中華人民共和國

	中華人民共和國
旗仔	徽章
	金句：無
	金曲：《義勇軍進行曲》
	屬地; （實轄）
京城	北京
大埠	上海
	幅員國土：9,596,960平方公里（世界第3名）; 水域：2.8%;
時區	UTC+8
	國民
官府語言	漢語
	人數人數：1,339,724,852人（2010年11月，大陸）（世界第1名）; 擠逼指數：135.4/km2（世界第?名）;
主要節	國慶日：10月1號（1949年起）;
	政制
	總統：國家元首：國家主席：習近平; 政府首腦：國務院總理：李克強;
	國家組織形式：中國共產黨領導下嘅多黨合作制執政黨（中共中央總書記）：習近平; 權力機關（全國人大常委會委員長）：張德江; 統一戰線（全國政協主席）：俞正聲;
	經濟
GDP	$7.497萬億（2011年）
人均GDP	$5414（2011年）
中央銀行	中國人民銀行
貨幣	人民幣
	資訊
國家同地區頂級域	.cn
國際電話區號	+86
	編輯

呢篇文章講嘅係有聯合國席位嘅「中華人民共和國」。想搵「中國」，睇下「中國」。

中華人民共和國係東亞一國，喺太平洋西岸，首都係北京，陸上從東北至西南分別同亞洲十四國黏住，海上由東部去到南部分別係渤海、黃海、東海、南海同朝鮮半島、日本列島、東南亞相望；管治中國大陸廿二省、五少數民族自治區同埋四直轄市，亦幫香港同澳門兩個特別行政區管國防同外交；國土總面積超過960萬平方千米，僅次於俄羅斯同加拿大，係世界第三，陸地嘅總面積大約933萬平方千米，係世界第二（注）；人口超過13億，係世界第一；跨越五個地理時區，但用東經120度嘅北京時間做全國嘅標準時間；1971年起代替中華民國做中國喺聯合國嘅代表同安理會常任理事國；通用簡體中文，一般溝通用中文。

《中華人民共和國憲法》話，中華人民共和國由工人階級領導、以工農聯盟為基礎嘅人民民主專政社會主義國家；全國人民代表大會係最高國家權力機關，行政、審判同檢察機關由人民代表大會產生，向佢負責，受佢監督；決策過程實行民主集中制原則 ^{[未記出處或冇根據]}。中國共產黨係憲法規定嘅執政黨 ^{[未記出處或冇根據]}。

1949年，國共內戰喺中國大陸基本結束，中華人民共和國中央人民政府喺北京宣佈成立，中華民國政府撤到去台北。中華人民共和國認為中華民國已經滅亡，而且被中華人民共和國取代同繼承，宣稱中華人民共和國係中國嘅唯一代表，世界上大多數國家都承認呢件事。另一方面，中華人民共和國堅持台灣係佢嘅領土，世界上多數國承認、認知、理解、尊重或者留意中華人民共和國呢個立場同主張。只係中華民國政府一直延續存在，重有效統治臺灣，中國重未完全統一或分裂分治。海峽兩岸繼續處於政治對立，而臺灣獨立運動亦喺度進展，但兩岸經濟同文化上交流就日漸頻繁，睇「臺灣問題」同埋「兩岸關係」。

中華人民共和國統治中國大部分領土同埋人民，重主張係中國喺國際上嘅唯一代表，因此中華人民共和國境內同國際場合，多數簡稱為「中國」，有時又利用「祖國大陸」或「中國大陸」；喺境外華人社會，「中國」有佢固有嘅更寬闊意涵，對「中國」一詞嘅具體涵指有唔同認知，或者只係去區分唔同嘅邊境區域，中華人民共和國嘅實際直接控制區域同埋中央人民政府，喺香港同澳門通常稱為「大陸」（近年來亦都用「內地」）同「中央政府」，而臺灣大多數人習慣稱為「大陸」、「中國大陸」、「對岸」、「中共」，但承認中華人民共和國代表中國嘅台灣人士或傾向臺灣獨立嘅人士有時就利用「中國」或者「中國政府」。

歷史 [編輯]

