夠時間大家，每人嘅時間限制有唔同。一，「唔符合規矩」，乜嘢規矩，麻煩講清楚啲。二，唔係「唔好咁快話有決定」去「咁樣主觀判斷」，唔好將自己諗啲嘢，扮係人地嘅嘅邏輯。換角度睇，「唔好咁快話有決定」唔係「鎖文」嘅原因。（實際只係唔畀改名，所以係「鎖郁」，準確啲講），「鎖文」（郁唔到）係因為 User:Kowlooner 唔同意，即係未有共識。~~User:特克斯特唔係第一次，噉樣講嘢，對問題解決有乜幫佐呢？~~--WikiCantona (傾偈) 2021年8月8號 (日) 08:10 (UTC)[回覆]

多咗咁大段討論，確係件好事，因為我之前一直都對無乜人畀意見幾失望。我無mon住呢版，6月20號後打後嘅討論，我今日先至留意到（近呢幾日先至被ping）。總而言之我立場同理據上面都寫得好清楚——「黑膠唱碟」絕對唔係咩嘢原創詞，係傳統粵語嘅叫法，雖然我唔否認而家「唱片」已經變成最常用詞，但呢度係粵文維基，有傳承粵語文化嘅使命，應該優先考慮源於粵語嘅詞，所以，我唔覺得有需要去將「黑膠唱碟」改名。如果真係多數人覺得唔適合用「黑膠唱碟」，我最多只係接受「黑膠碟」，「黑膠碟」都算係另一個傳統粵語嘅叫法，唯一缺點係保留唔到「唱碟」呢個詞。--Kowlooner (傾偈) 2021年8月8號 (日) 12:27 (UTC)[回覆]

噉篇文叫咩名好

噉就傾下究竟想改咩名，有冇得搵個共識。

黑膠唱碟？
黑膠唱片？
黑膠碟？

有冇其他提議？我自己覺得，呢篇文冇必要同其他類型嘅唱碟跟「一致性」嘅規矩，因為每種媒體都可能有自己嘅常見叫法。我自己就覺得「黑膠」配個「碟」字好似慣個配個「片」字。但係「黑膠唱片」都清晰，我唔反對。翹仔 (傾偈) 2021年8月3號 (二) 08:00 (UTC)[回覆]

「黑膠碟」係唔錯嘅提議，雖然絕大多數嘅唱碟都係用嚟記錄音樂，但係亦都有用嚟記錄其他聲音。--WikiCantona (傾偈) 2021年8月3號 (二) 08:51 (UTC)[回覆]

其實好多「唱碟」都係播樂器而唔係人聲，所以播其他聲音都係「唱」:D --翹仔 (傾偈) 2021年8月3號 (二) 09:16 (UTC)[回覆]

我懷疑「唱碟」嘅最初意思係「隻碟自己喺度唱」;-) --WikiCantona (傾偈) 2021年8月3號 (二) 09:42 (UTC)[回覆]

@Detective Akai、Deryck Chan：用「黑膠唱片」同「黑膠碟」都得，不過偏向用「黑膠唱片」，至於「黑膠唱碟」就唔多同意呢個叫法。特克斯特 (傾偈) 2021年8月3號 (二) 15:15 (UTC)[回覆]

@特克斯特、Deryck Chan：我無改變自己嘅立場，偏向支持用「黑膠唱片」。至於:@WikiCantona：我諗會出現「唱碟」係因為個外形似隻碟而命名。Akai 博士 (傾偈) 2021年8月4號 (三) 12:47 (UTC)[回覆]

首選黑膠唱碟，次選黑膠碟。黑膠碟係最常用嘅名，加個唱字，變成黑膠唱碟，都尚算自然，意思亦會變得好準確。若果喺街道求其問個人：「焉道有黑膠片賣？」答案會係：「街尾嗰間五金舖應該有。」若果換成講：「焉道有黑膠碟賣？」應該會聽到：「前面個商場三樓有堆舊唱片舖。」至於黑膠唱片，表義都冇偏差，不過聽落好怪囉。唱碟啱用嚟配古董，唱片就同流行嘢夾啲。另外，喺第二啲文，用下唱片做標題啦。一人讓一啲，唔再詏，咪解決囉。話唔定過三五七年，再有人話要改名時，呢道幾位都已經唔再喺道編輯呢。呢個網站嘅吹水文化，幾得意；篇文得幾行，討論竟然有幾百行……--110.174.132.162（討論） 2021年8月5號 (四) 02:18 (UTC)[回覆]

User:110.174.132.162 閣下，「吹水」有「齋噏唔做」嘅意思，可能令到有人會唔滿意。篇文得幾行，討論幾百行，唔只呢篇，比比皆是。--WikiCantona (傾偈) 2021年8月8號 (日) 01:05 (UTC)[回覆]

多謝，如果稍為讓一步，退而求其次，用「黑膠碟」，第三選擇係一個好嘅解決辦法。--WikiCantona (傾偈) 2021年8月8號 (日) 01:05 (UTC)[回覆]

已經了解咗更多呢處嘅溝通特色喇；會收窄語氣光譜，再煩親@WikiCantona：嘅機會唔大。當然，傳義時會稍有阻滯（；又懶得打啲表情符號説明）。另外，既然冇註冊，係知道唔算投票嘅。--110.174.132.162（討論） 2021年8月8號 (日) 01:45 (UTC)[回覆]

呢度，好少要投票，希望搵共識，大家可以讓步就最好。--WikiCantona (傾偈) 2021年8月8號 (日) 02:27 (UTC)[回覆]

第三個選項覺OK。要加多字嘅第一個都可以。——Longway22 (傾偈) 2021年8月8號 (日) 13:28 (UTC)[回覆]

@Longway22、Deryck Chan：第三個選項都可以。不過Kowlooner口講話係粵語傳統字，話用「唱片」唔太粵語有保留。因為「唱片」喺唔少粵語媒體都係好常用，冇理由咁樣打稻草人，即係類似User:Vatnið講嘅特等用埋啲生僻字，而根據性又唔多大。特克斯特 (傾偈) 2021年8月9號 (一) 02:53 (UTC)[回覆]

共識

各位大致認為「黑膠碟」係可以接受嘅選項。@Detective Akai：明白你嘅立場，希望佢唔反對呢個選項，退而求其次？--WikiCantona (傾偈) 2021年8月17號 (二) 02:12 (UTC)[回覆]
最後召集，邊位仲有嘢講，或者未講嘢嘅人想講嘅，歡迎繼續，為免俾人話「拖」，再喺呢度等多十日，如果再冇人出聲就會用黑膠碟做文章題目。 --WikiCantona (傾偈) 2021年8月26號 (四) 00:25 (UTC)[回覆]
到期，冇人有嘢講，解封，搬版。各位嘅參與，唔該晒你哋。--WikiCantona (傾偈) 2021年9月7號 (二) 08:25 (UTC)[回覆]