Transport (字款)

運輸
電腦字型	冇腳字
字款	舊式無腳字; 混合; 標誌
設計師	翟健尼亞; 瑪嘉烈解佛
創造日期	一九六三年
	樣本

Transport，可以譯運輸體，字款一種，無襯綫。本來為英國路牌而設，車行得急，都望得清啲字。有兩款，運輸體粗黑（Transport Heavy）、運輸體中黑（Transport Medium），前者粗啲，黑字白底用，後者幼啲，深底白字用。一九五七年到六三年，由翟健尼亞（Jock Kinneir）同瑪嘉烈解佛（Margaret Calvert）設計。呢個佢哋擔任設計師一環，為英國運輸部安達臣同禾貝斯委員會而造 ^[1] 。隻字款喺某啲舊時英治地，仍然有用，好似香港路牌英文咁，亦有其他國之後採用。

史

推出之前，英國路牌得大楷字母，字款冇正式名，有人叫運輸部體（Ministry），有人叫廖華倫士蔑體（Llewellyn-Smith）^[2]，由一九三三年年美布利報告書引入，之後一九五五到五七年之間有修訂過。舊式路牌，叫做指路柱，通常廠商各字有無襯線字款。見啲車唔多、冇咁繁忙，讀得清無咁緊要。不過，去到五十年代，英國要起第一條快速公路，成為改字款契機。

一九五七年，運輸部成立快速公路交通標誌顧問委員會，由高連安達臣爵士擔任主席，委任咗翟健尼亞做設計師。翟健尼亞請咗助手瑪嘉烈解佛。兩人研究測試種種路牌設計，一九五八年試喺培士頓繞道，條路即今六號快速公路一部分。一年後，正式用喺一號快速公路，倫敦到約郡一段。佢哋一改祗用大階，發覺用大細階並用，啲人唔使逐字母讀，更快讀出地名。委員會畀咗美國同埋歐洲各國做例，但兩人覺得太生硬、唔理想，於是乎做咗款圓滑字款。a t l 三字母，尾部設計獨特，而分數無橫綫，更加易讀易分辨。

初期成效唔錯，運輸部又成立另一委員會，由窩他禾貝斯爵士做主席，再次委任兩人做設計師，負責研究一般道路交通標誌。最後促成引入象形圖標誌，圖像設計根據一九四九年聯合國世界道路與機動交通會議所推薦。

特點

字款有粗幼版本，中黑同粗黑，兩者基本字形一樣。英國標準係幼啲嘅中黑配白底黑字^[3]^:18，用響非主要道路路牌，等人更加易讀；而粗啲粗黑就配深底白字^[3]^:18，例如綠色主要道路標誌。

英國路牌得運輸體。除咗快速公路號碼，別出字款，叫快速公路體（Motorway）^[4]。

運輸體用到符號有限，得路牌常用，好似撇號、英鎊符號、常見分數，好似½⅓咁。字體本來無變音符號，到二〇一六年交通標誌規例與一般指引，加入咗重音符號，用喺蘇格蘭路牌^[4] ^{: 附表十七}。

各地用途

本來英國設計，亦用喺世界好多地方。唔祇英國王室屬地、英國海外屬土，一啲有限留用英聯邦國，亦喺香港、冰島、愛爾蘭、希臘非快速公路、葡萄牙，同埋中東地區廣泛使用。丹麥做咗改良版，字距加大、數字形狀修改，叫做丹麥路牌字（丹麥文：Dansk Vejtavleskrift）。意大利同西班牙改得粗。意大利叫字母體（意大利文：Alfabeto，中黑叫 Alfabeto Normale），西班牙叫常規道路體（西班牙文：Carretera Convencional）。唔少地方，改成用到變音符號，加啲英文無嘅字母，配合當地語言需要。

其他文字地方，字款用做拉丁文音譯。愛爾蘭共和國路牌用全大寫運輸重體表示英文名。愛爾蘭名，正常大細楷運輸體斜粗黑，但係 A a i M N 五字母零舍唔同，a 同 i 係真意大利體（i 以前模仿安色爾體，無上點），A 同 M 模仿安色爾體，望落似 a m 高身版，N 亦模仿 M，用望落似 n 高身版。

二〇一四年四月，印尼電子顯示路牌用運輸體。