內文：中國史、中華人民共和國史、中華民國史、香港史、同澳門史

中國一度係強盛嘅文明古國，近代因帝制專權、閉鎖守舊，搞到積貧積弱，無法實行現代化，只俾人覺得落後於西方列強，喺1840年爆發嘅鴉片戰爭標誌住西方對中國喺影響同干涉加強。喺1912年確立響中華民國結束咗長達兩千多年嘅封建帝制，開展中國首個民主共和政體。但由於保守勢力仍相當強大，共和政體未能成功實行，而軍閥割據混戰、剝削同腐敗嚴重，中國繼續飽受戰亂同貧弱之苦，中國人民希望搵到真正民主嘅共和政府。1917年俄國十月革命成功，令到部分左傾嘅中國知識份子開始尋求馬克思主義同列寧主義；而1919年因中國外交失敗而引發嘅民主愛國五四運動，標誌「新文化運動」嘅開始。到1921年，中國共產黨嘅上海成立，主張馬列主義。

1927年，國共第一次合作破裂。1931年 11月7號，中國共產黨喺江西瑞金成立中華蘇維埃共和國，受到國民政府軍隊圍剿。喺1934年第五次反圍剿失利之後，武裝力量中國工農紅軍被迫進行長征，轉向陝北謀求發展。1935年喺長征途中召開嘅遵義會議中，毛澤東確立咗佢喺中國共產黨嘅實際領導地位。1937年抗日戰爭全面爆發，逐步發展為第二次世界大戰亞洲戰場，直到1945年日本無條件投降，場仗先至打完。戰爭期間，中國國民黨喺國民政府喺「正面戰場」付出大量代價；而中國共產黨喺各個「抗日根據地」得到快速發展，攞到日軍大量先進裝備。戰後國共雙方為咗建立戰後統一、民主嘅中國進行咗談判，但失敗收場。1946年到1949年間中國共產黨嘅武裝力量同中國國民黨領導嘅中華民國政府開始咗歷時三年幾嘅國共內戰。1949年國民黨政府喺中國大陸節節敗退，同年10月1號毛澤東喺北京宣告中華人民共和國中央人民政府成立，12月7號中華民國中央政府正式撤到去臺北，中國從此開始兩岸分隔、分治局面，並造成到而家仍未解決嘅臺灣問題。

中華人民共和國建立無耐，中國大陸因連年戰爭已經接近一個廢墟。1950年代初期，共產黨通過「鎮壓反革命」嘅運動，對私有經濟同財產進行城市工商業「社會主義改造」同農村「土改」同土地集體化，抑止戰時通貨膨脹、並喺蘇聯援助下建立一個初步完整嘅工業體系，普及國民教育同建立醫療保障體系。而外交上奉行完全傾向社會主義陣營（「一邊倒」）嘅政策，援助各社會主義國家同新興獨立國家共產主義活動。軍事上，1950年基本消滅國民黨喺大陸嘅殘餘勢力；同年，朝鮮戰爭爆發，人民政府以「唇亡齒寒」、「保家衛國」做號召組建中國人民志願軍去北韓同朝鮮人民軍並肩對以美國為首嘅聯合國軍作戰，宣稱自己為正義而打，美國為侵略而打，重喺1953年簽署停火協議。朝鮮戰爭令美國認識到中華人民共和國嘅軍事能力，但亦令中華人民共和國同美國關係發展蒙上陰影，深刻影響臺灣問題及中華人民共和國以後嘅發展方向。

1956年蘇共二十大召開並提出史太林問題，中蘇論戰初次顯露不和。1957年毛澤東發動「反右」運動，令國內知識份子同民主黨派力量受到空前打擊。1958年中國共產黨發動「大躍進」同「人民公社」運動，「浮誇風」盛行。1959年中蘇關係破裂，蘇援撤銷。1959年到1961年連續三年發生大規模饑荒，稱為「三年困難時期」或「三年災害時期」。一般認為呢場饑荒導致成千萬人死。喺經過以「調整、鞏固、提高」為目標嘅經濟恢復期後，1966年，毛澤東發動歷時十年嘅「無產階級文化大革命」運動（簡稱文革），對中國社會造成重大而深遠嘅影響。文革初期盛行嘅「破四舊」運動同各派系間「武鬥」以及其它運動對中國經濟、文化造成唔可以估計嘅損失，令中國當時幾乎瀕臨內戰。直到1976年毛澤東死咗，文化大革命先至完。

