細胞質

出自維基百科,自由嘅百科全書
跳去: 定向搵嘢
動物細胞結構圖解。①核仁細胞核核糖體
囊泡糙面內質網高爾機體細胞骨架
光面內質網線粒體液泡細胞質
溶酶體中心粒

細胞質細胞裏頭嘅一種凝膠狀物質,包含有胞質溶膠同埋一啲細胞器。原生質係由、有機分子同埋各種催化反應嘅所組成。細胞質喺細胞膜入面包圍住細胞核同埋細胞器

元件[編輯]

細胞質係由離子同埋可溶性高分子,例如碳水化合物、唔同嘅蛋白質,以及大量嘅核糖核酸所組成。

細胞質可以係凝膠狀或者係液體,視乎當時細胞嘅活動而定。喺凝膠狀之下,細胞質會被命名為胞質凝膠,係一種固體質量。而如果係液體,就係胞質溶膠,一種流動嘅液體。一般嚟講,近住細胞外邊部份嘅係凝膠狀,而細胞入邊嘅係液體。

細胞質中入面有細胞器(例如:線粒體葉綠體溶酶體過氧物酶體核糖體)、液泡細胞骨架同埋複雜嘅細胞膜結構(例如:內質網)。佢喺植物細胞之中亦都幫助進行消化。

唔同生物嘅差異[編輯]

所有細胞都係有細胞質,之但係唔同生物,細胞質都可以好唔同。例如喺動物界,細胞質佔咗差唔多半個細胞嘅體積;但喺植物界,因為植物細胞入面有液泡,細胞質只係佔好少空間。

功能[編輯]

細胞質最主要係負責維持細胞嘅形狀,鞏固細胞,並且提供懸浮俾細胞器

佢亦都係一個化學物質儲存室,而呢啲化學物質牽涉到重要嘅代謝作用,例如醣酵解同埋蛋白質生物合成