法國
出自維基百科，自由嘅百科全書
法國，又叫法蘭西（France）係歐洲一國，正名叫法蘭西共和國（République française）。除咗歐洲部份之外，佢重有好多海外屬土。法國本土響地中海同英倫海峽同北海之間，由萊茵河伸展到大西洋。法國人叫佢本土做 L'Hexagone，皆因佢本土似六角形咁解。法國同比利時，盧森堡，德國，瑞士，摩納哥，安道爾同西班牙接壤嘅。因為法國有海外屬地，所以佢又同巴西同蘇里南（法屬圭亞那）、荷屬安的列斯（聖馬丹，Saint-Martin）接壤。而北面嘅英國同法國雖然無接壤，但係喺英吉利海峽之中，有一條英法海底隧道連接住英國同埋法國。
由於法國係第一次世界大戰同埋第二次世界大戰嘅戰勝國，因此佢係聯合國安全理事會五個常任理事國嘅成員。另外，法國又係歐洲聯盟同埋北大西洋公約組織嘅創始國兼會員國。亦都係神根公約嘅成員。
[編輯] 法國史
法國人嘅祖先就係居住喺今日嘅義大利，比利時，法國，荷蘭，德國，萊茵河北部嘅高盧人。佢哋係古羅馬時代，畀羅馬政府視為野蠻人。佢哋亦都有過反抗羅馬軍團入侵嘅光榮歷史，但最後都打唔過羅馬軍團。法國同埋其他歐洲北部嘅地方最後都成為羅馬帝國嘅領土。
而法國呢個國家出現嘅時期就係喺十世紀。當時嘅查理曼帝國開始分裂，東部領土形成德意志，中部領土形成勃艮第，而西部嘅領土就形成法蘭西。
喺十四世紀至十五世紀期間，法國同英格蘭因為法國國王嘅繼承權嘅紛爭而爆發咗一場持續成百幾年嘅戰爭，呢場戰爭就係所謂嘅英法百年戰爭。喺呢場戰爭嘅初期同埋中期，法國軍隊不斷失利。而英格蘭軍隊就愈戰愈勇，佔領咗大半個法國。就係毫無希望之下，一位日後舉世皆知嘅英雄人物終於出現，佢就係聖女貞德。貞德係一個嚟自農村嘅女仔，佢聲稱自己喺十六歲嘅時候，係村莊入面嘅一棵大樹下面見到三個天使 -- 聖彌額彌，聖瑪嘉烈，聖凱瑟琳。三位天使帶咗一個神諭畀佢，入面話畀貞德知，佢將要率領法國軍民趕走英格蘭軍隊。就係呢個神諭呼召之下，佢決定到當時查理王儲居住嘅地方 -- 希農城去見查理王儲。因為只有咁樣，佢先可以得到兵權，去帶領軍隊反抗英格蘭人。最後佢成功見到查理王儲，而呢次會面嘅結果係，查理王儲容許畀一支軍隊佢，要佢帶領軍隊趕到當時畀英格蘭軍隊圍困嘅城市 -- 奧爾良，打一場幫奧爾良城軍民解圍嘅仗。但由於佢當時只係一個農村女子，冇錢無冇武器。所以，佢嘅馬匹，長劍，軍旗，盔甲，頭盔，侍從都係人哋出錢幫佢買。
貞德喺呢場戰爭入面亦不負所託。英格蘭軍隊本身擁有極大囓優勢，奧爾良呢個城市畀佢哋佔領只不過係時間問題。但係當貞德同埋佢嘅部隊只係用咗九日嘅時候，就將英格蘭人趕走。成功解除英格蘭人對奧爾良城嘅封鎖。跟住，愈來愈多本身反對貞德嘅法國將領，都轉而支持貞德，貞德支軍隊嘅人數愈來愈多。佢嘅部隊成功創出一次又一次嘅輝煌戰績。但係一四三零年五月二十三號嘅一場小戰鬥入面。貞德畀勃艮第人俘虜。勃艮第人將貞德交畀英格蘭人。英格蘭人對貞德進行一次又次一次唔公平嘅審判之後，最後對貞德作出十二條指控。一四三一年五月三十號，英格蘭人判處貞德火刑，呢場火刑係盧昂進行。貞德就咁離世，離世嘅時候只有十九歲。但亦因為佢嘅死，激起法國人嘅鬥志。喺佢離世之後二十二年，法國人成功將英格蘭人趕出法國。百年戰爭因為法國贏咗而結束。
十五世紀末，法國逐漸變成一個以中央集權制，君主專權制為主的國家。而十五世紀至十八世紀入面，最著名嘅法國國王就係路易十四。呢種情況一直發展到一七八九年，法國大革命爆發之後先結束。
| 歐洲 | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
||||||||||||||||||||||
| 世界地理索引 | 非洲 | 北美洲 | 南美洲 | 亞洲 | 大洋洲 | ||||||||||||||||||||||
|
|
 |
|---|---|
|
奧地利 | 比利時 | 保加利亞 | 塞浦路斯 | 捷克 | 丹麥 | 愛沙尼亞 | 芬蘭 | 法國 | 德國 | 希臘 | 匈牙利 | 意大利 | 愛爾蘭 | 拉脫維亞 | 立陶宛 | 盧森堡 | 馬耳他 | 荷蘭 | 波蘭 | 葡萄牙 | 羅馬尼亞 | 斯洛伐克 | 斯洛文尼亞 | 西班牙 | 瑞典 | 英國 |
|
| 北大西洋公約組織 (NATO) |  |
|---|---|
| 比利時 | 保加利亞 | 加拿大 | 捷克 | 丹麥 | 愛沙尼亞 | 法國 | 德國 | 希臘 | 匈牙利 | 冰島 | 意大利 | 拉脫維亞 | 立陶宛 | 盧森堡 | 荷蘭 | 挪威 | 波蘭 | 葡萄牙 | 羅馬尼亞 | 斯洛伐克 | 斯洛文尼亞 | 西班牙 | 土耳其 | 英國 | 美國 | |