1964年 10月16號中國第一個原子彈爆炸成功，1967年 6月17號又成功爆炸咗氫彈，1970年 4月24號，中國第一粒人造衛星發射升空。1971年 10月25號，聯合國大會通過第2758號決議，決定由中華人民共和國政府取代中華民國政府，成為中國喺聯合國唯一合法代表。1972年美國總統尼克遜訪問北京並拜會毛澤東，1973年中美互設代表處；1979年美國同中華民國斷交，同中華人民共和國建立正式全面外交關係。

1978年中國共產黨十一屆三中全會召開，確立咗鄧小平領導地位，採納以經濟建設為中心、實行改革開放、努力建設四個現代化的政策。隨後喺經濟迅速發展同時，出現較以往嚴重嘅腐敗、通貨膨脹等問題。到1989年胡耀邦因為突發心臟病死咗，悼念活動發展成為八九民運並以流血（六四天安門事件）告終，震驚全球，亦令中國共產黨對於改革，特別係政治體制改革態度趨於保守同謹慎。1992年，已辭去所有正式職務嘅鄧小平通過南巡講話，強調解放思想、繼續改革開放嘅重要，並批評搞唔清楚嘅市場經濟姓社姓資爭論。同年秋，中國共產黨第十四次全國代表大會正式決定中國經濟體制改革嘅方向喺建立「社會主義市場經濟體制」。從此，中國大陸正式由計劃經濟向市場經濟轉軌。1997年 7月1號，中華人民共和國代表中國恢復對香港行使主權；1999年 12月20號，又恢復對澳門行使主權。2002年冬到2003年秋嘅SARS事件中，中國政府最終改變早期應對遲緩、隱瞞同官僚作風，採取嚴厲公開嘅措施制止疫情蔓延並最終消除疫情。2003年 10月15號，中國成功進行首次載人航空發射。經過咗超過四分之一世紀嘅連續高速發展，而家號稱「世界工廠」嘅中國已成為世界政治經濟中唔可以忽視嘅重要力量。

地理 [編輯]

內文：中國地理

中華人民共和國自詡陸地面積高達9,602,716平方公里，實際淨係控制9,596,960平方公里，國土面積排全球第三^注2。海域面積有成300多萬平方公里。陸界長2萬幾公里，由東北面到南面，分別同朝鮮、俄羅斯、蒙古、哈薩克斯坦、吉爾吉斯、塔吉克、阿富汗、巴基斯坦、印度、尼泊爾、不丹、緬甸、老撾、越南等咁多個地方接壤。大陸海岸線長1.8萬多公里，東隔黃海同韓國、隔東海同日本、隔南海同菲律賓、馬來西亞、汶萊、印尼同埋新加坡相望。沿海島嶼有超過6,500個。

中華人民共和國的疆域四極為：

方位	主張	實際控制
東	黑龍江同烏蘇里江匯合處嘅耶字界碑東角，黑瞎子島東端（約東經136度5分）	黑瞎子島南端對岸（約東經135度41-44分）
西	新疆烏恰縣以西嘅帕米爾高原（約東經73度40分）	同左
北	漠河以北嘅黑龍江江心（北緯53度31分）	同左
南	南海諸島最南端嘅曾母暗沙（約北緯4度15分）	南海諸島西南部的華陽礁（約北緯8度51-52分）

中華人民共和國嘅政區及領土糾紛（簡體版/繁體版）

中華人民共和國政府對以下未有實際管轄嘅地區宣稱擁有主權：

臺灣、澎湖、金門、馬祖、東沙群島、太平島（實際係由中華民國政府管轄）
釣魚臺列島（實際係俾日本嘅沖繩縣控制）
藏南（即係中國西藏自治區位於中國政府重未有認可嘅麥克馬洪線嘅以南部分；實際係由印度嘅阿魯納恰爾邦管轄，該邦中國唔承認）

