廣東麻雀計番
廣東十三張麻雀一般計番，又叫做飜。所謂番，就同算術上講二 幾多次方有關。
無番
[編輯]- 雞糊
- 又叫做推倒糊、或屁糊、或無番糊。只係由四個搭子同一對將組成，而無任何以下形式組合嘅牌型。
一番
[編輯]- 自摸
- 食糊牌由自己摸返嚟，即係摸返嚟張牌唔可以觸及暗牌、落海、低過枱面、觸落牆牌、觸及海內牌、帶牌摸牌。
- 三元牌
- 又叫做箭刻，拎到任何一副中、發、白嘅刻子。
- 無花或正花
- 一隻花牌都無，或者拎到同門風以及圈風相符嘅花牌。例如東位一，南位二，西位三，北位四
- 無字
- 一隻番子都無。
- 單吊
- 叫糊即聽牌嗰陣，只係叫一飛。
- 老少副
- 拎到同花色「一二三」或者「七八九」順子，或者「一一一」、「九九九」刻子
- 缺一門
- 成副牌缺少一花種色，例如得筒、萬，萬、索或者筒、索，而且冇字牌
- 門清
- 全部牌都係自己摸，無上、碰，最後一隻牌係人哋出銃
- 彩龍
- 又叫做三色通貫或者花龍。拎到三種花色「一二三」、「四五六」同「七八九」順子
- 海底撈月。五番
- 又叫做妙手回春中海底最後一張食糊（自摸）
- 河底撈魚
- 又叫做一炮而紅。海底最後一張食糊（出銃）
- 搶槓。五番
- 人哋槓張牌啱啱自己可以碰咗之後食到糊，不過剩係得十三幺先可以搶暗槓。
- 兩槓
- 槓出，明槓或暗槓，兩張唔同嘅牌
- 清四碰。對對糊五番
- 碰出四副刻子，明槓都計
- 四歸一。三番
- 四張相同嘅牌分成一副順子同一副刻子
- 半求人
- 全部牌都係上或者碰，而最後自摸食糊
- 和絕張。五番。
- 同牌池、桌面已亮明嘅三張牌所剩嘅第四張牌。搶槓糊唔算和絕張
- 將眼
- 以二、五同八做眼。筒、萬、索都得
- 兩色兩順
- 又叫做半杯口。有兩副相同嘅順子，譬如二三四萬加二三四筒，要自己摸返嚟
- 兩相逢
- 又叫做喜相逢。同兩色兩順一樣，不過唔同嘅係順子可以上
- 連六
- 又叫做半龍。一種花色六張相連嘅序數牌
- 和生張
- 同牌池、桌面已經冇亮明嘅第一張牌。搶槓糊唔算和絕張
- 一杯口
- 又叫做一般高。攞到兩副相同嘅順子。門清之後先計番
兩番
[編輯]- 一台花
- 集齊同一系列嘅花牌，即春夏秋冬或者梅蘭菊竹。如果摸到一台花再加正花嘅計三番。唔計正花。
三番
[編輯]- 門風刻
- 拎到自己所屬門風嘅刻子。
- 圈風刻
- 拎到圈風嘅刻子。
- 短幺
- 又叫做斷幺。成副牌都無一、九同字牌。一、九同字牌叫「幺」
- 平胡
- 又叫做全順、順順利利、大雞胡。全部牌都係順子，而將眼唔係字牌
- 全求人
- 全部牌都係上或者碰，而最後出銃食糊
- 門清自摸
- 又叫做門清一摸三、不求人。糊牌前無上、碰、明槓，可以暗槓，而最後自模食糊
- 對對糊
- 又叫做碰碰胡。全部係刻子，無順子
- 一條龍。七番
- 又叫做一氣通貫）:拎齊一至九同一花色嘅牌
- 混一色。五番
- 又叫做湊一色、半一色。成副牌都係由字牌同另外單一花色（筒、索或萬）組成
- 三相逢。五番、七番
- 又叫做三色同順。拎到三副同數但不同花嘅順子
- 五門齊
- 成副牌由筒、條、萬、風牌同三元牌五種花色組成
- 四歸二
- 四張相同嘅牌分成兩副順子同一對將
- 混帶幺
- 又叫做全帶九。所有順子、刻子同將都至少有一張一、九或者字牌
- 三尾
- 又叫做三公。二副連續刻子加上相連數字嘅眼，或者東南西北中任意。二乘三加二， 例如二二二萬加三三三萬加四四萬，或者東東東加西西西加北北
