火星

火星

火星係太陽系入面第四個近太陽嘅行星，係太陽系尾二細行星，有兩個衛星。響地球睇起嚟，佢係紅色嘅，令人諗起打仗。

以前喺中國，火星又叫做熒惑，因為星相學家認為佢係唔吉利嘅星。佢哋話入天蠍座嗰陣，變做「熒惑守心」，加埋天蠍座嘅紅色心宿二（又叫「大火」），兩紅撞埋，即係大事不妙。

火星有全太陽系最高嘅山，叫奧林帕斯山，有成 27 公里咁高。

喺1965年水手4號首次飛掠火星之前，好多人估火星上有液態水，因為望遠鏡觀測到嘅光暗特徵好似陸地同海洋，而一啲細長條紋就被認為係灌溉用嘅運河。雖然之後證實細線並唔存在，可能只係錯覺，但火星的確可能有液態水，甚至生命。火星快車號同火星偵察軌道器嘅雷達資料顯示兩極同埋中緯度地表下存在好多水冰。2008年7月31日，鳳凰號直接喺表土之下證實水冰嘅存在。