丁四醇

出自維基百科,自由嘅百科全書
跳去: 定向搵嘢

丁四醇(又叫赤蘚糖醇赤蘚醇)係天然嘅糖醇(Sugar alcohol),食落幾甜(甜度有蔗糖 60%-70%)但低能量(卡路里),容易被小腸吸收而唔會肚痾,唔會引起蛀牙,未見有副作用,所以好多政府都畀佢代替糖或當成增甜劑加入食品內。

特質[編輯]

1848年,蘇格蘭化學家 John Stenhouse 發現丁四醇。分子公式係 C4 H10 O4

丁四醇溶入水時會吸熱,食落好似有清涼嘅感覺。已經溶過喺水嘅丁四醇就無吸熱作用,口感同木糖醇(廣告俗稱「曬駱駝」)類似。

作為增甜劑,丁四醇會被混入其它增甜劑以增強甜味,例如混入甜菊糖甙而產生類似蔗糖嘅口感。喺呢個情況下,丁四醇嘅吸熱會產生令人抗拒嘅效果(唔似真正糖嘅口感),所以食物有時又加入溶水時放熱嘅菊糖抵消。

營養標纖[編輯]

大部分國家都容許丁四醇以增甜劑加入食品內,但管制方法(尤其係營養標纖)都唔同。

  • 美國規定丁四醇的能量以「每克 0.2 千卡路里」表示
  • 歐盟規定丁四醇的能量以「每克 2.4 千卡路里」表示
  • 日本視丁四醇的能量為「0 千卡路里」

小腸吸收[編輯]

丁四醇雖然係糖醇,超過大半都可以被小腸吸收到血管內,並經尿道排出,唔係留底大腸內搞到肚痾。相比之下,其它糖醇(例如木糖醇)食好少都會肚痾,因為小腸係少少都唔要。之不過,因為丁四醇係低能量(卡路里),所以會被極量食用。如果短時間內食得太多,小腸吸收得唔夠快,丁四醇仍然會流入大腸導致肚痾。其它食物被極量食用都普遍有小腸吸收得唔夠快呢個現象。

細菌[編輯]

細菌無法取用丁四醇嘅能量,所以丁四醇唔會引起蛀牙。丁四醇或有部分類似木糖醇傷害口腔細菌嘅作用[需要參考資料]