- 槓上開花
- 又叫做嶺上開花。明槓或暗槓補牌時，補牌返嚟張牌食糊
- 三料牌
- 三塔露出嘅牌，有吃，碰同槓，組成糊牌。
- 斷紅和
- 副牌冇萬子、三五六七九筒、一五九七索同紅中
- 雙暗刻。五番
- 兩個暗刻，暗槓。
五番
[編輯]- 清帶幺
- 又叫做純全帶九。所有順子、刻子同將都最少有一張一、九，但係就冇字牌
- 三暗刻。七番
- 有三副自己摸返嚟嘅刻子，可以碰返嚟
- 小三元。二十番
- 拎齊中、發、白三種牌，其中一種係將。
- 組合龍
- 三種花色嘅一四七、二五八、三六九，唔可以錯位嘅序數牌，特殊順子。
- 迷你橋
- 又叫做三色三步高或半連刻。食糊時，有三種花色三副依次遞增一位數嘅刻子，槓都計
- 三色同刻
- 又叫做三相逢或三結義。萬、筒、索三種同數牌都成刻子，稱為三色同刻。
- 四歸三
- 四組相同嘅排分別落到兩組順子加一眼
- 三色連刻
- 又叫做三色三節高、半連刻。和牌時，有三種花色三副依次遞增一位數嘅刻子，槓。
- 孔雀的飛
- 一索，代表孔雀。加二個任何風刻。紅中同白板亦可以組成，但唔可以有風刻
七番
[編輯]- 七對。十番
- 又叫做七小對。門清拎到七個唔同嘅對子。
- 大於五
- 由序數牌五到九嘅順子、刻子、將牌組成嘅糊牌
- 小於五
- 由序數牌一到五嘅順子、刻子、將牌組成嘅糊牌
- 三元七對
- 又叫做三分天下。七對裏面有中發白等對子
八番
[編輯]- 七搶一
- 拎到七張花牌，另一家有花牌，唔使理牌型立即可以搶牌食糊
- 全不靠
- 又叫做十三天使。由單張三種花色一四七、二五八、三六九唔可以錯位嘅序數牌，及東南西北中發白中任何十四張牌組成嘅糊牌
- 單龍炮
- 般高加般底。譬如二二三三四四萬，同一二二三三四索，一定要門清
- 亂蛇
- 又叫做包羅萬象、兩個般底。譬如四五五六六七萬，加四五五六六七索。必須係門清
十番
[編輯]- 姊妹碰
- 拎到三副同數但不同花嘅刻子
- 三連刻
- 又叫做一色三同順、一色三節高。和牌時有一種花色三副依次遞增一位數字嘅刻子槓。
- 一色三順
- 和牌時有一種花色三副序數相同嘅順子
- 雙飄
- 兩副唔同花色嘅老少
- 二杯口
- 又叫做雙龍抱。拎到兩副般高。一定要門清。
- 三槓
- 槓出，明槓或暗槓，三副牌
- 大三元。四十番
- 又叫做鼎足三分。拎齊中、發、白三副刻子
- 三色雙龍會
- 兩種花色兩個老少副、另一種花色五作將嘅糊牌
- 二不槓
- 又叫做雙鐵支。門清時，以兩組冇開槓嘅牌做糊牌。譬如二二二二三三三三索
- 全大、全中、全小
- 由序數牌一二三，或四五六，或七八九組成嘅順子、刻子槓、將牌嘅糊牌。
- 全雙刻
- 又叫做奇數。由二、四、六、八序數牌嘅刻子、將牌組成嘅糊牌。
- 全單刻
- 又叫做偶數。由一、三、五、七、九序數牌嘅刻子、將牌組成嘅糊牌
- 頂三刻
- 三刻子同順子槓，以一五九嘅狀態組成
- 跳三刻
- 三刻子同順子槓。以一三五，二四六，三五七，四六八，五七九嘅狀態組成
- 筋三刻
- 三刻子同順子槓。以一四七，二五八，三六九嘅狀態組成
- 四喜七對
- 又叫做混地雙。七對裏面有東南西北等對子
- 雙色同刻
- 兩幅同牌加上兩幅同刻，譬如一一一四四四萬同一一一四四四筒
- 雙槓自摸
- 又叫做連續槓、或連開花。連續開二個槓之後食糊。開第三槓一定要係第一槓嘅補牌，否則當普通嘅槓上開花。兩槓之間要補花就唔算槓上槓。如果第一槓係明槓時當出銃，當包自摸計。
- 全么碰
