思想嘅自適應控制
思想嘅自適應控制（Adaptive Control of Thought，ACT），最初係喊做 Active Control of Thought，係一種認知心理學嘅理論來解釋啲認知表現（似人類嘅思維、語言同記憶等）嘅。個理論初初係由 John R. Anderson 於 1983 年首次提出，跟尾一直嘸斷噉發展。一方面，個理論想解釋到啲人係點樣構建佢哋嘅智識嘅與及做乜啲人做得出啲有智能嘅行為嘅。另一方面，個理論希望提供一隻模型畀認知科學同人工智能研究，藉此可以攞電腦模擬得人類嘅智力表現。
ACT 係一種所謂嘅認知架構。認知架構代表到一種「架撐包」、可以攞嚟模擬人類認知當中噻啲現象嘅（譬如，閱讀一條句子，同埋進行意義提取）。因爲其中噻啲前提要求建基於實驗證據嘅經已預先噉實現便，係噉種認知架構喺呢方面即嘸同於所謂嘅「從頭建模」式嘅模型。啲前提要求可以係譬如識別一個單詞嘅延遲時間等。
ACT 係屬於「生產系統」嘅一類，所以係一種模型基於創建、存儲同執行啲所謂嘅「生產行爲」（productions）嘅。啲「生產行爲」係啲規則，有形式「若果滿足條件 A，係噉執行動作 B」（所謂物質蘊涵，material implikation）嘅。
ACT-R[編輯]
ACT 有好多版本；通常「ACT」孻尾個後綴表示喺某個研究方向嘅特殊延伸。「R」代表緊「Rational」，即「合理嘅」；指明個概念模型係基於規範嘅成本效益分析，主要使貝葉斯定理嚟計算嘅。
基本構建塊[編輯]
內存類型[編輯]
ACT 包含有三個內存模塊。媲美人類陳述性記憶嘅純事實智識存儲喺陳述性記憶體（Declarative Memory）入便。個記憶體嘅基本單位係啲工作記憶元素（Working Memory Elements），簡稱 WME，或者 Wimees 。啲元素只需要到一個存儲空間（見下文），因為佢哋組成唨一個有意義嘅整體單元。譬如，TÜV （德國技術監督協會）係一個 Wimee ，而VÜT 通常就嘸係。喺其他模型中啲智識元素着喊做「Chunks」 。
ACT 有自己嘅長時記憶嚟存儲啲生產規則，即係生產記憶體（Production Memory，類似人類嘅程序記憶但嘸要混淆）。生產記憶體嘅最細單位係啲生產行爲。啲單位係透過啲聲明性智識編譯成可執行程序來構成。個過程模擬到 ACT 嘅學習能力。
第三個記憶模塊係工作記憶，個工作記憶體戥人類嘅工作記憶非常之相似。類似人類嘅噉，個記憶體有有限個存貯位（slots），其中裝滿有啲當前嘅 Wimees；啲wimees可以係來自外部世界（通過輸入Buffer，見下文），亦都可以係生產行爲嘅結果（見示例）。
接口[編輯]
ACT 嘅另一個重要組件係個輸入同輸出模塊，即所謂嘅「Buffer」（緩衝區），代表啲戥外部世界嘅接口，即對應傳感器同埋運動技能。譬如，喺個「視覺Buffer」入便會有啲 Wimees 着創建出來，啲由傳感器（可以話係 ACT 嘅「眼」）正正從個（虛擬）環境當中提取出來嘅。喺適當規則嘅作用下，啲 Wimees 可以着轉移到陳述性記憶體去。
目標模塊定義到個喺生產系統中應該追求嘅目標。喺生產行爲記憶當中，有一啲規則可以確定到要實現揀定嘅目標嗰陣要執行邊項動作，同埋必須存有邊啲內容喺個工作記憶入便先會成功噉執行得到項動作。種「模式匹配」過程喺必要情況下引致對生產行爲規則嘅揀選，同時確定到個輸出模塊嘅動作。
例[編輯]
一個聲學輸入Buffer創建唨一個Wimee 「鬧鐘響喇」並捉佢傳輸到工作記憶體去。然後查問個生產記憶體，個 Wimee 係屬於一項生產行爲嘅條件部份唔係。譬如，若果個警報響唨，即執行「𢶹瞓懶覺掣」動作。若果前述情況達成，係噉個輸出模塊就要執行項動作，項嘢個結果「瞓懶覺掣𢶹唨」即又變成 Wimee，並又查問過個生產記憶體個 Wimee 係屬於第項生產行爲嘅條件部份唔係。
擴散激活理論[編輯]
ACT 入便亦都實現有所謂嘅「擴散激活理論」，個理論好大程度上係由 John R. Anderson 發展出來嘅，代表到所謂嘅基本原理「促發效應」。
文獻[編輯]
- J. R. Anderson: A spreading activation theory of memory. Journal of Verbal Learning and Verbal Behavior, 22, 1983, 261–295.
- J. R. Anderson: ACT, A Simple Theory of Complex Cognition. American Psychologist, 51(4), 1996, 355–365.