Wikipedia:最近加入

WP:DYKA

你知唔知 (T:DYK)
規則同埋規例 (WP:DYK)
討論 (WT:DYK)
建議 (T:TDYK)
舊文 (WP:DYKA)

呢個係啱啱登上過頭版嘅你知唔知？嘢嘅紀錄。之前加咗嘅新文，大幅由之前嘅楔文擴展，同埋最近升格咗做好文係有資格嘅，你亦都可以遞交佢哋去考慮。

啲歸檔係以每年之前喺頭版出現過。要搵乲前喺「你知唔知？」出現過嘅舊文事實，返去嗰篇文嘅左手邊度撳『有乜連過嚟』。跟住揀Wikipedia空間名再撳「去」。當你搵到『Wikipedia:最近加入』同埋一個數字，撳入去再搵嗰篇文章嘅名。

現時歸檔

2006年 · 2007年 · 2008年 · 2009年 · 2010年 · 2011年 · 2012年 · 2013年 · 2014年 · 2015年 · 2016年 · 2017年 · 2018年 · 2019年 · 2020年 · 2021年 · 2022年 · 2023年 · 2024年 · 2025年 · 2026年 · 2027年

改呢個DYK歸檔導航模

「你知唔知」一覽：

你知唔知...

請喺每一個月嘅最頂度加入一行 ==={{subst:CURRENTYEAR}}年{{CURRENTMONTH1}}月=== ，喺DYK模拎走個鈎嗰陣可以放入去。呢個係肯定全部嘅時間係以UTC時間做基準同埋準確。呢版應該每年歸檔，唔該晒。

2025年11月

...九型人格部份源自神秘主義，唔少心理學家都認為佢唔夠科學？
...阿拉伯話各地嘅方言，差異大到聽唔明對方講乜？
...拉丁字母本來得 21 隻，J、U 同 W 等都係後來先加上去嘅？
...成年猶太男子祈禱嗰陣，好多時都會披住塊 tallit，有保持潔淨之意？
...潔淨聖殿依個聖經故事講到，耶穌見到人用聖殿做商業買賣嘅場所，因而勃然大怒？
...啲人有時會起蟲舍嚟吸引蝴蝶？
...趨勢圖可以用嚟圖像化噉表達變數點樣隨時間上落？

2025年10月

...Macabre一詞出自古時嘅法文，指緊一類用咗死亡相關意象嘅文藝作品？
...喺物理學之中，宏狀態呢個概念可以用機率分佈嚟想像？
...執波仔係體育比賽中負責執出咗界嘅波，快速遞波畀球員或裁判，以確保比賽順暢進行，避免浪費時間？
...喺遊戲設計上，魔法值可以用嚟協助遊戲平衡？
...自閉症譜系嘅細路，有陣時會出現鸚鵡式說話嘅情況？
...有科幻界人士提出稱奇感依個概念，主張科幻作品要令讀者觀眾有「覺醒」或者「突然學到嘢」噉嘅感受？
...廣義線性模型相關嘅討論講到，統計師要留意處理緊嘅數據嘅特性，揀選用邊種模型嚟模擬變數間嘅關係？
...伯爵茶傳統上好多時都會用中國嘅祁門紅茶做基底？
...捉雙呢種國際象棋戰術，講到要用一隻棋同時威脅對手兩隻棋，迫對手二揀一？
...根據聖經《創世記》記載，以掃為咗一碗湯就將長子嘅名份賣咗俾細佬，令到唔少人都視佢為草率衝動嘅象徵？
...台灣民眾黨主席兼立委黃國昌被揭發聘用狗仔隊跟蹤偷拍唔同政治人物，引發風波？
...天才一詞喺心理學同神經科學上查實並冇明確嘅定義？
...推銀機有陣時會結合收集嘅機制，喺啲銀仔中間夾雜可收集嘅咭？
...美國跨性別網絡紅人Lilly Contino曾經喺廁所自拍，違反當地法例，引起一啲爭議？
...2017－2018年期間，澳洲國會因為雙重國籍問題出現咗一場跨黨派嘅議員資格危機？
...初熟果子係以色列人獻上地裏面出產嘅第一批成熟農作物，表達感恩同承認上帝係供應一切嘅源頭？
...粒子物理學呢個物理學領域，專門睇最細粒嘅基本粒子，亦會研究呢啲粒子嘅行為？