- 又叫做天下名士。成副牌由一、四、七或三、六、九嘅刻子組成。
- 四歸四
- 四組相同嘅排分別落到四組順子
- 清一色，八番。
- 又叫鐵騎兵。成副牌由同一花色搭子同將組成。
- 流局十番
- 又叫做幺九振切。流局嘅狀態以所有嘅捨牌為幺九牌，一定要門清
- 配牌花和
- 如起手配牌拎到八隻花牌，或者有七花人哋有一花，咁應該先補牌，等輪到再摸第一隻牌，手牌足十四張，得先糊八仙過海或者七搶一手牌未糊唔使開，加計十番。和七搶一可獲得十七番，八仙過海獲得三十番。
十五番
[編輯]- 全帶
- 成副牌嘅順子、刻子同將都帶有同一數字
- 三數
- 成副牌都係由三個數字組成。風牌同埋三元牌都當係一數
- 混老頭。十番
- 又叫做混幺九、或地九牌。全部都係一、九或字牌嘅刻子同將眼
- 一色三步高
- 又叫做半步橋、或萬乘之國。食糊嗰時，有一種花色三副依次遞增一位數或二位數嘅順子
- 客風三刻
- 又叫做萬馬奔騰。三副風刻子（槓），但唔可以有圈風牌刻。譬如，如果圈風係東風，而介碰咗之後，客風三刻唔成立
- 清杯口
- 又叫做二色同對。雙龍抱嘅同順。譬如一一二二三三萬同一一二二三三索
- 鏡同胡
- 兩幅順子嘅兩同色加上對子，譬如一二三七八九萬同一二三七八九筒
- 一半數字
- 牌型中嘅奇數同偶數一樣，譬如一二三 二三四 五六七 八八八 九九。
- 全將碰
- 又叫做將帥領兵共和國。成副牌由二、五、八嘅刻子組成，全將碰唔會同三數重複計番。
- 連六對
- 又叫做柳丁。由同花色六個連續數組成嘅七對子同雙龍抱
二十番
[編輯]- 天聽
- 又叫做雙立直。閒家配牌補花後就宣佈叫糊，叫做天聽，唔計門清，如果自摸就加計不求。自摸二番。宣告天聽之後如果唔換牌或靠張就保持有效，否則解除天聽。天聽如果未眼牌，食糊之後如發現曾經過水未糊，就唔計天聽，但仍然可以當食糊。
- 小四喜
- 又叫做混天雙、或地雙喜。拎到東、南、西、北三副刻子同一對有番番子做將。
- 四暗刻
- 有四副自己摸嘅刻子。單叫情況下可以食胡，唔係就一定要自摸。
- 兩數
- 成副牌都係由兩個數字組成（風牌同三元牌都當係一數）
- 八仙過海
- 又叫做大花胡、或全花牌。拎到八張花牌，唔使理牌型立即可以食糊
- 地聽
- 打咗第一隻牌之後就宣佈聽牌，本身一定要係門清，唔理其他人之前有無上碰，都係屬於地聽。如果係食到地聽，就唔會計門清。不過自摸就可以加計不求。自摸兩番，宣告地聽之後如果唔換牌或者靠張都重當有效，否則就會解除地聽。地聽如果無眼牌，糊牌之後發現曾過水無糊，就唔當地聽，但糊牌仍然有效。
- 七星不靠
- 又叫做十三魔王。必須有七隻單張嘅東西南北中發白，加上三種花色，數位按一四七、二五八、三六九中嘅七張序數牌組成冇將牌嘅糊牌
- 三不槓
- 又叫做三鐵支。門清時，以三組冇開槓嘅牌做糊牌。譬如二二二二萬，四四四四索，六六六六桐同紅中對。一色四順唔算三不槓
- 四字刻
- 以牌型有四張字刻，同一個唔同對子（唔係字牌）組成嘅胡牌。
- 新幹綫
- 一條龍加二個任何風刻。（紅中同白板亦可以組成，但唔可以有風刻）
- 雙龍搶珠
- 又叫做雙龜搶珠。兩副連六萬加索子加任何一對嘅筒子
- 萬炮齊發
- 又叫做海底搶槓。海底撈月兼搶槓
- 十三魔殿
- 又叫做七星王國。以門清方式，由牌型四七萬，二五八筒，三六索，東南西北中發白，冇對子等食胡
- 滿分花槓
- 三槓之中其中一個係暗杠，明杠，而第三或四杠係槓上開花或搶槓
三十番
[編輯]- 人和
