User:Dr. Greywolf/寫文方法

出自維基百科,自由嘅百科全書

呢篇仲未搞掂,希望有日會搞掂。

可以睇吓《學術寫作》嗰篇。

Log

2021-10-19: 打算喺度郁手 draft 篇文,講吓有關「我點樣寫文」嘅心得同技巧,希望幫到想寫維基文嘅人,甚至幫到想寫文做學術或者科普嘅人;仲未有耐搞掂。
2021-10-19: Planning to draft an article here to talk about my thoughts and techniques on "how I write articles", hoping to be helpful for people who'd like to write Wikipedia articles, maybe even people who'd like to write articles for academic or popular science purposes. Not even close to completion yet.
2021-11-12: 開咗《學術出版》呢頁;呢篇仲未有耐搞掂。
2021-11-12: Notes to self,寫任何類型嘅文(包括學術文)都可以想像成一串 logical argument,由一個大家都同意嘅 point 開始,再一路一個 point 帶去下一個 point。
2022-03-17: 開咗《學術寫作》呢頁。

Introduction

定義 + 例子

定義抽象得滯,所以講定義最好掕啲具體嘅例子。


我 intro 嘅一個可能做法係,第一段講明樣嘢嘅定義,不過定義通常有啲抽象,所以我喺第二段即刻提供一啲具體例子,而啲例子最好係日常生活觀察得到嘅,或者最少可以預你嘅 reader [註 1]能夠理解嘅。例:

  • 統計學》嘅 intro:第一段講統計學做嘅嘢嘅 procedure,第二段舉個例。
  • 密碼學》嘅 intro:第一段講密碼學做嘅工作,第二段就用加密呢個具體啲嘅例子。

有陣時呢兩樣嘢可以一段過。

  • 概率論》嘅 intro:第一段講完概率論嘅定義之後就即刻舉具體嘅例子。噉係因為我覺得掟銀仔呢個例子好簡單,唔使特登開一段講。

Hook

Intro 起咗引入嘅重要作用。我喺個人寫文嗰陣,一樣基本嘅 intro 技巧係噉嘅:

由對方會識嘅嘢嗰度引入。


舉兩個例子說明(as of 我寫呢篇嘢):

  • 蒙地卡羅樹搜尋》嘅 intro:「... 例如人工智能程式 AlphaGo 就用咗 MCTS,並且喺 2016 年因為打低九段圍棋棋手李世石而出咗名。」
  • 動態難度調控》嘅 intro:「舉個例說明,任天堂嘅名作《孖寶賽車系列》(Mario Kart)就用咗動態難度調控:...」

蒙地卡羅樹搜尋同動態難度調控都係啲比較偏門同專門嘅嘢,多數人應該連聽都未聽過,但我相信好多人[註 1]都會起碼聽過 AlphaGo 同 Mario Kart,所以我攞咗呢兩樣做例子;因為噉,我決定喺 intro 嗰度提一提呢兩樣嘢。

再廣義化啲嘅話,如果閣下係想做教書或者做科普等嘅工作嘅話,我諗呢種技巧都會有用:如果你一開頭就講一啲對方完全唔識嘅嘢,對方多數冇興趣,但如果你首先提一樣對方知 + 有興趣嘅嘢,然後再由嗰樣嘢帶入去想講嗰個 topic 嗰度嘅話,對方比較大機會會覺得有興趣聽落去。

我暫且將用嚟做帶入嗰樣嘢叫做「hook」。帶入可以有好多方法:

  • 個 hook 係想講嗰個 topic 嘅一個例子-
    • AlphaGo(hook)係一個用咗蒙地卡羅樹搜尋(想講嗰個 topic)嘅人工智能程式
    • Mario Kart(hook)係一隻用咗動態難度調控(想講嗰個 topic)嘅遊戲
  • 想講嗰個個 topic 係個 hook 嘅一個例子-
    • 暫時未諗到例子。

... 等等。Hook 呢樣嘢通常係啲偏門嘅文先至要用嘅,例如《電腦科學》同《生物學》等嘅文你就唔見我用 hook,因為我相信我啲 reader [註 1]應該會對「咩係電腦」同「咩係生物」或多或少噉有啲概念。