2025年9月

...零用錢除咗畀細路仔買零食、文具，仲可以教佢哋學識理財同培養責任感？
...俳句通常都會提到季節相關嘅景象？
...時環效應呢個概念講到某段時間係噉重複，常見於科幻同奇幻等嘅虛構作品？
...課程輔助活動係配合課堂內容嘅學習活動，例如參觀、實地考察等，會喺上課時間內進行，所有學生都需要參加，並計算喺正常上課出席率？
...寄宿學校提供住宿設施，學生喺校內學習、生活，適合需要自律同獨立生活嘅人，亦有多元課外活動促進成長？
...iPhone 3G 銷量遠遠高過第一代 iPhone？
...流通貨幣唔一定係實體嘅銀紙同銀仔？
...《西遊記》成書於明朝，最初出現嗰時並冇署作者名？
...口試係考官口頭發問問題，考生即場用講嘅方式作答，常見於語言測試、學術研究同專業考核？
...响漢文化之中，儒教、佛教同道教傳統上合稱「三教」？
...五秒法則話嘢食跌落地之後五秒內執返都仲食得，但係科研否定咗呢類講法？
...喺數學上，期望值可以用嚟評估一個選項有幾好？
...iPhone 4S 啱啱出嗰時，銷量（同前代比）去到頂峰，訂單生效之後廿四個鐘內銷售額已經超過 100 萬張單？
...賣高露潔牙膏嗰間公司曾經搞品牌延伸，用佢哋隻牌子賣千層麪，結果失敗收場？
...最佳差異呢個社會學概念講到，人要順利同其他人相處，就要同同伴有一定差異，但又唔可以同同伴差太遠？
...主流宗教話上帝係全能嘅，爾個諗頭被指係引起咗矛盾，受到唔少哲學家同神學家討論？
...《乞兒王子》係馬克吐溫嘅經典小說，講述王子同乞兒交換身份，揭示社會階級同人性嘅深層意義？

2025年8月

...《我哋去獵熊》依本英國繪本嚟自一首民歌，贏咗多個獎，仲入埋健力士世界紀錄？
...現代嘅英文書寫被指係深正字法，閱讀嘅人難以齋靠串法正確估到讀音？
...一組數據嘅眾數，係指組數據之中出現得最多嗰個值？
...信達雅依個概念由一位清朝嘅知識份子提出，講到譯歐文嗰陣要跟從三個大條件？
...社科研究搵樣本嗰陣，好多時都焗住要用便利抽樣？
...稅可以分直接稅同間接稅？
...氟塑膜呢種材料，強靭、隔音得嚟又隔到熱，被指係啱晒用嚟起建築物？
...加拿大嘅多倫多，喺今年7月開咗個大型公園，叫比打士基公園？
...亞健康係指介乎健康同疾病之間嘅身體狀態，無明顯病徵，但身體功能已經異常？
...香港同日本對無糖嘅定義，有些少唔同？
...粵語、文言以至英語都有代形容詞？
...玩具呢家嘢，早喺古埃及時期就已經有？
...鐵勳尼燈呢種燈用咗彩色玻璃，唔少設計師都覺得佢高雅又獨特？

