遮打花園

遮打花園

遮打花園係香港港島嘅一個公園，響中環遮打道，1978年10月20號開張。

遮打花園嘅前身係香港木球會，人稱打波地。1851年興建，設有木球會會所同埋木球場。木球會租約喺1971年終結前，亦成為當時社會同埋傳媒嘅話題。喺1970年11月18號嘅《南華早報》，就引述咗皇后像廣場及大會堂建築師Alan Fitch嘅意見，佢認為嗰笪地係世界級藝術館同埋博物館嘅理想場地。

1972年，討論多年嘅地鐵系統拍板興建。同年，港府亦決定將木球會改建做遮打花園。

1975年，木球會搬咗去黃泥涌峽，土地則做咗地鐵中環站嘅建築地盤。遮打花園首階段工程喺1978年完成，並且局部開放。地鐵嘅尖沙咀至中環段雖然喺1980年通車，但係直到1983年地鐵出口工程完成，遮打花園先至完全開放。目前喺花園內豎有一塊牌匾以紀念佢嘅歷史。

遮打花園裏面重有一塊基石，係1890年4月2號由當時訪港嘅干諾公爵豎立，紀念當時嘅中環填海工程動工儀式。基石原本喺木球會會所看台附近，1975年曾被移走，至1983年搬番去同原來位置接近嘅地方。

出面網頁

• 〈地方－具特色公園〉。《香港地方》 (繁體中文)。喺2011年11月21號搵到。