洲頭咀

出自維基百科,自由嘅百科全書
洲頭咀附近地區嘅地名用字
洲咀大街嘅巷牌
洲咀橫街嘅巷牌
濱江西路(洲咀大街)巴士站嘅站牌
洲頭咀公園嘅綠道指向牌

洲頭咀粵拼zau1 tau4 zeoi2;官方英文Zhoutouzui),舊時寫做洲頭嘴(傳統英文Honam Point/Store Houses),係廣東省廣州市嘅一笪地頭,喺依家海珠區嘅西北角,白鵝潭東南冇幾遠岸度。

[編輯]

佢喺河南沙洲嘅西北邊靠近珠江邊嘅位,所以嗰度又可以嗌「洲頭」,又因為佢喺最西北邊而嗌成咀,所以「洲頭咀」嘅名係噉嚟。

「嘴」字喺地理上嚟講,就係尖突出嚟嘅嘢,好似個嘴噉。由於粵語入邊,「嘴」同「咀」係一樣音,加上佢嘅筆劃比較少,而家喺大多數嚟講,都係寫「咀」[1][2][3][4][5]。「咀」字本身就係「咀嚼」噉解,同地理上嘅「嘴」無關。

[編輯]

喺1860年嗰時嘅洲頭咀地圖

洲頭咀喺大清嗰時屬廣州府番禺縣,由於佢喺花地隔開咗條河,都係番禺縣,而北面冇幾遠就係沙面,調返轉頭係屬南海縣。

地理位置[編輯]

洲頭咀將珠江水一分為二,其中一條去東,重有一條去東南,兩條喺峨嵋沙南邊重新匯合。

狀況[編輯]

洲頭咀以前有座洲頭咀碼頭同洲頭嘴客運站,有船到香港同廣東嘅其他離島[6]。而家隔籬重有條洲頭咀隧道

公園[編輯]

收尾起嘅洲頭咀公園原先係綠樹成蔭,四圍街坊週時都有入去唞下鍛煉下,之不過隨著2021年左近政府主導、由廣州市城市更新項目建設管理辦公室負責嘅《市管八條重要道路及周邊區域更新改造提升節點工程之濱江西路洲頭咀公園節點》項目嘅開展,公園俾大幅斬樹同鋪埋草皮,夾埋同期嘅其他斬樹工程一樣惹起市民極大嘅關注[7][8]

附近嘅交通[編輯]

附近嘅景區[編輯]

[編輯]

  1. 洲头咀抗英纪念浮雕 互聯網檔案館歸檔,歸檔日期2015年9月22號,. 海珠区档案公众信息网
  2. 洲头咀公园(图) 互聯網檔案館歸檔,歸檔日期2015年9月22號,. 海珠区档案公众信息网
  3. 洲头咀抗英纪念浮雕 互聯網檔案館歸檔,歸檔日期2016年3月5號,. 廣東文化網
  4. 洲头咀周边景色 互聯網檔案館歸檔,歸檔日期2015年9月22號,. 海珠区档案公众信息网
  5. 洲头咀抗英纪念浮雕 互聯網檔案館歸檔,歸檔日期2016年3月5號,. 廣州圖書館
  6. . 長途吧網. 原著喺2015-04-14歸檔. 喺2015-03-23搵到.
  7. 广州8条主要道路品质提升,砍迁大树7182株,你怎么看?. 騰訊. 2021-07-10. 原著喺2021-07-11歸檔. 喺2021-07-11搵到.
  8. 改造後嘅公園鳥瞰