2025年7月

...跆拳道舞係一種將跆拳道動作同舞蹈元素結合嘅運動表演形式？
...玩具呢家嘢，早喺古埃及時期就已經有？
...簡約音樂源自二十世紀六十代嘅美國，其中一個特徵係有規律，節奏脈動，節拍清晰？
...香港莫利斯舞蹈團於一九七四年成立，專門跳英國嘅土風舞？
...喺舊約聖經中，士師依種人物相傳係由上帝揀選，負責帶領以色列人脫離外敵嘅壓迫？
...研究指，自閉症譜系嘅人士好多時都有一股慣性，想郁手做嘢都郁唔到？
...打和係指喺比賽、遊戲或者談判中出現無輸無贏嘅結果，雙方勢均力敵，冇分高低？
...搵字遊戲呢種解謎遊戲，要求玩家搵出正方形空間中隱藏嘅詞同句？
...軟件工程上有講到所謂嘅 KISS 原則，主張解決問題嘅方法係愈簡單愈好？
...每微升血閒閒哋有數以百萬計嘅紅血球？
...曾經有出於香港嘅滾珠機創咗世界紀錄？
...欖球、曲棍球同手球等嘅多種運動都有補時嘅機制？
...英語動詞 do 可作代動詞，而呢種現象喺歐洲語言中好常見？
...香港道路改名嗰陣都有準則要跟？
...設計研究被描述為「研究人造嘢嘅科學」，會剖析物品要點設計先可以達致最佳效果？
...司馬遷年僅廿歲，就行勻全中國搵史料？
...獵鹿博弈呢個概念出自博弈論，可以用嚟分析動物嘅合作行為？
...一頁頁紙用膠水黐出嚟嘅膠裝書，最初喺工廠整嗰陣其實並唔係分開一頁頁嘅？
...視覺同聽覺都係感知嘅形式？
...歐幾里得提出咗五條公理，主張呢啲公理可以解釋晒所有幾何學嘅定理？
...西式書傳統上係由一種叫書帖嘅摺紙結構組成嘅？
...六書講到中文字有六種造字法，而粵字中嘅新造字都係跟住六書造出嚟嘅？

2025年6月

...熱帶氣旋嘅風壓關係可以幫手判斷一個熱帶氣旋嘅強度同埋破壞力？
...自然療法個諗頭係信人體有自我治癒能力，主張人可以透過改善生活方式等嘅方法嚟恢復健康？
...集合心靈呢條科幻橋段講到多個肉身分離嘅個體「共享一個心靈」？
...語言磨蝕相關嘅討論講到，人長期唔用自己嘅母語，好可能會唔記得母語啲詞彙要點講？
...共病依個概念講到多種病症同時出現，而對心理病嘅研究都會講邊啲病症間有共病傾向？
...羅馬字母嘅字素，係佢哋啲個別字母？
...設計思維講到做設計嘅人要對使用者有同理心，理解使用者嘅體驗？
...有研究指，粵語每段音節對應一段音拍？

2025年5月

...衝動控制障礙係一大類嘅心理病，患者成日都會忍唔住衝動，例如係唔受控制亂咁買嘢？
韓國公務員考試文化衍生咗「考試村」同「考試院」嘅文化同經濟圈？
...語言學上嘅接受度判斷測驗，可以用嚟窺探語言嘅「語法潛規則」？
...多人遊戲裡便嘅坦克型角色，專職係幫隊友「擋子彈」？
...心理語言學上有所謂嘅詞庫決定實驗，剖析人腦會唔會對「真詞語」反應快啲？
...做實驗性質嘅研究嗰陣，往往會將受試者分做實驗組同對照組？
...有序場係一種數學結構，同時有加減乘除同排序嘅概念？
...從句可以黐落去名詞度，用嚟描述名詞？
...好多 AI 程式都受到批評，畀人話佢哋係無法理解嘅黑盒？
...驗尿可以用嚟檢測一個人有冇食禁藥？

2025年4月

...希臘神話相傳，邁達斯國王曾經得到點石成金嘅能力，佢掂到嘅嘢冚唪唥都會變成黃金？
...日本盛行乾布摩擦，聲稱有助提升體力、預防感冒？
...生態缸可以自成「迷你生態系統」？
...和語呢個概念，係指日語嘅本土詞彙？
...天使戰爭依個聖經故事講到，有天使試圖挑戰上帝，結果輸咗，搞到畀上帝放逐？
...P-hack 嘅行徑，引起唔少人質疑科研係咪信得過？
...速讀嘅做法，好多時都係講閱讀嗰陣雙眼要有技巧噉郁動？
...做迴歸分析等嘅統計分析，好多時都會假設手上嘅變數係獨立同分佈嘅？