- 又叫做天聽一發。閒家起手天聽，唔理有無人上碰，唔理糊邊家打出嘅第一張牌都係屬於人胡。
- 段橋
- 又叫做一色四步高。一種花色四副依次遞增一位數或依次遞增二位數嘅順子
- 三連槓自摸
- 又叫做連續槓、或連開花。連續開三個槓之後食糊。開第四槓一定要係第二槓嘅補牌，否則當普通嘅槓上開花。三槓之間要補花就唔算槓上槓。如果第二槓係明槓時當出銃，當包自摸計。四連槓嘅第三槓係明槓時都當出銃，當包自摸計。
- 風花雪月
- 四副刻子。一筒（月），五筒（花），任何風刻（風）同白板（雪）。
- 花鳥風月
- 四副刻子。一筒（月），五筒（花），任何風刻（風）同一索（鳥）。
- 鐘鼓齊鳴（又叫做槓爆、或海底槓自摸）
- 海底撈月兼槓上開花。
- 萬綠一點紅
- 又叫做紅色森林。綠一色嘅狀態以發財作為紅中。
- 綠一色車輪
- 又叫做環保車。綠一色嘅狀態加五索。
- 十三金字塔
- 以門清方式，由牌型一四七九萬，一二五八九筒，一三六九索，以及一個對子等食胡
- 地聽一發
- 宣佈咗地聽之後，唔理人哋有無上碰，糊各家打出宣佈之後第一張牌或摸之後一張牌自摸，都當做地聽一發，唔會計地聽，門清。
- 自動車道
- 二四六筒加二個任何風刻。（紅中同白板亦可以組成，但唔可以有風刻）
- 青洞門
- 二四八筒加任何風刻同發財刻。
- 十三騎士
- 又叫做七星對。以門清方式，由牌型四七萬，二五八筒同三六索做出嘅七個對子等食胡
四十番
[編輯]- 天胡
- 莊家喺配牌補花後即刻食糊，就屬於天胡，不計門清一摸三，莊家天糊不理係咪靠張。莊家起手未打牌前開暗槓或連續暗槓而食糊，都當做天胡
- 地胡
- 閒家起手天聽摸第一張牌自摸，不理有無人上碰，或莊家槓上開花，都屬於地胡。
- 一色四順
- 又叫做同般高。四張相同嘅牌分成一副「般高」同兩副順子。亦可以係兩副「般高」。
- 十三不塔
- 跟天胡或地胡，第一圈有十三各不同嘅牌加上對子同胡牌。天胡或地胡唔算係呢個牌型。如果有十四隻唔同牌食胡嘅話，就係十三不靠或十四不塔，同時加五番
- 同般低
- 般低嘅牌型以般高牌組合。譬如，三三四四四四五五五五六六筒同一對將
- 大四喜
- 又叫做天雙喜。完成東、南、西、北四副刻子。
- 四連刻
- 又叫做一色四節高。摸到同花色四副連續數嘅刻子
- 十八羅漢
- 又叫做四槓。槓出，明槓或暗槓。四張唔同嘅牌，食糊時牌數要有十八張
- 清老頭
- 又叫做清幺九、天九牌。全部是一、九嘅刻子同將，無字牌
- 字一色
- 全部都係字牌嘅刻子同將，亦可以係七對子
- 十三幺
- 又叫做國士無雙。以門清方式，拎齊十三種幺牌各一張，再加其中一張做將眼。
- 一色雙龍會
- 一種花色嘅兩個老少副，五為將牌
- 藍一色
- 全副牌都係東、南、西、北、白板或者八筒嘅搭子同將
- 綠一色
- 又叫做滿園春色。全副牌都係二索、三索、四索、六索、八索或者發嘅搭子同將，清一色可計
- 紅一色
- 又叫做紅孔雀。全副牌都係一索、五索、七索、九索或紅中嘅搭子同將
- 黑一色
- 全副有任何風牌，二四八筒係刻子
- 黃一色
- 全副牌都係任何萬子牌，五六七筒和紅中白板作為塔子
- 嚦咕嚦咕
- 又叫做車輪滾滾、或竹林種瓜、或家庭祝福。由同花色七個連續數組成嘅七對子
- 百萬石
- 又叫做百萬雄兵。清一色狀態嘅所有牌數加埋超過一百
- 九蓮寶燈
- 又叫做九子連環、或至尊清龍。門清拎到同一花色「一一一二三四五六七八九九九」牌型，加是但一隻同一花色嘅牌（一至九都得）。