同時，其他政府對於以下中華人民共和國所管轄嘅地區宣稱擁有主權：

阿克塞欽（印度宣稱）
西沙群島（越南、中華民國宣稱）
南沙群島（多個政府宣稱，中華人民共和國政府對其中一部分島嶼進行管轄）
黃巖島（菲律賓宣稱）
間島（韓國宣稱）

此外，亦有部分民間人士認為中國對於外蒙古（參閱：聯合國大會決議案五〇五）、琉球群島同埋19世紀中葉時清朝據璦琿條約、中俄北京條約等不平等條約割讓俄國嘅土地（黑龍江以北、外興安嶺以南、烏蘇里江以東包括庫頁島）亦應擁有主權。呢個地區主要定居點有：廟街、符拉迪沃斯托克、伯力、雙城子、海蘭泡、江東六十四屯等。

中國地勢。註：含非中華人民共和國實質管轄嘅爭議地區。

中華人民共和國地勢西高東低，各類地形佔全國陸地面積比例係：山地33.3%、高原26%，盆地8.8%，平原12%，丘陵9.9%。地勢成三級階梯：西南部係「世界屋脊」，全球最高嘅高原青藏高原，平均高度喺4000米以上，係第一階梯；自此向東向北下降為一系列高原同盆地，係第二階梯；喺大興安嶺、太行山、巫山、武陵山、雪峰山一線以東多為平原，係第三階梯。喜馬拉雅山，平均海拔6000米，主峰珠穆朗瑪峰，海拔8844.43米，係世界第一高峰。長江為中國第一大河，全長6380公里，長度及徑流量排名世界第三。其他主要河流有黃河、黑龍江、珠江、淮河、松花江等。

中國南北方向跨緯度較大，南北氣溫有一定差異。冬季，中國南北氣溫差別好大，0℃等溫線大致沿秦嶺—淮河一線分佈；漠河鎮同海口市嘅1月平均氣溫相差接近50℃。夏季，除青藏高原等地區外，各地7月平均氣溫大多喺20℃以上。中國冬季溫度最低嘅地方喺黑龍江嘅漠河鎮，1月平均氣溫為-30.6℃，極端最低氣溫-52.3℃；溫度最高嘅地方喺西沙群島附近，1月平均氣溫為22.9℃。中國夏季溫度最高嘅地方喺新疆自治區嘅吐魯番，7月平均氣溫為33℃，極端最高氣溫49.6℃。

政區 [編輯]

內文：中國行政區域同中華人民共和國行政區域

而家中華人民共和國政府實際控制22個省、5個自治區、4個直轄市同2個特別行政區，同時中華人民共和國政府對從未實際管轄過嘅臺灣島同澎湖列島等地宣稱擁有主權，並將佢劃為臺灣省，相關嘅資料及爭議請睇臺灣問題。

中華人民共和國行政區劃示意圖，根據中華人民共和國官方地圖畫法繪製，包括所有有爭議地區

23個省：

河北省（冀）、山西省（晉）
遼寧省（遼）、吉林省（吉）、黑龍江省（黑）
江蘇省（蘇）、浙江省（浙）、安徽省（皖）、福建省（閩）、江西省（贛）、山東省（魯）
河南省（豫）、湖北省（鄂）、湖南省（湘）、廣東省（粵）、海南省（瓊）、臺灣省（臺，只係宣稱，實際由中華民國所領）
四川省（川、蜀）、貴州省（黔、貴）、雲南省（滇、雲）
陝西省（陝、秦）、甘肅省（甘、隴）、青海省（青）

4個直轄市：

北京市（京）
天津市（津）
上海市（滬）
重慶市（渝）

5個自治區：

2個特別行政區：

香港特別行政區（港）
澳門特別行政區（澳）

北京、西安、洛陽、開封、南京、杭州、安陽、鄭州係中國嘅八大古都；上海係中國大陸嘅最大城市同商業中心。

政治 [編輯]

