安迪華荷

安迪華荷（Andy Warhol，1928年8月6號—1987年2月22號），原名Andrew Warhola，係一個美國藝術家，又以流行藝術（Pop art）見稱，喺佢開始做流行藝術之前，曾經做過商業插畫家同櫥窗設計師。1987年2月22號喺紐約屋企心臟病發死，終年59歲。

安迪華荷無論佢嘅作品定係佢個人，都好富爭議。首先佢個人就畀人話貪錢同鐘意出風頭，但同時佢名氣亦令佢成為一個美國文化象徵。另外，佢啲作品嘅評價亦好極端，例如佢成名作係一系列金寶湯圖案，成輯作品完全無任何特色，只係將一個罐頭湯正面重覆印十幾次，兼且無任可角度，而且好平面。有支持者鐘意佢夠前衛，認為佢嘅作品係反映資本主義生產方式一個階段，背後意義好有深度咁話。

無論如何，安迪華荷係一個美國文化象徵，亦公認係二十世紀最有影響力嘅藝術家。

參考

維基語錄收錄咗同呢篇文相關嘅摘錄：

安迪華荷

維基同享有多媒體嘅嘢：

Andy Warhol（類）