Wikipedia:是日正文/2023年11月

出自維基百科,自由嘅百科全書
一隻西方蜜蜂喺度採緊花蜜。
一隻西方蜜蜂喺度採緊花蜜。

蜜蜂係一個,2020 年喺全世界總共有 7 個品種同埋 44 個次品種。佢哋有好多易認嘅特徵:同第啲蜂唔同嘅係,蜜蜂識得採花蜜同埋用花蜜整營養豐富嘅蜜糖嚟餵佢哋啲幼蟲;佢哋仲曉用蜂蠟起一啲大過佢哋身體好多嘅,並且成大羣噉响蜂后嘅支配之下住喺個竇入面。

蜜蜂具有真社會性,一羣蜜蜂入面會有好仔細嘅分工:一個蜜蜂竇入面一般會有一隻蜂后、10,000 到 150,000 隻工蜂、以及係 500 到 1,500 隻蜜蜂公,而部份嘅蜜蜂竇會有兩隻蜂后;頭嗰兩種蜜蜂都係,當中得蜂后有生殖能力-即係話工蜂係冇生殖能力嘅乸。於是乎,成個蜜蜂竇嘅分工如下:蜜蜂公負責同蜂后交配;蜂后因為係成個竇唯一一隻有生殖能力嘅乸,所以要負責猛咁生蛋,等個蜜蜂竇有得維持數量;工蜂就要負責日做夜做,周圍飛嚟飛去搵食養起個蜂后同班蜜蜂公,工蜂朝頭早採蜜、夜晚就釀蜜,而喺個竇有危險嗰陣,佢哋要負責攻擊入侵者。

對人嚟講,蜜蜂呢種昆蟲好有價值。响經濟上,啲工蜂喺採蜜嗰陣時會為啲果樹傳播花粉,係好多種農作物傳花粉嘅重要媒介,而且蜜糖又可以用嚟整好多種嘢食。因為蜜蜂咁有用,歐亞大陸嘅人不嬲都有養開蜜蜂,而喺大航海時代英國人西班牙人仲由亞洲歐洲將蜜蜂帶咗去本嚟冇乜蜜蜂嘅美洲嗰度,令到蜜蜂去勻全世界。到咗廿一世紀,蜜蜂經已係全球經濟當中不可或缺嘅一部份。因為蜜蜂嘅呢啲價值,有好多科學家都會專職研究蜜蜂-蜜蜂學昆蟲學嘅一個子領域,顧名思義專門研究蜜蜂。 (成篇文章……)

以前嘅正文: 認知科學行為經濟學機械學習