2025年3月

...現代科學講究，做研究嗰陣要將啲現象量化？
...廿一世紀初嘅主流理論認為，行星查實源自星雲？
...普遍認為，一般智能因素反映一個人「整體上有幾聰明」？
...喺冇人住嘅漢斯島，加拿大其實同丹麥係接壤嘅？
...如果話某一套策略係嚴格嘅佔優策略，意思係話無論對手點揀，套策略都能夠令選擇者利益最大化？
...呢啲、嗰啲、我同埋依家等嘅字詞，都有直指嘅性質？
...和路迪士尼好細個就學畫畫，十八歲嗰陣就做咗商業插畫師？
...耶穌受洗嘅故事講到，耶穌喺約旦河接受洗禮，期間聖靈從天而降，稱佢為「神之子」？
...展望理論呢套經濟學理論，講解人嘅決策點樣受非理性因素左右？
...虛構故仔呢個概念，可以包括純以文字嚟表達嘅作品，仲可以包埋漫畫、電影同音樂入便嘅故仔？
...語言學裡便有語用學呢個學科，深入探討言外之意？
...人工智能技術，被指有可能創造出超智能？
...影相相關嘅討論，會用到光學概念？
...芭蕾舞劇《胡桃夾子》嘅樂曲，係由柴可夫斯基作嘅？

2025年2月

...詞彙動貌呢個語言學概念將動詞分做幾類，講到某啲動詞會抗拒做進行式？
...布拉姆斯呢位德國作曲家鋼琴造詣好高，仲成日彈鋼琴同自己作嘅樂曲做首演？
...詞義消歧嘅技術，講到想教電腦自動搵出每隻字詞係咩詞義？
...荷馬呢位古希臘詩人，到咗廿一世紀初學界仲未確定佢係咪真有其人？
...對立正方形提到四種語句，當中有一種係好多語言都冇單一字詞可以表達嘅？
...識字率反映一個地區嘅人力資本？
...戰鬥定逃走反應會令到隻動物出現一連串嘅生理反應，包括心跳同唞氣加快？
...松尾芭蕉呢位日本詩人，出名寫咗好多俳句？
...一隻語言之所以會有同義詞，好多時都係源自佢哋借用外來詞？
...蛋白質對生物嚟講好重要，幾乎所有細胞活動佢都有份？
...加速度嘅加速度，叫做急變率？

2025年1月

...好似過年行花市等嘅消費活動，能夠刺激經濟增長？
...四君子包括咗梅、蘭、竹、菊依四種植物？
...蘇格拉底方法呢種教學法，講到教嗰方要發問，引導對方畀答案，然後佢就要進一步發問，指出對方諗嘅嘢有咩漏洞？
...安徒生一世人寫咗過百個童話故事？
...好多患咗異位性皮膚炎嘅人都會出現鼻敏感或者氣喘嘅症狀？
...有人建議過重訂日圓面額，減走兩個0？
...心情板係做 design 用嘅工具，用嚟捕捉一個概念嘅「神髓」？
...虛擬廣告係一種插入式廣告技術，可以令球場上嘅電子廣告牌喺唔同地區嘅電視觀眾面前顯示唔同嘅廣告內容？
...局部類固醇戒斷症狀會影響皮膚，包括皮膚發紅、有灼熱感同痕，跟住仲可能會甩皮？
...西敏寺鐘聲由五個樂想抽出嚟組成，世界多地都有人用過？
...寫程式用回呼函數，被指會令程式變到更加「可返用」？
...《友誼萬歲》呢首新年歌曲，查實出自蘇格蘭？
...識得同人傾計嘅 ChatGPT，用咗大型語言模型嘅技術？
...時間管理相關嘅討論講到，一個人做嘢要考慮唔同工作嘅重要度同緊急度？
...喺台灣，中華大學將會同國立清華大學合併？
...轆呢樣嘢，據講係由兩河流域文明嘅人發明嘅？
...講鹹度嘅話，北冰洋係五大洋之中最低嘅？