唐碧霞

唐碧霞
女藝人
出世	1994年  英屬香港
經紀公司	nowTV（2015年-2016年） 黃偉文所創立嘅電影公司（2016年-）

唐碧霞
母校	生命教育協會呂郭碧鳳中學 巴拉福特大學工商管理學士
寫作嘅時期	2018年-
主題	玄學界 賽馬界
名作	唐碧霞牛年運程書 馬徒勝經 唐碧霞虎年運程書 唐碧霞兔年運程書

唐碧霞（Yoki Tong，1992年—），外號「碧霞老師」，係香港堪輿學家、專欄作家、女模特兒、主持人、演員。十五歲拍攝第一個廣告後，就入行做模特兒，又做過now TV節目主持，因為參選2016年香港小姐競選成為大熱後退選而出名，2018年正式進入玄學界及賽馬界。因為外表甜美、精通玄學兼口才文筆好，所以被各大傳媒力捧，擁有自己嘅運程書、賽馬書、玄學賽馬節目、專欄及風水玄學館，知名度越來越高。

2020年佢推出咗「唐碧霞牛年運程書」、「馬徒勝經」兩本著作，2021年推出第三本著作「唐碧霞虎年運程書」，因廣受歡迎，2022年推出第四本著作「唐碧霞兔年運程書」，進一步增加知名度同埋喺玄學界嘅地位。

簡歷

唐碧霞以前讀新生命教育協會呂郭碧鳳中學，喺2017年取得英國巴拉福特大學工商管理學士學位。初出道因其甜美笑容被稱為「C cup陳自瑤」。。佢係2015年加入now TV，做過體育節目《Everyday》主持，去到2015年尾辭職，備戰第二年嘅香港小姐競選。佢最終有報名參選，最後因為要繼續讀書所以退選香港小姐。

其後佢喺2016年加盟黃偉文所創立嘅電影公司，成為旗下藝人，主力發展電影、電視劇同主持。2017年參與由協盛協豐（00707）旗下公司星鉑企業同星淘集團聯合打造嘅網絡劇《奪命島》，於2016年12月16號進行開鏡儀式，擔任第二女主角，正式加入娛樂圈。

唐碧霞自少就對玄學有濃厚興趣，師承隱世高人曾景成，並擅長風水、子平八字、易經占卜、三世書、紫微斗數、面相、掌相、流年運程等。曾經接受過不同的傳媒報道及採訪，包括電視廣播有限公司（TVB）、香港電台電視、新城電台《瑪利嘉兒》東周刊、東方日報、明報、東方新地、澳門日報等。