Profundity

如果寫緊嗰個 topic 係有返咁上下大路嘅嘢,就唔使用 hook。噉嘅話,我會响 intro 最後嗰段講吓簡史,例如《科學》同《人工智能》就係噉;再唔係,我會講吓篇文嗰個 topic 有啲咩重大嘅影響或者貢獻,例:

  • 概率論》:Intro 第二段講到概率嘅詮釋點樣影響人理解宇宙嘅隨機本質;
  • 統計學》:Intro 第三段講咗句話統計學技術喺好多領域上都有用;
  • 性格心理學》:Intro 第三段講咗話性格心理學對應用心理學嚟講有用;
  • 熱力學》:Intro 第三段講到熱力學第二定律對宇宙最終命運有咩啟示;
  • 海洋生物學》:Intro 第二段同第三段講到海洋生物研究對了解生命嘅重要性同埋海洋生物創造嘅經濟價值

我嗌呢個概念做「profundity」:

一個 topic 要有返咁上下重要,啲人先會有興趣睇。
更加重要嘅係,寫文嘅人要喺開頭就話俾睇嘅人知『呢個 topic 重要』。


原理上,profundity 同 hook 有少少似,重點都係「要喺個 intro 嗰度有啲嘢引起人興趣」。

In sum,

In sum,我建議寫 intro 嗰陣條思路如下:

  1. 定義 + 例子;
  2. 如果篇文嘅 topic 比較偏門,用 hook;
  3. 講吓篇文個 topic 有咩咁重要,個 topic 答唔答到「宇宙本質係乜」等重大嘅問題?有冇咩實用價值?

重點一句:

Write for your audience, not for yourself.


Flow

我喺做「寫文」呢樣工作嗰陣,大致上係跟以下嘅流程行事嘅。而家按某維基朋友嘅建議喺度分享-

    快速噉擸一次嗰篇文嘅英維版同中維版

    基於 (1) 英維版同中維版嘅內容同埋 (2) 我對呢個 topic 嘅認識計劃篇文要有邊幾個 section

    安排啲 section 嘅次序一般會按以下嘅基準決定啲 section 要跟乜嘢次序
        歷史 section 一般擺最尾
        assume all other factors being constant易明嘅 section 行先
        assume all other factors being constant如果一個 section a 能夠幫助讀者理解 section b  section a 會先過 section b
        # 留意:唔好盲目噉跟英維或者中維;佢哋都係由人寫嘅,而人可以犯錯,所以要諗吓英維同中維嗰啲 section 同 section 排序係咪合理。

    安排每個 section 要有乜嘢 subsection排序以及思考方法同安排 section 一樣
    # 如果有個 subsection 零舍多 subsubsection,可以考慮將嗰個 subsection 升做一個獨立嘅 section。
    # 一般嚟講,如果有一個段落過唔到 400 字,我唔會俾佢有一個獨立嘅 heading;如果有一大柞唔過 400 字嘅細段,可以考慮用 point form。

    for 每一個 subsection
        if possible
            嗰段第一句要 summarize 嗮成段要講嘅嘢

        if 嗰個 subsection 要講嘅 idea 唔屬常識
            首先定義個 idea 係啲乜

        詳細啲噉 elaborate 吓個 idea
        舉一兩個例子說明個 idea
        if 個例子好長
            開一個新段淨係講個例子
        # 都係嗰句,唔好盲目噉跟英維或者中維,如果你覺得嗰一段入面某一句 fit 落去第個 subsection 比較適合嘅話,大可以將嗰句嘢掟去第個 subsection 嗰度講。
        寫完後睇一次段嘢諗吓一個唔係專業嘅人睇唔睇得明
        檢查吓段嘅 logical flow最理想嘅係每句都 logically  follow 上一句能夠 elaborate 上一句講嘅內容或者同上一句成某啲邏輯關係);

        if  logical flow 唔靚
            identify 邊句嘢阻礙個 logical flow
            將嗰句嘢掟去第度

