通攝

通攝（粵拼：tung1 sip3）係十六攝之一，佔《廣韻》二百零六之十一韻。平、上、去聲中古擬音為陽聲韻，而入聲擬為入聲韻。

韻部[編輯]

冬韻上聲字太少，喺《廣韻》歸入腫韻，冇單列韻目。

每格兩字分別係舒聲同入聲。

一	二	三	四
東屋		鍾燭
冬沃		東屋

佢哋嘅韻都唔分開合口。因爲中古拼音嘅元音字母有限，兼且佢哋可以通押，所以形式上冬、鍾用合口寫法，東用開口寫法，但注意嘅係，佢哋本質上係唔同嘅韻，唔係開合對立，包括東韻嘅一、三等，亦係唔同嘅韻。

對應關係上有嘢講。喺《廣韻》，東一等配東三等，冬配鍾，一般嘅韻圖亦係噉配合。但《廣韻》依據嘅《切韻》喺隋朝寫嘅，睇漢字諧聲、古詩，喺漢代、三國，配合情況唔同，嗰陣時係東一等配鍾，冬配東三等。所以三國到南北朝期間發生過音變，具體點變仲喺學界研究緊。

喺上古音，流、效攝嘅去聲同宕、通攝嘅入聲有聯繫。例如宿字有siuh（星宿，流）同siuk（宿舍，通）、畜字有thriuh（六畜，流）同hiuk（養，通）、復字有biuh（流）同biuk（通）兩音。

一種擬音係冬韻擬/uŋ/，東一擬/ʊŋ/，東三擬/iʊŋ/，鍾韻擬/ioŋ/。

又有其他擬音，如東一同東三配，冬同鍾配；或者東係開口，冬鍾係合口；或者冬韻元音裂化成雙元音/uo/或/ou/；或者冬、東三係-m尾。^{[未記出處或冇根據]}

因爲幫組聲母開合唔對立嘅特點，可以睇出通攝同等字唔係開合口對立字，而係重韻關係。

另外有個好怪嘅現象，東三韻字好多，但聲調上冇上聲，冬韻上聲只有兩個小韻，冇常用字。

標準廣東話，所有通攝字，唔理等呼，平上去聲都讀做ung，入聲讀做uk^[1]。

端組：

章組：

精組：

喉牙：

來母：

知組：

幫組：

睇傾改十六攝
陰聲韻	止攝 ‧ 遇攝 ‧ 蟹攝 ‧ 效攝 ‧ 果攝 ‧ 假攝 ‧ 流攝
陽、入聲韻	通攝 ‧ 江攝 ‧ 臻攝 ‧ 山攝 ‧ 宕攝 ‧ 梗攝 ‧ 曾攝 ‧ 深攝 ‧ 咸攝