陳方安生

出自維基百科,自由嘅百科全書
陳方安生
姓名原文陳方安生
出生日1940年1月17號 喺Wikidata改呢個 (84歲)
出生地上海 喺Wikidata改呢個
本名方安生
國籍中華人民共和國 喺Wikidata改呢個
識嘅語言英文港澳粵語 喺Wikidata改呢個
母校香港大學、Tufts University、嘉諾撒聖心書院聖保祿學校、香港大學文學院 喺Wikidata改呢個
職業政治人公務員 喺Wikidata改呢個
配偶陳棣榮 喺Wikidata改呢個
家族Fang Zhenwu Family 喺Wikidata改呢個
阿爸Shin-hau Fang 喺Wikidata改呢個
阿媽Fang Zhaoling 喺Wikidata改呢個
兄弟姊妹方曼生、方津生、方順生 喺Wikidata改呢個

陳方安生GBMJPAnson Maria Elizabeth Chan Fang On Sang1940年1月17號—),係前香港特別行政區政務司司長泛民主派元老,上海出世,祖籍安徽省壽縣,原名方安生,因為成日笑到四萬噉口俾人叫佢做陳四萬

底細、簡歷[編輯]

陳方安生嘅阿爺係抗日將領方振武,阿爸係中國抗日名將方心誥,阿媽係國畫大師方召麐,阿叔係著名骨科醫生方心讓,細佬方津生都係骨科醫生,阿哥方曼生律師,堂妹方敏生就係香港社會服務聯會行政總裁。

陳方安生1948年全家去到香港定居。1957年嘉諾撒聖心書院畢業,之後入咗香港大學英文英國文學系,畢業後第二年同陳棣榮結婚,改叫陳方安生。1962年出任政務主任,係香港政府首次出現嘅三位女性政務主任之一;1984年,升為社會福利署署長,成為香港百幾年首位女性署長,但係喺處理1986年郭亞女事件時備受抨擊;1987年係香港經濟司,首位女性華人司級官員;1993年4月任公務員事務司,同年11月29號,任香港公務員嘅最高職位——布政司1997年2月20號香港特別行政區首任行政長官董建華宣佈,根據佢嘅提名,中央人民政府批准任命陳方安生為首屆特區政府嘅政務司司長2001年宣佈辭職,媒體普遍報導係因為同董建華關係唔啱,但係兩個都唔認。

2002年11月7號,陳方安生獲英女王伊利沙伯二世頒授聖米迦勒及聖喬治大十字勳章

2005年12月4號,佢參加2005年爭取香港普選大遊行,有人認為佢參與遊行嘅原因係為咗競逐第3屆香港行政長官選舉,但係佢喺12月19號否認呢個消息,話參加遊行淨係希望香港快啲實行普選同埋要求行政長官曾蔭權中央政府爭取普選時間表。

喺香港回歸前,陳方安生同政府裡面一眾女高官俾人統稱叫手袋黨,但係回歸之後,手袋黨嘅影響力已經逐漸消失。

晉身立法會[編輯]

陳方安生參選立法會補選嘅競選海報。

2007年9月11號,陳方安生宣佈以獨立人士身份,競逐民建聯主席馬力病逝後出缺嘅立法會港島區議席。佢表示參選目的係要促進民主,並利用機會為市民爭取普選[1]。面對有人質疑佢「忽然民主」,陳方安生就話,公務員要學習民主之道,而泛民主派亦要學習良好管治之道[2]

陳方安生宣佈參選後,最先擊敗泛民陣營另一位有意參選嘅勞永樂,再成為泛民陣營協定派出嘅人選。喺進行補選競選期間,陳方安生得到民主黨公民黨前綫社會民主連綫等政黨共30位現任同前任立法會議員支持助選,並得到包括政府文書主任總會、香港政府公務員協會、香港教育專業人員協會、香港文書職系公務員總會、機電工程署一般及共通職系員工會等團體,以及另外490位社會唔同界別專業人士支持佢[3]

不過佢喺選舉期間亦受到左派陣營嘅多番攻擊,其中包括指佢喺普選遊行時忽然離隊恤髮,並非真心為普選同民主[4]。另外,佢亦受到親中派借十成按揭謠言對佢進行攻擊,令佢要多次澄清[5]

2007年12月2號,陳方安生以175,874票勝出呢次補選[6],擊敗另一主要親中派對手葉劉淑儀,當選港島區立法會議員,並喺同年12月5號宣誓就任[7],2008年9月尾卸任。

退下公民同埋政治工作[編輯]

2020年6月26號,陳方安生發表聲明,由於已屆80歲,佢遵守對仔女話到時會從公民同埋政治工作退落嚟嘅承諾,過較平靜嘅生活。同時指最近個女離世,對佢係沉痛嘅打擊,需要一啲時間同空間哀悼復原,因此更珍惜同家人嘅相處時刻[8]

個人榮譽[編輯]

勳銜[編輯]

榮譽博士[編輯]

[編輯]

  1. 陳方安生參加香港立法會補選 互聯網檔案館歸檔,歸檔日期2008年1月5號,.〉,BBC,2007年9月11日。
  2. 陳方安生稱公務員要學習民主之道[失咗效嘅鏈]〉,Metro Broadcast Corp Ltd,2007年9月11日。
  3. 家傑充左派14年前舊聞抹黑陳太 | 蘋果日報 | 要聞港聞 | 20071121. web.archive.org. 2014-11-29. 歸檔時間2014-11-29. 喺2022-04-22搵到.{{cite web}}: CS1 maint: bot: original URL status unknown (link)
  4. 陳方安生忽然恤髮 曾憲梓:半途而廢不如咪去 互聯網檔案館歸檔,歸檔日期2007年11月20號,.〉,《中國評論新聞網》,2007年10月9日
  5. 王紹爾,〈陳方安生三招豈能「掩黑」 互聯網檔案館歸檔,歸檔日期2007年12月1號,.〉,《文匯報》,2007年11月29日。
  6. 選舉結果 互聯網檔案館歸檔,歸檔日期2007-11-21.〉,《立法會香港島地方選區補選》,2007年。
  7. 半月兩次選舉各勝一仗 兩大陣營對峙格局未變〉,明報,2007年12月4日。
  8. 方安生:從公民及政治工作退下來 過較平靜生活. 港電台. 2020-06-26.{{cite web}}: CS1 maint: url-status (link)(繁體中文)
  9. (新聞稿) (繁體中文). 香港政府新聞公報. 1999年7月1號.
  10. 5599號公告 太平紳士條例 (第510章) (PDF) (新聞稿) (繁體中文). 香港政府憲報. 2002年9月13號.
  11. 方安生 - 檔案 - 名譽博士學位畢業生 - 香港大學名譽博士學位畢業生 (繁體中文). 香港大學.
  12. 香港公開大學簡介 - 榮譽博士及院士 | 香港公開大學香港公開大學 (繁體中文)
  13. 第57屆大會 (2001) | 頒授學位典禮 | 香港中文大學香港中文大學 (繁體中文)

出面網頁[編輯]