《吳越書》係記錄五代十國時期吳越國歷史嘅史書，由梁天瑞編纂，錢濟鄂校注。呢本書以北宋范坰、林禹寫嘅《吳越備史》為主，用《九國志》、《十國春秋》入邊嘅有關吳越國嘅資料做補充，仲參考咗《全唐文》、《錢氏家乘》同埋各地嘅地方志。本書將吳越國由太祖武肅王到仁宗錢弘俶3代5位吳越國王嘅史實好詳盡噉記錄低。本書最尾仲附帶梁天瑞寫嘅《吳越史實辨正》。
