急凍嘢食

出自維基百科,自由嘅百科全書
跳去: 定向搵嘢
超級市場賣嘅急凍嘢食

急凍嘢食,或叫冷凍食品冷藏食品雪藏食品,多數指經過急凍(又叫冷凍、冷藏、雪藏)處理嘅嘢食。急凍嘢食係一種很常見嘅嘢食保存法,除咗可以大幅減低嘢食腐壞化學反應嘅速度之外,更因為嘢食裏面嘅結成,亦嚴重阻礙微生物滋生,從而得以大幅延長嘢食嘅最佳食用日期

嘢食能夠以冷凍方式保存幾個月,長時間嘅冷凍要保持喺最少攝氏零下18度(華氏0度)嘅低溫,因某啲冷凍櫃無法達到咁嘅低溫,所以保存時間亦大幅縮短。

冷凍只能減慢食物腐壞嘅過程,令微生物嘅生長過程停止,但係唔能夠殺死佢哋。因為冷凍淨係可以減緩反應,因此喺冷凍前,嘢食製造商會漂白嘢食或添加化學物來停止酶反應。

傳統同其他用途[編輯]

好多極地嘅地區會將嘢食保存喺雪地嘅洞穴或冰中嘅儲藏室,斯堪的納維亞地區就係利用呢種傳統嘅方法保存魚類,特別係鯡魚

好多國家會設有大型冷凍室,策略性咁保存大量嘅嘢食以便國家緊急之用。

有啲機構將種子保存喺攝氏零下18度嘅種子銀行度,以因應植物物種滅絕嘅情況。咁保存嘅種子通常係農作物或係罕見物種。