蘇聯

出自維基百科,自由嘅百科全書
國旗
二戰之後嘅領土

 蘇維埃社會主義共和國聯盟粵拼sou1 wai4 oi1 se5 wui2 zyu2 ji6 gung6 wo4 gwok3 lyun4 mang4 (簡稱蘇聯俄文Союз Советских Социалистических Республик,縮寫:СССР,拉丁轉寫:Soyuz Sovetskih Sotsialisticheskih Respublik,1922年12月30號—1991年12月26號),曾經係世界土地面積最大嘅(22,402,200 km²),佔有東歐嘅大部份,以及幾乎成個中亞北亞;陸地同挪威芬蘭波蘭捷克斯洛伐克匈牙利羅馬尼亞土耳其伊朗阿富汗中國蒙古同埋朝鮮接壤;而同瑞典日本美國同埋加拿大隔海相望。

根據蘇聯憲法,蘇聯係聯邦制國家,由 15 個平等權利嘅蘇維埃社會主義共和國(加盟共和國)照自願聯合嘅原則組成,由蘇聯共產黨領導,首都係莫斯科國家元首係蘇聯最高蘇維埃主席團主席同蘇聯總統政府首腦係部長會議主席(總理),實際嘅最高領導人係蘇聯共產黨中央委員會總書記。武裝力量稱為蘇聯紅軍。國歌係蘇聯國歌

蘇聯係第二次世界大戰主要戰勝國,故此喺解體前係聯合國安全理事會常任理事國,有權否決議案。喺蘇聯解體之前,即係冷戰時期,蘇聯同美國一樣都係超級大國,蘇聯代表社會主義,而美國就係代表資本主義。兩國喺世界上都有好大嘅影響力,而且成日有衝突,例如韓戰越戰古巴飛彈危機。最後蘇聯解體,冷戰先正式結束。

出面網頁[編輯]

  • "Union of Soviet Socialist Republics* - Countries - Office of the Historian" (英文). 美國國務院.