李恩宙

出自維基百科,自由嘅百科全書
李恩宙
出生日1980年11月16號 喺Wikidata改呢個
出生地羣山 喺Wikidata改呢個
死亡日2005年2月22號 喺Wikidata改呢個 (24歲)
死亡地Bundang 喺Wikidata改呢個
死因吊頸 喺Wikidata改呢個
國籍大韓民國 喺Wikidata改呢個
母語韓文 喺Wikidata改呢個
識嘅語言韓文 喺Wikidata改呢個
母校檀國大學 喺Wikidata改呢個
職業演員、電影演員 喺Wikidata改呢個

李恩宙粵拼lei5 jan1 zau6韓文이은주1980年12月22號2005年2月22號)係南韓演員

生平[編輯]

李恩宙喺全羅北道群山市出世,首爾檀國大學戲劇電影學系畢業。高中嗰陣做過制服形像模特兒。1998年第一次拍電視劇,喺SBS電視台嘅《白夜3.98》演出。1999年第一次拍電影,喺《紅鱒》演出。2001年成為嗰陣時出名新晉導演洪尚秀嘅作品《오! 수정》嘅女主角,重憑住呢部片攞到大鐘賞嘅新人獎。2004年,佢喺而家韓國史上第二入場觀看率嘅電影《太極旗飄揚》入便做女主角,飾演韓戰入便為求生計而參與朝鮮勞動黨集會重因為咁畀南方政府槍殺嘅角色。

2005年2月22號晚,喺京畿道城南市盆唐區嘅公寓入便畀屋企人發現留低咗遺書,同時割脈同埋上吊雙料自殺,終年24歲。當時佢只係啱啱喺檀國大學正式畢咗業幾日。因為李恩宙係基督徒,佢嘅自殺令人覺得奇怪。有報導指佢喺2004年拍電影《the Scarlet Letter》嗰陣時因為有裸露同埋同韓石圭扑嘢嘅鏡頭,所以受到精神壓力長期失眠。呢個講法畀經理人公司否認;因為佢早喺《오! 수정》時都已經有裸露同埋扑嘢嘅場面,只係鏡頭經過黑白處理。但係另外有一個講法指李恩宙自從《情約笨豬跳》開始,到《向左愛向右愛》同埋《太極旗飄揚》,佢所演嘅角色唔係意外早死,就係因病早死,都係紅顏薄命,所以指佢可能係抽離唔到之前嘅戲集入便嘅角色。假如真係嘅話,佢係繼張國榮之後另一位抽離唔到角色而自殺嘅出名影星。

2月22號亦係佢喺《情約笨豬跳》入便嘅角色過身嘅日子。

李恩宙嘅遺體火葬。根據韓國人嘅習俗,白頭人送黑頭人嘅喪事會用火葬,令死者可以安心。