大吉利是本來係吉祥、順利、好事嘅意思。
喺家下嘅廣東話，只係一個情況用：當遇到、撞到、見到、聽到衰嘢（同死有關），會講。用意係去擋住、隔住啲衰嘢，唔好畀佢埋身，逢凶化吉。亦有人認為係迷信，講句嘢點改變命運？
家陣啲人會興講意思相近嘅 touch wood。
「大吉利是」，本來係「大吉利市」，「利市」有「吉利、好運」嘅意思，而「市」轉音成「是」[1]。
