生態系統

出自維基百科,自由嘅百科全書
跳去: 定向搵嘢
Arctic tundra on Wrangel Island, Russia.
Flora of Baja California Desert, Cataviña region, Mexico.
澳洲昆士蘭嘅Daintree Rainforest

生態系統係喺一個特定嘅環境,各種生物環境之間,以及佢哋互相之間由於不斷進行物質能量嘅交換,通過物質流同能量流嘅連接而形成嘅統一整體。

生態系統嘅範圍並冇固定大細,例如一整個森林可能係一個生態系統,一個小池塘亦可以係一個生態系統,喺南美洲亞馬遜河流域,有時一棵大樹可能就係一個生態系統,大部分動物成世唔離開呢棵樹。生態系統嘅邊界一般係由於環境突然有好大變化造成,例如池塘外唔適合池塘內生物生存,沙漠邊界、水體邊界、平原沼澤嘅交界,一般都係一個生態系統同另一個生態系統嘅交界。當然生態系統嘅邊界唔係絕對嘅,有好多生物可以越過邊界生存,例如青蛙喺水中參與一個生態系統,亦可以上岸參與另一個生態系統。

一個生態系統裏面,各種生物之間以及同環境之間存在一種平衡關係,任何外來物種或物質入侵呢個生態系統,都會破壞呢種平衡。平衡被破壞後,可能會逐漸達到另一種平衡關係。但如果生態系統嘅平衡受到嚴重破壞,可能會造成永久失衡。

人類活動係造成生態系統失衡嘅最主要因素。農業活動就係人類破壞自然生態系統,創造自己嘅人為生態系統嘅例子,人類開墾荒地,破壞原有生態系統,原有嘅物種無法繼續生存,人類種植自己需要嘅莊稼,隨之而嚟嘅係害蟲同食害蟲嘅動物,以及為咗避免被人類鋤草而生長,同莊稼形狀非常相似嘅雜草,呢啲物種形成一個新嘅生態系統,人為生態系統如果離開人類活動就無法繼續存在落去,如果人將農田荒廢,好快就會重新產生新嘅生態系統,即雜草遍地,或者會沙漠化,但唔會自動恢復到原有嘅生態系統。

有時人類活動造成物種嘅長距離遷移,亦可能會對生態系統造成人類預計唔到嘅破壞,老鼠烏蠅隨住人類散布到全世界,人類只係隨住興趣帶去澳洲嘅32對仔,令澳洲嘅生態系統幾乎造成毀滅性嘅災難。目前外來物種紫莖澤蘭大米草水葫蘆等已經開始對中國大陸嘅生態系統造成威脅,同時隨住商品進入嘅美國白蛾等新類型害蟲亦開始適應新環境。

人類活動造成嘅環境污染又會喺物質同能量兩方面破壞生態系統嘅平衡,有啲係會造成永久性嘅破壞。

人類目前已經認識到生態系統平衡被破壞嘅後果,正致力圖幫助生態系統恢復平衡,但呢啲都需要付出大量資金同能量,恢復比破壞重要難好多,而唔會有經濟上嘅回報,所以一般經濟實體唔會自動去做呢啲嘢,需要政府同埋志願者嘅投入,亦需要輿論同教育嘅促進。