天久

天久

天久（Lucky Nine）係一隻香港賽馬馬匹，2007年喺愛爾蘭出世，曾經喺2012-13同2013-14馬季做咗香港最佳短途馬。馬主係張福滔醫生夫婦，佢喺2009-2010馬季開始服役，直至2015-2016馬季收山，係方嘉柏馬房嘅鎮倉寶。

佢喺香港嘅競賽生涯光輝燦爛，在港合共上陣四十八次，取得十三場頭馬，所贏獎金總額達52,355,679港紙。

2016年1月29號，天久由於右前蹄不良於行嘅關係，宣布退出百週年紀念短途盃。2月23號，天久正式結束在港嘅競賽生涯，並喺3月13號，喺沙田馬場舉行榮休歡送儀式，退役後，被送往澳洲墨爾本頤養天年。