參閱：中國政治、臺灣問題

中華人民共和國憲法規定：「中華人民共和國嘅一切權力屬於人民」、「全國人民代表大會同地方各級人民代表大會都由民主選舉產生，對人民負責，受人民監督」。各級政府由同級人民代表大會選舉產生，鄉鎮、縣一級同埋不設區嘅市人大由選民直接選舉產生，其他人大由下級人大選舉產生。但國際上有相當多質疑聲稱，中國目前嘅政府並未經過真正公開公正公平嘅選舉得到人民嘅授權，即使係低級嘅所謂「直接選舉」亦唔係「公開公正公平自由」。

中華人民共和國係社會主義嘅國家，中國共產黨係中華人民共和國唯一嘅執政黨。中華人民共和國國體係人民民主專政，政體係人民代表大會制度。人民民主專政包含對人民內部嘅民主方面同埋對極少數敵對勢力、敵對分子嘅專政有兩方面：人民民主嘅主體是人民，包括工人、農民、小資產階級同埋民族資產階級，並隨住社會發展喺唔同嘅歷史時期被賦予唔同嘅嘢；而專政嘅物件包括反對社會主義制度敵對分子同埋其他剝削階級同埋嚴重嘅刑事犯罪嘅分子、經濟犯罪分子、腐敗分子同埋分裂祖國嘅分子，對佢要實行專政，並將剝奪公民嘅政治權利作為制裁犯罪的手段之一。同時，由中國共產黨主導嘅政治協商制度，同各個唔同政黨進行政治協商合作。

中華人民共和國憲法規定將公民嘅結社權作為公民嘅基本權利之一，每一個公民享有組織經濟、文化類社會團體嘅權利。目前幾個出名嘅愛國宗教團體就係建國之後建立嘅，佢作為政治協商、民主監督、參政議政嘅組成部分，喺全國人大、全國政協行使權利。中國大陸目前嘅八個民主黨派都喺1949年10月1日前成立，同共產黨結為合作黨派，有參政權。

中華人民共和國憲法將言論自由列為公民嘅基本權利之一，予以保障，但西方國家同一啲國際人權組織就批評中華人民共和國政府壓制言論自由、壓制異己同埋分裂分子。中國大陸一般民眾肯定政府維護社會穩定、發展經濟嘅目標，但對具體措施有唔同意見。近年嚟，中華人民共和國政府逐步改革政治體制，以圖完善社會主義民主政治。

根據中華人民共和國憲法，中華人民共和國實行民主集中制嘅組織原則。全國人民代表大會係中華人民共和國最高國家權力機構，唔開會期間由常務委員會執行權力。掛名嘅國家元首係中華人民共和國主席，由全國人民代表大會選舉產生，每屆任期五年，連續任職唔可以超過兩屆。中華人民共和國國務院為最高國家權力機關嘅執行機關，國家最高行政機關，實行總理負責制。

根據1949年 9月27日中國人民政治協商會議嘅第一屆全體會議通過《關於中華人民共和國國都、紀年、國歌、國旗的決議》「中華人民共和國嘅國都定於北平」，「改名北平為北京」；「中華人民共和國紀年採用西元嘅乜嘢年」；「中華人民共和國嘅國旗為紅地五星旗，象徵中國革命人民大團結」。1950年 9月20號《中央人民政府公佈中華人民共和國國徽的命令》公佈國徽嘅內容為「國旗、天安門、齒輪同埋麥稻穗」。根據1982年 12月4號《第五屆全國人民代表大會第五次會議關於中華人民共和國國歌的決議》：「《義勇軍進行曲》為中華人民共和國國歌」，後來喺2004年 3月14號第十屆全國人民代表大會第二次會議上，正式將《義勇軍進行曲》作為國歌寫入憲法：「中華人民共和國國歌係《義勇軍進行曲》（《中華人民共和國憲法》第四章第一百三十六條第二款）。」

1945年聯合國建立，中華民國作為中國代表，係創始會員國及安理會常任理事國；由1971年起，中華人民共和國成為中國喺聯合國嘅唯一合法代表。中華人民共和國同全球約168個主權國家有全面正式嘅外交關係，通常認為佢哋亦都承認中華人民共和國政府為中國嘅唯一合法政府並支援一個中國原則。

