冥鏹

出自維基百科,自由嘅百科全書
跳去: 定向搵嘢
冥鏹

冥鏹,係用嚟燒俾已經仙遊陰間用嘅紙祭品。至於要用到織加手工嘅「用品」,一般稱為紙紮祭品

冥鏹一般係指可以喺冥府用嚟消費嘅紙錢、陰司紙、元寶金銀衣紙、珠寶首飾……等;蠟蠋壇香本來唔屬於冥鏹,但因為通常一齊拜祭用,所以普遍都當咗佢係冥鏹一類。

傳統落嚟,冥鏹同埋紙紮祭品都係要經過燃燒先至可以送到俾先人駛用,通常會放喺稱為化寶爐器皿或者大型嘅化寶鐵櫃裡面燒,燒嘅時候口中仲要叫住先人嘅名、或者名號(平時叫開嘅稱呼),等佢喺陰間知道有親朋由陽間送嘢俾佢。至於其中嘅「交收過程」及先人點樣喺陰間駛用…等,就要參考一啲相關宗教嘅文獻或者識得哩門學問嘅專家嘞。

一般嘅香燭用品店(俗稱紙紮舖)可以買得到冥鏹,一般嘅價錢亦都唔係太貴;如果唔知邊啲打邊啲,通常買嘅地方都會有人教埋,有啲仲會教埋燒冥鏹時嘅禮儀手續。

參閱[編輯]