金星

金星

金星 (Venus) 係第二近太陽嘅行星，係太陽系第六大行星，軌跡響水星同地球之間，用 224.7 日就可以圍住太陽行一個圈，太陽系中唯一一粒冇磁場嘅行星，冇衛星。夜晚嗰陣時，響地球天空，佢係除咗月亮之外，最光嘅天體，光等有成 -4.6。用地球角度來睇，因為佢係內行星，佢永遠都唔會離開太陽好多，所以分開角度都係頂盡 47.8°。金星最光係日落之前一陣或者日出無耐，所以人哋叫佢晨星或者昏星。

古稱

中國古代稱之為太白、太白金星。係晨星嘅時候，黎明前響東方嘅天出現，稱之為「啟明」；係昏星嘅時候，黃昏後響西方嘅天出現，稱之為「長庚」 。

古希臘人叫金星做阿佛洛狄特 (Aphrodite)，係希臘神話裏面「愛與美」嘅女神。而古羅馬人叫金星做維納斯 (Venus)，係羅馬神話裏面嘅「美神」，因此金星嘅英文名叫 Venus。

參考

• 中國科普博覽 天文館