中華人民共和國政府宣稱對臺灣擁有主權，但未實際管轄過臺灣。臺灣問題同兩岸關係一直係中華人民共和國政治嘅重要議題。

經濟 [編輯]

內文：中國經濟同中華人民共和國經濟

1978年末，鄧小平改變經濟政策，將經濟從舊有嘅蘇聯式計劃經濟體制轉為市場導向嘅經濟模式，並以社會主義市場經濟體制為目標，但政府依然有相當程度嘅主導地位。喺改革政策下，農村嘅家庭聯產承包責任制逐漸取代咗原先嘅人民公社，允許城市嘅工業企業擁有更大嘅自主權，允許私人經營絕大部分行業，並打開國門，引進外資。

政府不斷強調增加個人收入，並鼓勵採用新嘅管理模式來提升產量。政府亦將外貿作為刺激經濟增長嘅手段，故此廿幾年間建立咗五個經濟特區同超過2000個規模唔同嘅經濟技術開發區，為外資提供更寬鬆嘅政策以及更好嘅投資環境，以吸引外國資本。改革開放嘅政策非常成功，1978年以來中國內地嘅人均GDP已經增長四倍。按購買力平價法計算，GDP總額排世界第二，僅次於美國。根據官方嘅統計資料，中國內地嘅國民生產總值每年增長8~10%左右。中華人民共和國內地關貿區以「中國」名義於2001年12月加入世界貿易組織（中華民國係佢前身「關稅與貿易總協定」成員，現以「台澎金馬」嘅名義參加世貿）。

國防 [編輯]

內文：中華人民共和國軍事、中國人民解放軍、同中央軍事委員會

中華人民共和國嘅武裝力量由中國人民解放軍、中國人民武裝員警部隊同埋民兵組成。領導中國武裝力量嘅最高軍事機構係中央軍事委員會。

中國人民解放軍係中國武裝力量嘅主要組成部分。喺1927年8月1日嘅南昌起義中成立，以後歷稱中國嘅工農革命軍、中國工農紅軍、中國國民革命軍第八路軍同埋新四軍，1946年10月改名中國人民解放軍。解放軍由個中國共產黨領導，係叫稱「黨指揮槍」。解放軍現包括陸軍、海軍、空軍、第二炮兵部隊同埋其他技術兵種嘅合成部隊。

中國人民武裝員警部隊係中國武裝力量嘅組成部分，1950年創建，歷稱中國人民公安部隊、中國人民解放軍公安部隊、公安軍、人民武裝員警部隊，1983年4月重新組建後改名中國人民武裝員警部隊。武警部隊屬公安系統，擔責國內安全保衛。

民兵係逐步發展起來嘅一支群眾武裝力量，先後用過工人糾察隊、農民自衛隊、紅衛隊、自衛隊、民兵等名稱。1984年後，中國實行民兵同預備役相結合制度，民兵唔單只係國家武裝力量嘅組成部分，而且係預備役嘅基本組織形式。

《中華人民共和國兵役法》規定，中國實行義務兵役制為主體嘅義務兵同埋志願兵相結合、民兵同埋預備役相結合嘅兵役制度；凡中華人民共和國公民，除咗有嚴重生理缺陷或者嚴重殘疾以及被剝奪政治權利嘅人以外，唔理民族、種族、職業、家庭出身、宗教信仰同埋教育程度，都有義務按規定服兵役。

近年來，中國軍費有較大幅度增長，2000～2005年嘅軍費分別為1207.54、1442.04、1707.78、1907.87、2117.01、2446.5億人民幣。中國軍費以年均15%以上嘅速度遞增。不過國際上有相當多質疑聲稱中國未將好多同軍隊相關嘅開支計入軍費，中國嘅實際軍費開支有可能達到此公開資料嘅3倍以上，但中國政府否認。

人口 [編輯]

內文：中國人口

中國係世界上人口最多嘅國家。截至2005年1月，唔包括香港、澳門同臺灣地區嘅人口已經超過13億。中國有漢、壯、回、蒙古、維吾爾、藏等56個官方登記嘅民族，其中漢族佔總人口嘅90%。少數民族主要集中喺西北、西南、東北同廣西等地區。

