YouTube言論審查爭議
有一啲香港同台灣嘅YouTube頻道內容創作者,曾經指控YouTube對佢哋進行言論審查,特別係一啲對中國共產黨不利嘅資料、言論(例如武漢肺炎疫情、香港反送中運動等)[1][2]。發表呢啲資料、言論嘅影片,往往都會被「黃標」(即內容收益紅會大幅減少),令內容創作者唔可以獲利。YouTube喺面對指控嘅時候就表示,呢啲係出於人工智能嘅審核判定機制未夠準確[3]。
針對香港非建制派[編輯]
- 反修例運動期間,有YouTuber發表支持運動或者批評中共言論,結果被YouTube黃標處理[4]。
- 2021年12月21號,《升旗易得道》節目主持人Tony Choi 喺 Facebook表示頻道被政治打壓,所有影片都俾「黃標」,就連同政治無關嘅內容亦一樣,令佢地唔可以好似一般YouTube頻道咁樣獲利。YouTube甚至冤枉佢哋違反防疫政策、發佈不實醫療資訊,又唔回覆申訴[5]。
- 時事評論員黃世澤多次公開批評YouTube對內容「黃標」嘅做法,甚至曾經形容自己同YouTube黃標組啲人關係,係去到敵對地步[6]。佢舉例,喺佢評論閻麗夢、一帶一路、TikTok等對中共有批評嘅內容影片,就會被YouTube「黃標」,質疑YouTube係咪有中國嘅國安喺度[7][8]。
- 《無糧軍師Water》亦發現佢明顯冇敏感嘢嘅影片被「黃標」;佢喺嗰排經常講及蔡天鳳案,其內容亦包括批評香港官府嘅言論。[9]
- 經常批評港澳政府嘅司徒文進 CROSSBONE亦經常受「黃標」傍「紅標」困擾,佢嘅節目多數都直播出街。(注意:佢係澳門人,喺澳門撈。)[10]
武漢肺炎疫情期間[編輯]
喺武漢肺炎疫情(新冠肺炎)初期,有YouTuber表示自己提「武漢肺炎」就被黃標,認為 YouTube 打壓言論自由、限縮創作空間,更質疑黃標氾濫的背後原因唔簡單[1][11]。其中因為影片提及武漢肺炎而被黃標嘅YouTube頻道有《Karen茄雲遊攝世界》、《志祺七七X圖文不符》等[2]。
YouTube就武漢肺炎相關內容被黃標,佢哋就話係由於內容敏感同有爭議性,因此被限制或無法獲得廣告收益,又話事件同言論自由無關,審閱影片嘅時候亦冇政治取向[1]。而去到2020年3月17號,YouTube就宣佈放寬,有限度准許武漢肺炎影片嘅廣告獲利[12]。但時事評論員王陽翎就認為,YouTube就算要防止惡意謠言流傳,但一刀切劃一黃標影片嘅做法係太過懶惰[4]。
其他知名受害人[編輯]
其他知名受害人,仲包括台灣 YouTuber 呱吉等[1]。
外間反應[編輯]
- 2020年3月,有網民曾經喺美國白宮網站發起連署,要求YouTube解釋,點解喺武漢肺炎嘅主題,咁多影片會被「黃標」,特別係香港、台灣同韓國嘅YouTuber[13],聯署內容又質疑,中國係咪有參與YouTube限制言論自由嘅行動。聯署得到台灣時事節目《年代向前看》響應[14],之後超過10萬人參加[1][15]。
參考[編輯]
- ↑ 1.0 1.1 1.2 1.3 1.4 〈提「武漢肺炎」就黃標!YouTube 是審核誤判還是打壓言論自由?〉. 《TechNews 科技新報》 (臺灣中文). 喺2022-01-23搵到.
- ↑ 2.0 2.1 〈疫情、反送中被「黃標」?社群媒體被質疑屈共〉. 《新唐人亞太電視台》. 喺2022-01-23搵到.
- ↑ 〈黃標政策遭疑為言論審查,YouTube:AI 審核判定不夠精準〉. 《TechNews 科技新報》 (臺灣中文). 喺2022-01-23搵到.
- ↑ 4.0 4.1 〈社交媒體審查風波 YouTube「黃標」為何惹爭議?〉. 《大學線》 (香港中文). 2020-04-28. 喺2022-01-23搵到.
- ↑ 〈《升旗易得道》 捨棄大陸生意 專心做YouTube〉. 《大紀元時報 香港|獨立敢言的良心媒體》 (香港中文). 2022-01-04. 喺2022-01-06搵到.
- ↑ 黃世澤 (2021-11-13). 〈Adsense 嘅中國式營運〉. 《MO's notebook 4G 黃世澤 的筆記簿》. 喺2022-01-23搵到.
- ↑ 黃世澤 (2020-08-06). 〈YouTube 係唔係有國安?〉. 《MO's notebook 4G 黃世澤 的筆記簿》. 喺2022-01-23搵到.
- ↑ 黃世澤 (2020-08-02). 〈講 TikTok 會黃標再現〉. 《MO's notebook 4G 黃世澤 的筆記簿》. 喺2022-01-23搵到.
- ↑ 〈無糧軍師Water - YouTube〉. www.youtube.com. 喺2023-04-19搵到.
- ↑ 〈司徒文進 CROSSBONE - YouTube〉. www.youtube.com. 喺2023-07-30搵到.
- ↑ 〈YouTube以"黄标"禁谈武汉肺炎 被批评打压言论自由〉. Radio Free Asia (簡體中文). 喺2022-01-23搵到.
- ↑ 〈Google宣佈放寬YouTube「黃標」,有限度准許新冠肺炎影片廣告獲利〉. 《TechOrange 科技報橘》 (臺灣中文). 2020-03-17. 喺2022-01-23搵到.
- ↑ 三立新聞網 (2020-03-08). 〈YT影片被黃標原因曝…9萬人怒連署:YouTube踹共 | 政治 | 三立新聞網 SETN.COM〉. 《三立新聞網》 (中文). 喺2022-01-23搵到.
- ↑ 楊是命 (2020-02-28). 〈YouTube 也被中國滲透?「年代向錢看」呼籲:連署抗議! | pourquoi 報呱〉 (臺灣中文). 原著喺2022-01-23歸檔. 喺2022-01-23搵到.
- ↑ 〈「黃標」武漢肺炎影片惹議 YouTube解釋:無針對群組 - 自由財經〉. 《自由時報電子報》. 2020-02-27. 喺2022-01-23搵到.