出自維基百科,自由嘅百科全書
液態水
固態水(
氣態水(水蒸氣
水分子結構

粵拼seoi2英文water)係一種氫氧化合物嘅俗稱,學名叫氧化氫joeng5 faa3 hing1),純水只含有單一種分子,由兩個原子同埋一個原子合成。化學方程式應該表達成H2O。水係地球上最常見嘅物質之一,係包括人類在內所有生命生存嘅重要資源,亦係生物體最重要嘅組成部分。

地球超過百分之七十表面俾水覆蓋,嗰啲地方叫海洋,或者簡單啲叫做。水分為淡水同鹹水,而鹹水即係所謂嘅海水,佔全球嘅97.5%,而淡水有2.5%。冰佔咗淡水2.5%嘅1.7%,所以用得到嘅淡水(過濾咗嘅)係少之又少。淡水係其中一種全世界都爭奪嘅自然資源之一,太多水叫水浸,太少水叫乾旱

水同人類[編輯]

水可以發電。係靠地心吸力嘅原理利用水由高地向下衝嗰度衝力推郁部發電機。

成年人類身體嘅主要成份含有超過百分之八十嘅水,由於水響身體入面負起咗好多好重要嘅工作,譬如散熱、帶走毒素之類,而人體亦會無時無刻排走水份,好似呼吸、屙尿、出等等。所以人一定要飲返啲水去補充返不斷喺身體流失嘅水。

水嘅性質[編輯]

喺常溫常壓下,水係無色無味嘅透明液體。喺自然界裏面,純水超罕見,水通常係酸、鹼、鹽等物質嘅溶液,習慣上仍然將呢種水溶液叫做水。純水可以通過蒸餾作用取得,當然,呢個只不過係相對意義上純水,唔可能絕對冇雜質。水係一種可以喺液態、氣態同固態之間轉化嘅物質。固態嘅水叫做冰;氣態叫水蒸氣。

喺20℃時,水嘅熱導率係0.006 J/s·cm·K,冰嘅熱導率係0.023 J/s·cm·K,當雪嘅密度係0.1×103 kg/m3時,雪嘅熱導率係0.00029 J/s·cm·K。水嘅密度喺3.98℃嗰陣時最大,係1×103kg/m3,溫度高過3.98℃嗰陣,水嘅密度會跟住溫度升高而減小,喺0~3.98℃嗰陣,水唔跟住熱脹冷縮嘅規律,密度隨溫度嘅升高而增加。水喺0℃嗰陣,密度係0.99987×103 kg/m3,冰喺0℃嗰陣,密度係0.9167×103 kg/m3。所以冰可以浮喺水面上面。

水嘅熱穩定性勁強,水蒸氣加熱到2000K或者再高啲,都只有勁少量離解做氫同氧,但水喺通電嘅條件下(電解)會離解做氫同氧。具有好大嘅內聚力同表面張力,除咗之外,水嘅表面張力係最大,重可以產生明顯啲嘅毛細現象同吸附現象。純水有勁微弱嘅導電能力,但係普通嘅水因為含有少量嘅電解質(好似礦物質、溶解大氣中二氧化碳形成嘅碳酸)而有較強嘅導電能力

水嘅來源[編輯]

地球係太陽系八大行星之中唯一俾液態水覆蓋嘅星球。地球上水嘅起源喺學術上存在好大分歧,目前有幾十種唔同嘅水形成學說。有觀點認為喺地球形成初期,原始大氣中嘅氫、氧化合成水,水蒸氣逐步凝結並形成海洋;亦有觀點認為,形成地球嘅星雲物質中原先就存在水嘅成分。另外嘅觀點認為,原始地殼中矽酸鹽等物質受火山影響而發生反應、析出水分。亦有觀點認為,俾地球吸引嘅彗星同隕石係地球上水嘅主要來源,甚至現今地球上嘅水重喺度不停增加。

水污染議題[編輯]

內文:水污染

如果飲咗受污染嘅水,會嚴重損害生物健康

水文化[編輯]

古代世界觀入面嘅水[編輯]

睇埋:古典元素

水作爲人類生存嘅必需品,人類喺好早期已經對水有所認識。古代西方嘅四元素說,其中一個就係水;四元素說認爲所有嘢都係由地、水、風、火組成,而呢四種元素係有乾濕、凍熱區分,水就係代表濕、凍嘅嘢。中國就有五行學說,水代表所有嘅液體,以及具有流動、潤濕、陰柔性質嘅事物。