分子

出自維基百科,自由嘅百科全書

分子粵拼fan6 zi2)係由兩粒或以上原子化學鍵黐埋之後嘅產物。佢哋有特定結構,可以睇成物質,通常係化合物嘅基本單位。

分子由好幾粒原子合埋一齊而成。佢可以由同一隻元素嘅原子組成,例如氧氣O2;亦都可以由唔同元素組成,例如分子H2O。

同一粒分子唔同嘅畫法。左面、中面係立體模型,右面嗰幅係平面畫法。(左)黑、白色個圓圈分別代表原子,圓圈之間嘅柱體表示化學鍵;模型俾團雲包圍,代表住分子嘅表面;紅、藍色分別代表正、負電。(中)同左圖類似。淺藍、白色圓圈分別代表原子,柱體表示化學鍵。(右)爾種用化學符號同直線嚟表示分子結構嘅畫法叫結構式