全球變暖

出自維基百科,自由嘅百科全書
跳去: 定向搵嘢
從1958年莫勞島二氧化碳含量變化
1850 年 到 2006 年全球平均表面溫度

全球變暖,有時叫做全球暖化,係指喺一段時間中,地球大氣海洋溫度上升嘅現象,主要係指人為因素令到溫度上升,原因好可能係由於溫室氣體排放過多造成嘅。

20世紀,全球平均接近地面嘅大氣層溫度升咗攝氏 0.74 度。普遍嚟講,科學界認為過去五十年可觀察嘅氣候改變係由人類活動所推動。

二氧化碳同其他溫室氣體嘅含量不斷增加,正係全球變暖嘅人為因素中主要部分。燃燒化石燃料、清理林木同耕作等等都增強咗溫室效應。第一次懷疑溫室效應會發生嘅觀測係瑞典化學家阿累尼烏斯1897年所做嘅。雖然當時冇引發公眾討論,但係事隔 90 年,終於變成公眾關注嘅問題。

美國加利福尼亞大學科學家太平洋中央夏威夷嘅莫勞島上設立 4 個 7 米高同一個 27 米高嘅採樣塔,每個鐘採樣 4 次,分析二氧化碳嘅變化情況。

目前全球平均溫度嘅變化,幾乎同二氧化碳含量嘅變化係同步上升嘅,工業革命開始嗰陣,二氧化碳嘅含量急劇增加。雖然植物光合作用吸收了好大一部分二氧化碳,海洋亦溶解一部分二氧化碳並固定成碳酸鈣,但係空氣裏面二氧化碳嘅含量重係漸漸增加緊。根據美國維珍尼亞大學英國東英格蘭大學聯合研究嘅結果,喺20世紀後半葉,全球溫度上升嘅趨勢非常明顯,溫度變化情況睇下面幅圖。

命名法則[編輯]

全球變暖係比氣候改變更明確嘅名。原則上,「全球變暖」一詞對成因持中立觀點,但係根據大眾嘅用法,「全球變暖」意味著人類嘅影響。但係,聯合國氣候變化框架公約使用「氣候改變」代表人為因素導致嘅改變,「氣候變化」代表第啲嘢導致嘅改變。其他組織就用「人為嘅氣候改變」(Anthropogenic climate change)代表人為因素導致嘅改變。

歷史上嘅全球變暖[編輯]

內文: 過去1000年嘅溫度記錄
根據唔同嘅重組所展示過去 2000 年嘅平均地表溫度。每十年搵一個平均值。特別顯示2004年嘅溫度來作參考。

根據儀器記錄,相對於1860年1900年期間,全球陸地同海洋溫度上升咗攝氏 0.75 度。自1979年,陸地溫度上升速度比海洋溫度快一倍(陸地溫度上升咗攝氏 0.25 度,而海洋溫度上升咗攝氏 0.13 度)。根據衛星溫度探測,對流層嘅溫度每十年上升攝氏 0.12 度至 0.22 度。喺1850年前嘅一兩千年,雖然曾經出現中世紀溫暖時期小冰河時期,但係大眾相信全球溫度係相對穩定嘅。

根據美國太空總署戈達德太空研究所嘅研究報告估計,自1800年代有測量儀器被廣泛應用開始,2005年係最溫暖嘅年份,比1998年嘅記錄高咗攝氏百分之幾度。

世界氣象組織英國氣候研究單位都有類似嘅估計,曾經預計2005年係僅次於1998年第二溫暖嘅年份[1] [2]


用全球變暖做題材嘅影視作品[編輯]

電影
電視節目
紀錄片

參考[編輯]

  1. 美國太空總署戈達德太空研究所嘅研究報告全球溫度趨勢
  2. 2005年嘅溫度

睇埋[編輯]