《夕陽之歌》係香港歌手梅艷芳嘅粵語歌，改編自日本歌手近藤真彥嘅《夕焼けの歌》，係1989年電影《英雄本色III夕陽之歌》嘅主題曲，收錄喺梅艷芳專輯《In Brasil》。
呢首歌係1989年度勁歌金曲頒獎典禮金曲金獎，係梅艷芳唯一攞呢個獎嘅歌。呢首歌亦係1989年度十大中文金曲之一。
呢首歌其中一個出名事跡係涉及到「鬧雙胞」風波，同一年陳慧嫻亦推出咗同一旋律嘅《千千闋歌》。
梅艷芳2003年搞嘅最後一場演唱會，最後環節就係著住婚紗唱呢首歌，宣佈嫁畀舞台。
