蘇聯
出自維基百科，自由嘅百科全書
.svg)
蘇維埃社會主義共和國聯盟（簡稱蘇聯；俄文：Союз Советских Социалистических Республик，CCCP，1922年12月30號 — 1991年12月26號），曾經係世界上土地面積最大嘅國（22,402,200 km²），佔有東歐嘅大部份，以及幾乎成個中亞同北亞；陸地同挪威、芬蘭、波蘭、捷克斯洛伐克、匈牙利、羅馬尼亞、土耳其、伊朗、阿富汗、中國、蒙古同埋朝鮮接壤；而同瑞典、日本、美國同埋加拿大隔海相望。
根據蘇聯憲法，蘇聯係聯邦制國家，由 15 個平等權利嘅蘇維埃社會主義共和國（加盟共和國）照自願聯合嘅原則組成，首都係莫斯科。國家元首係蘇聯最高蘇維埃主席團主席同蘇聯總統。政府首腦為部長會議主席同總理。武裝力量稱為紅軍。國歌係蘇聯國歌。
蘇聯係第二次世界大戰主要戰勝國，故此喺解體前係聯合國安全理事會常任理事國，有權否決議案。響蘇聯解體之前，即係冷戰時期，蘇聯同美國一樣都係超級大國，蘇聯代表共產主義，而美國就係代表資本主義。兩國響世界上都有好大嘅影響力，而且重成日有衝突，例如韓戰、越戰、古巴導彈危機。最後蘇聯解體，冷戰先正式結束。
