人口

出自維基百科,自由嘅百科全書
跳去: 定向搵嘢

人口粵讀jan4 hau2)一般來講係特定一或一笪地方數。呢個定義,亦可引伸到生物學上,即係一笪地方,某種生物有幾多。人口嘅多少由好多因素決定,比如死亡率出生率婚姻率離婚率,就連宗族對生育嘅干涉都會影響人口。研究人口嘅有社會學經濟學地理學,研究嘅內容好多,比如話人口流動嘅成因。

人口研究上係比較依靠概率,即係話人口研究資料係要取大樣本,然後先至能夠搵出個中嘅大勢。所以有時人口嘅研究成果唔多合個人層面上嘅具體情況。就攞人口流動講,影響人口流動嘅因素係好多樣嘅,對流動嘅呢班人中嘅是但一個來講,佢之所以流動嘅原因可能係獨一無二嘅,當各種因素集合、將呢班人作爲群體研究時,人口流動嘅成因就會變得好模糊。雖然係噉,人口學嘅研究重係要嘅,比如人口流動對市場營銷就好緊要,尤其啲街舖、商場呢類要靠人流搵食嘅行檔,研究分析下人口流動,有利於佢確保到啲潛在顧客。

統計來講,有時唔係用地方來計,而係用某啲共同特徵來計數。統計幾多人嘅調查,叫人口調查人口統計或者人口普查,對一國嚟講,人口普查往往幾年一次,以固定期限方便研究數據。隨咗點人數之外,亦統計埋人唔同狀況,好似收入、住屋、年紀、屋企等等。人口調查好緊要,佢直接同政策相關,等政府得出數字趨勢,方便施政規劃商業機構亦可以從中準備部署。