微電影
微電影（英文：Micro Movie 或 Micro Film）係短片嘅其中一個類型、小型電影，喺電影同電視劇藝術嘅基礎上衍生出嚟嘅小型影片，具有完整故事情節同可觀賞性，可以透過唔同途徑播影，最普遍係透過互聯網播出。內容融合咗幽默搞怪、時尚潮流、公益教育、商業定制等主題，可以單獨成篇，亦可系列成劇。
特色[編輯]
微電影係一種帶有故事性，片長喺40分鐘之內嘅微型短片，通常創作人會用一啲出乎意料嘅結局、或者少見嘅奇特拍攝手法，希望喺短時間之內吸引觀眾，直接切入故事嘅主題或氛圍。可以低成本甚至零成本製作，用一部有攝錄功能嘅智能電話已經可以拍攝。片長最短可以只有幾分鐘，最長可能要根據網上平台（例如：youtube、facebook）可以接受嘅時間而定。