大韓民國國軍

出自維基百科,自由嘅百科全書

大韓民國國軍韓文대한민국 국군),係大韓民國嘅國家軍隊,除咗大韓民國預備軍韓文:대한민국 예비군)之外,重包含:

韓國現役總兵力有69萬,喺世界上排第六,其中陸軍有56萬、海軍有6.7萬(包括海軍陸戰隊嘅2.8萬)、空軍6.3萬、預備軍有304萬。美軍響韓國大約有2.8萬個駐兵。[1]軍隊嘅指揮系統分為平時同戰時兩種體制。平時嘅指揮架構係由大韓民國總統擔任最高統帥,戰時就同駐韓美軍並肩作戰。

大韓民國國軍嘅主要任務係防衞國土同防禦北韓嘅軍事威脅,但係海外維和同災害救濟亦都係任務之一。

組織[編輯]

陸軍[編輯]

內文:大韓民國陸軍

大韓民國陸軍,做通稱韓國陸軍或者南韓陸軍,係大韓民國國軍嘅陸上部隊[2],亦都係三軍之中規模最大嘅軍種。

海軍同海軍陸戰隊[編輯]

內文:大韓民國海軍大韓民國海軍陸戰隊

相對於陸軍同空軍,韓國海軍以往比較唔受重視,噉可能同北韓海軍實力唔強有關。韓國海軍主要嘅任務係海岸防衞,次要任務係為海軍陸戰隊嘅兩棲作戰提供支援,近年都成日派船艦參與海外維和行動[3]。韓國海軍計劃響2020年左右成為藍水海軍[4][5]

海軍陸戰隊最初係獨立嘅軍種,雖然1973年之後嘅海軍陸戰隊改由海軍作戰司令部管轄,但係實際運作上重好獨立。

空軍[編輯]

內文:大韓民國空軍

韓國空軍係一支擁有600架以上先進戰機嘅現代化空軍,主要任務係防衞領空,次要任務係支援地面部隊作戰。

武器研發[編輯]

大韓民國國防部轄下有國防科學研究所,主要任務係研發武器

海外行動[編輯]

大韓民國國軍有時會參與海外軍事行動,以提升自身嘅實力同國際地位。南韓第一次參加海外戰爭係越戰[6],高峰時期駐越嘅南韓軍有48000人,僅次於美軍[7];又曾經派海軍特戰旅去索馬里,響挾持事件入面擊斃幾個索馬里海盜[8]

參考[編輯]

  1. 韩国概况,新华网
  2. 방백서 2012. December 21, 2012. 原著喺2013年6月19號歸檔. 喺2014年3月28號搵到.
  3. "해군작전사령부 창설 54주년..어제와 오늘 그리고 미래"[失咗效嘅鏈]. Ministry of National Defense Official Website. Retrieved March 4, 2007.
  4. "해군의 미래". Republic of Korea Navy Official Website. Retrieved September 24, 2011.
  5. "South Korea’s Blue-water Ambitions". The Diplomat . Retrieved June 21, 2012.
  6. p.15 韓國軍隊的屠殺 民主化後被掲露
  7. 史研究 韩国出兵越战获利多多 历史研究 真实的忽悠:美国是怎么被骗开始越战的? --- ido.3mt.com.cn. 原著喺2013年10月29號歸檔. 喺2014年3月28號搵到.
  8. 国亚丁湾黎明作战一周年 (转载)_国际观察_天涯论坛. 原著喺2013年11月4號歸檔. 喺2014年3月28號搵到.