|
蛋黃，係蛋裏面部份，用來供養蛋內嘅胚。蛋黃掛喺蛋白入面，有一到兩條帶吊住，呢啲帶就叫卵帶。蛋未受精嗰陣，胚盤連蛋黃，係單細胞，係少數人眼睇得到嘅單細胞。如果蛋受咗精嘅話，蛋黃外層會有朕白色嘢；如果冇受精就冇。 蛋可以畀人食。蛋黃維他命豐富，礦物質都多。成隻蛋嘅脂肪同膽固醇，都喺囇蛋黃度。蛋白質方面，蛋黃亦佔全蛋五分一。 蛋有唔同煮法。如果純綷煎蛋，唔攪散佢，蛋黃就喺一塊白色中間，好似太陽咁，叫太陽蛋。如反一反佢，有朕蛋白包住，唐人叫佢荷包蛋。如可將蛋發勻，蛋白蛋黃撈勻，就會變淺黃色，好似炒蛋同奄列咁。 |