奧斯卡金像獎

出自維基百科,自由嘅百科全書
跳去: 定向搵嘢

奧斯卡金像獎Oscar),原名係學院獎Academy Awards),係世界上其中一個最出名嘅電影獎項,每一年由美國電影藝術與科學學院頒發,旨在鼓勵好電影嘅創作同發展。第1屆奧斯卡金像獎頒獎禮響1929年5月16號舉行,而最近嘅第86屆喺2014年3月2號舉行。

[編輯]

1927年5月4號,喺美國電影藝術同科學學院成立嘅宴會上面,與會者提議發起奧斯卡金像獎,重嚮1929年5月16號荷李活羅斯福飯店舉行第一次頒獎典禮。嗰時有大約270人去。第一個奧斯卡金像獎頒咗畀Emil Jannings,係奧斯卡最佳演員獎。

開頭嘅頒獎典禮唔似而家咁,充滿住懸念,得獎者喺事前已經知自己攞乜獎。1940年開始,學院改變呢個做法,來賓唔再提前通知邊個有獎攞,而改喺頒獎典禮上打開密封嘅信封嚟知道得獎者。

奧斯卡獎由最初開始頒發,就受到電影業同埋大眾嘅高度關注,傳媒積極參加轉播。喺第二屆典禮上,洛杉磯電台做咗一個鐘嘅實時現場轉播。從此,每年嘅頒獎禮都有傳媒做相應報導。

前十五屆,頒獎典禮都係喺酒店同宴會嘅方式進行,但後來因為與會人數越來越多,頒獎禮唯有改喺劇院。並先後喺中國大劇院洛杉磯神聖大禮堂(Los Angeles Shrine Auditorium)、梅爾羅斯街劇院(Melrose Avenue theater)、潘太及斯劇院(Pantages Theater)、桑塔莫尼卡公民大禮堂Santa Monica Civic Auditorium)、洛杉磯音樂中心The Music Center of Los Angeles County)等地方舉行。由2002年第75屆奧斯卡金像獎頒獎典禮開始,柯達劇院Kodak Theatre)成為奧斯卡第一個永久固定頒獎地方。

學院獎頒獎會每年都照住事先嘅安排如期舉行,史上只有三次因為特別嘅原因而要推遲:第一次係喺1938年,當時嘅洛杉磯大水災令頒獎典禮推遲咗一個星期;第二次係喺1968年,當時學院獎嘅日程安排同著名嘅人權運動者馬丁路德金嘅葬禮撞期,所以頒獎典禮延期舉行;最後一次係喺1981年,因有人試圖暗殺嗰時嘅美國總統列根,而令到頒獎典禮要遲24個鐘開始。

[編輯]

正常獎[編輯]

特別獎[編輯]

出面網頁[編輯]