丁錦昊塗鴉事件
，又叫做丁錦昊「到此一遊」事件，發生喺2013年5月，係中國大陸遊客丁錦昊喺埃及樂蜀嘅古埃及遺跡嘅浮雕上塗鴉「丁錦昊到此一遊」嘅一單嘢。張塗鴉相[1]喺中國微博俾網民轉發超過7.5萬次。名句「到此一遊」喺中國名勝古蹟成日見，而中國遊客丁錦昊去外國旅行，畫花人哋3500年歷史嘅古埃及遺跡樂蜀神廟（Luxor Temple）浮雕，一寫成名。網民留言話「丁錦昊事件」嘅發生令中國人冇面。丁錦昊阿爸阿媽都搞到要道歉，但係，丁錦昊本人嚮網上反駁攻擊，話塗鴉「有乜咁大不了」[2][3][4]。
