太陽系

太陽系嘅主要成員：由左至右依序為（冇跟足比例）海王星、天王星、土星、木星、小行星帶、太陽、水星、金星、地球同月球、火星，可以見到一粒彗星響左邊。

太陽系八大行星示意圖。

太陽系（英文：Solar System）係位於銀河系（Milky Way）嘅一個星系，而太陽系嘅中心係太陽，佢本身嘅質量就佔咗太陽系嘅 99.8%。圍繞住太陽運行嘅有八大行星同佢哋嘅衛星、小行星同埋一啲細小嘅星際物質。

拉闊來講，太陽系個範圍，包括太陽、四個石質內行星，石質小行星帶，氣質外行星，冰質柯伊伯帶（Kuiper belt）。柯伊伯帶之外，係個分散物質盤，叫太陽層（Heliopause）。再出啲就係估計有奧特雲（Oort cloud）。

以太陽做中心，由近到遠，行星次序係水星、金星、地球、火星、木星、土星、天王星同海王星。呢八個行星，有六個係有天然衞星，而外行星重會有星塵圍住，變成個星環。