巨石陣

出自維基百科,自由嘅百科全書
巨石陣

巨石陣Stonehenge)係英國倫敦西南百幾公里梭士巴利平原上面嘅一噠史前遺跡。巨石陣係由一些條形巨石圍成圓陣組成嘅。

關於巨石陣嘅年代,至今都係有爭議。但係大多數史學家都相信,巨石陣係喺公元前2500年到公元前2000年之間建造嘅。1986年「巨石陣、埃夫巴利同相關遺址」被列為世界文化遺產

至於巨石陣係乜嘢人起、點樣起同埋起嚟做乜,到家陣都重未確定。

歷史[編輯]

考古證明,巨石陣嘅修建係分幾個唔同嘅階段去完成嘅。大約喺公元前3100年嘅時候,開始咗第一階段嘅修建。首先係修建環形嘅溝渠同埋土台。由藍砂岩排列成兩個圓環,係巨石陣嘅雛形。喺公元前2100年至公元前1900年,修建咗通往中央條路。又建成咗規模龐大嘅巨石陣:以巨石為柱,頂上則橫臥巨石為楣。構成直徑 30 米左右嘅圓環。而其後嘅 500 年間,巨石嘅位置曾經被不厭其煩咁樣重新排列,就形成咗今日嘅格局[未記出處或冇根據]