            if 冇句子零舍阻礙個 logical flow
                睇吓好唔好加句子嚟連接 logical flow 唔順嘅句子

         citation理想係每段都起碼有一個 reference
        if 段嘢長得滯多過 300 
             subheading 將段嘢 split 做多個 subsubsection;(等段嘢易睇啲
    # 順帶一提,一開始嗰陣,試吓寫細文先,等到自己有返咁上下經驗先寫啲大文。
    # 又順帶一提,寫文揀啲自己專長嘅領域嚟寫啦,唔好夾硬要自己寫啲自己唔熟嘅領域嘅文。
    # 小小心得,我喺寫文嗰陣,通常會加入「喺廿一世紀初...」等嘅字眼,用意在於俾睇文嘅人對於「呢篇嘢最近幾時 update 過」有個 idea。如果(例如)2050 年有人睇呢篇嘢,見到「廿一世紀初」,就知呢篇文有一排冇 update 過。
    # 如果話一篇文(唔淨只係維基文)寫得「深入」,即係話篇文做到 precise(即係冇[[含糊]]字眼)、冇多餘句子、同埋能夠將個 topic relate to 第啲嘢。

For 科學領域文(例:認知科學物理學生物學經濟學):

  1. 講明個領域嘅基本哲學(例如科學哲學)同最核心概念(i.e.:認知科學核心概念-心靈;生物學最核心概念-生命;經濟學最核心概念-稀缺性);
  2. if needed,講吓個領域嘅研究方法,especially 係個領域獨有嘅研究方法(i.e.:認知科學以外嘅領域比較少會用到神經成像認知模型);
  3. 講吓個領域嘅重要理論同概念,arranged in the order of 由「淺」到「深」,最理想係要有一個 unbroken 嘅 logical flow,由一個概念帶去下一個(e.g., 物理學由古典物理學,帶去建基於古典之上嘅現代物理學);
  4. 講吓個領域嘅知識有乜應用價值;
  5. 講吓個領域有邊啲重要嘅子領域;
  6. 講吓個領域嘅史(in my opinion 最唔重要嗰 part)。

For 技術文(例:腦電圖機械學習電子遊戲嘅人工智能

  1. 定義呢種技術,以及講吓了解呢種技術運作原理所需嘅理論知識;
  2. 講吓用呢種技術達到目的要涉及邊啲工序(e.g., 腦電圖:搜集腦電數據→處理腦電數據→分析腦電數據...;機械學習:事前數據處理→建立數學模型→揀學習範式做學習→評估個模型掂唔掂...);
  3. 講吓呢種技術有邊啲重要嘅應用。
  4. 講吓個技術嘅史(again,in my opinion 最唔重要嗰 part)。

Various techniques

  • 英文名:我強烈建議啲行話詞彙要喺第一次出或者第一主講(例如嗰個行話係佢屬嗰個 section 嘅 title)嗰陣出英文名。現實係,啲人讀到咁上下都係會讀英文嘅文獻,所以我覺得粵維嘅文最好都係 prepare 啲讀者 for 呢樣嘢,要起碼俾佢哋知道啲行話詞彙嘅英文名係乜。我個人做法係預啲讀者初中程度嘅,好似植物同昆蟲等嘅字我唔會出英文,因為初中生冇理由唔識 plant 同 insect 呢啲咁基本嘅英文字,但好似原子呢啲初中生好大機會唔識嘅嘢,我就會喺文入面掕個英文名。Dr. Greywolf (傾偈) 2021年10月22號 (五) 08:34 (UTC)
  • 「廿一世紀初」:你見我寫嗰啲文好興用「廿一世紀初」呢串字;噉係因為我想喺啲文入面強調啲知識大致上係幾時寫低嘅,噉嘅話(例如)响 2050 年有個人想執篇文嗰時見到「咦,篇文都係由廿一世紀初嘅知識嗰度講嘅」,就即刻知篇文啲知識可能唔夠 update。Dr. Greywolf (傾偈) 2021年10月23號 (六) 08:47 (UTC)
  • 紅字:我個人好唔鍾意紅字拎,所以遇到紅字拎實會同佢開篇揳位文。我覺得開揳位文亦都會起到 futureproof 篇文嘅效果-想像你寫緊嗰篇文有個 concept X,你冇幫 X 開揳位文,留低隻紅字,而過咗若干時間之後,有一個興趣上同你相近嘅人幫 X 開咗篇文,但佢用嗰個 title 同你篇文入面嗰個唔同,就搞到你寫嗰篇文入面嗰隻紅字永遠做紅字。Dr. Greywolf (傾偈) 2021年10月29號 (五) 02:56 (UTC)

註釋

  1. 1.0 1.1 1.2 我個人預我嘅 reader 係起碼初中程度。