Talk:M-105 (密芝根州州道)

好文評審討論

由WP:GAN搬過嚟：

1. • 少少格式上嘅意見：有啲用咗中維術語嘅位我執咗，不過仍然有技術問題有待解決：1. 明細模仍有一啲連結未譯（例如Michigan State Trunkline Highway System）；2. Ref有啲「Unknown parameter |name-list-style= ignored」錯誤要修正；3. 暫時未有一個有效嘅類。--Yaukasin (傾偈) 2022年8月10號 (三) 14:44 (UTC)

     多謝你嘅意見，少少回應：

     1. 中維術語嘅講法，之前已經討論過，有啲人話呢啲「唔係純正粵語」，但係呢一種講法係無根據；
     2. 未譯嗰到，有少少技術上嘅問題，我要再睇睇啲module。
     3. Ref嘅錯誤應該可以直接剷咗個parameter佢。
     4. 分類，等陣開。——Z423X5C6（傾偈） 2022年8月11號 (四) 06:21 (UTC)

        @Shinjiman、H78c67c：想請教吓，ref parameter係咪關Module:Citation/CS1事？——Z423X5C6（傾偈） 2022年8月11號 (四) 17:27 (UTC)

        @Yaukasin：處理哂啦，得閒可以評吓。——Z423X5C6（傾偈） 2022年8月14號 (日) 13:38 (UTC)

     唔認同你堅持用中維術語嘅做法。Wikipedia:出貓紙#粵語同「語體」中文維基寫文嘅分別整理咗中維術語同粵維術語嘅分別，都係粵維多年以嚟嘅習慣，應該要尊重。正如英文維基同簡單英文維基，術語都會有分別，「External links」喺簡單英文維基會寫「Other websites」，所以如果你喺簡單英文維基寫「External links」，或者喺英文維基寫「Other websites」，一樣都會畀人彈返轉頭。--Yaukasin (傾偈) 2022年9月7號 (三) 13:56 (UTC)

搬完。——Z423X5C6（傾偈） 2022年9月7號 (三) 15:18 (UTC)

@Yaukasin：嚟呢邊傾。首先，唔好開口埋口就扣頂「中維術語」帽落嚟。嗰張所謂「出貓紙」只係反映某幾位粵維老用戶嘅用詞習慣，並唔反映粵維嘅主流共識，亦都唔係一條粵維嘅正式政策。事實上，睇你引嗰段「Wikipedia:出貓紙#粵語同「語體」中文維基寫文嘅分別」呢個標題，已經知道寫呢段嘅人有幾多斤兩。睇睇zh:語體文：「白話文，亦稱語體文。現代白話文主要有4種，分別是官話白話文（京白）、吳語白話文（蘇白）、粵語白話文（廣白）以及韻白（明代官話——中州韻白話文）」，簡單嚟講語體文就係相對於文言文，即係話我哋依家寫緊嘅都係語體文嘅一種。

喺維基百科，共識係可以改，唔係話「粵維多年以嚟嘅習慣」就「應該要尊重」。如果你係粵語母語使用者嘅話，應該有能力自己去分辨一啲詞語究竟係咪「完全唔係粵語」。 ——Z423X5C6（傾偈） 2022年9月7號 (三) 15:28 (UTC)

「粵語詞語」同「粵維術語」係兩個唔同概念，前者可以有好多種寫法表達同一意思，但後者應該要有一個統一標準。我用返上次「External links」（英文維基術語）同「Other websites」（簡單英文維基術語）做例，「Other websites」係百分百英文，但假如你喺英維寫「External links」個位寫做「Other websites」，一樣唔會畀英維接受。同埋雖然共識係可以改，但都用咗咁多年，用咗落超過十萬篇文，如果要改，一定要有充份理據同粵維社群明顯共識先。--Yaukasin (傾偈) 2022年10月18號 (二) 13:56 (UTC)

有關「WP:出貓紙」嘅政策討論，可以去返「WT:出貓紙」到傾，呢邊可以主要做返好文評審。 ——Z423X5C6（傾偈） 2022年10月19號 (三) 01:37 (UTC)

@Yaukasin：「嗰張所謂「出貓紙」只係反映某幾位粵維老用戶嘅用詞習慣，並唔反映粵維嘅主流共識」呢個我同意。要問下開文人User:SC96呢啲用詞係點樣定奪出嚟。特克斯特 (傾偈) 2022年10月19號 (三) 08:36 (UTC)

@Yaukasin：你拎簡單英語維基同英文維基做例子，不過簡單英語維基係要做到英文初學者都要睇得明個款。而粵語維基冇話過係「同中文維基唔同」做標準，係粵語就應該允許，同簡單英文維基唔同。特克斯特 (傾偈) 2022年10月19號 (三) 08:48 (UTC)

@Yaukasin：仲有，依家係「好文評審」討論，有冇文章內容係未達到好文？而唔係格式用字上嘅問題。特克斯特 (傾偈) 2022年10月19號 (三) 10:06 (UTC)

「粵維術語」呢一瓣我唔再喺呢篇文度糾纏，其他用戶覺得可以接受就得。正如我開頭話只係畀格式上嘅意見，依家大致上可以，只要解決埋個類未譯好（Infobox road instances in 密芝根州），我就冇其他意見。--Yaukasin (傾偈) 2023年1月24號 (二) 02:12 (UTC)

@Yaukasin：處理咗。 ——Z423X5C6（傾偈） 2023年1月28號 (六) 17:44 (UTC)