細胞

出自維基百科,自由嘅百科全書
跳去: 定向搵嘢
響顯液下嘅細胞,紅色嘅係角質素,綠色嘅係DNA

細胞(Cell)係生物嘅基本構成單位。除咗病毒,第啲生物冚嘭唥都係細胞構成嘅。之不過,病毒嘅生命活動一定要響細胞入便先至有顯現。

一般嚟講,好似細菌呢啲微生物同埋原生動物淨係得一個細胞構成,叫做單細胞生物;而高等植物同高等動物係多細胞生物。細胞可分做兩挺類型:原核細胞真核細胞

歷史[編輯]

英國人羅拔·虎克(Robert Hooke,1635~1703)響1665年發現細胞。佢用自己做嘅顯微鏡睇水壺崒,發現有機物質上有一格一格嘅細空間,於是乎就用英文「cell」嚟嗌呢啲格仔空間。1674年荷蘭列文虎克(Antonie van Leeuwenhoek)用佢自己做嘅顯微鏡睇到微生物,係第一個發現細菌嘅科學家。

1809年法國拉麥克(Jean-Baptiste de Lamarck,1744—1829)提出:「所有生物嘅身體,都係由細胞組成。」當時未有具體證據支持呢個說法。到1850年代,德國舒旺(Theodor Schwann,1810~1882)發現動物細胞裡面有細胞核。與此同時,另一個德國人舒萊登(Matthias Schleiden,1804~1881)研究植物嗰陣,亦都話植物細胞裡面有細胞核。兩個人都認為:「生物係由細胞組成」,咁就係細胞學嘅基礎。

中國李善蘭1858年寫咗一本《植物學》,用咗「細胞」作為cell嘅中文譯名。

結構[編輯]

動物嘅細胞同植物嘅細胞響結構上係有唔同嘅。整體嚟講,植物細胞係有一個細胞壁包住細胞嘅物質,但動物就冇呢種結構,成個細胞都可以隨意轉變形狀。雖然係咁,有啲結構係動物植物都有嘅,例如細胞核

動物細胞嘅結構[編輯]

  • 細胞核:包含咗遺傳物質(DNA),包括染色體、核糖核酸等。
  • 細胞膜:細胞同環境之間嘅分界,能夠調節物質嘅進出,例如可以防禦細菌或者其他生物嘅入侵,即免疫功能。
  • 粒線體:又稱「線粒體」,主要協助細胞呼吸,並且產生細胞使用能量最直接嘅形式──三磷酸腺苷
  • 細胞質:含有維持生命嘅基本物質,好似類、脂質、蛋白質,因此亦都係細胞生存嘅主要場所。

植物細胞嘅結構[編輯]

植物細胞結構