1949年後，由於社會穩定、經濟發展，中國大陸人口急劇增長，為自然環境同社會發展帶嚟重擔。1959年至1961年嘅大躍進同人民公社時期，浮誇風同大煉鋼鐵氾濫，蘇援撤銷，出現三年困難時期，釀成全國性嘅大饑荒。呢個期間由於飢餓和強體力勞動，農村出生率達到最低水準。1979年來實行計劃生育嘅人口控制政策，要求城市居民每對夫婦只生一個細路，喺農村地區如果第一胎係女嘅話，就可以再生多一個（對相當一部分人來講姓氏繼承非常重要）。呢種政策雖然有效控制人口嗰增長，但由於操作上唔能夠避免嘅問題，亦導致人口比例失調（2005年新生兒男女比例116.9:100）。政府通常禁止父母喺嬰兒出生前獲知嬰兒性別。而家政府允許如果夫婦雙方都係獨生仔女嘅話，可以生第二胎。

教育 [編輯]

內文：中國教育

中國建立咗完整嘅教育體系。通常分為小學6年，初級中學3年，高級中學3年，同埋高等教育。另外重有為適應小學學習等提供嘅幼稚園或者學前班，以及好多特長教育學校。

其中小學6年同初中3年加起來定為九年義務教育。法律規定適齡兒童（青年）應該完成九年義務教育，並且佢父母（監護人）有義務畀仔女接受教育。但係由於教育經費唔夠，以及家庭經濟困難等原因，事實上導致好多適齡兒童未能完成九年義務教育。自2005年開始，中國政府正喺度努力提供經費，通過減免學費等方式，令更多學生能夠順利完成九年義務教育。

中國教育財政預算約佔國民生產總值（GDP）2%~3%，處於世界落後水準。

宗教 [編輯]

內文：中國宗教

雖然中國大陸官方實行無神論宣傳教育，但憲法規定中華人民共和國公民有宗教信仰自由。有相當比例中國人信仰各種宗教。中國主要宗教總共有五種：佛教、道教、基督教（新教）、天主教同伊斯蘭教。

呢五種宗教內部各自有一啲唔同嘅派別，好似基督教內嘅基督複臨安息日會、真耶穌教會同地方教會（基督徒聚會處）喺福建等一啲地方並唔參與政府提倡嘅聯合禮拜，而係舉行單獨聚會。呢五種宗教都具有全國性影響，並廣泛分佈全國大部分地區。其中以佛教同道教傳播歷史最耐（2000年），留低咗好多著名寺廟宮觀，到而家仍香火旺盛，多數同時作為旅遊景點向遊人開放。一般嚟講，佛教同道教喺南方省份有較大影響力。藏傳佛教喺西藏自治區同其他藏族地區具有極大影響力。小乘佛教係雲南傣族等民族所信奉。中國一共有回族、維吾爾族等十個民族全民信仰伊斯蘭教，穆斯林人數大概2000萬。喺西北地方嘅新疆、甘肅、寧夏、青海等省區分佈特別集中。官方統計信奉基督教（新教）有1800萬人，信奉天主教嘅有500萬人，但實際上重有為數更多信徒屬於未登記嘅場所（有人稱為家庭教會）。基督教（新教）同埋天主教喺各省嘅分佈相當懸殊，基督教（新教）信徒集中嘅6個省份喺河南、浙江、安徽、江蘇、山東同福建，天主教信徒最集中嘅省份喺河北。少數民族之中，僳僳族、苗族同朝鮮族信仰基督教嘅比重較大。

文化 [編輯]

內文：中國文化

中國係世界四大文明古國之一。一般認為中國五千年歷史係由傳說中嘅黃帝時代開始，根據「夏商周斷代工程」提供嘅資料，能夠準確推定嘅歷史開始於西元前2070年嘅夏朝。同佢嘅悠久歷史相對應，中國文化博大精深。

中國喺三千幾年前商朝就有自己嘅文字（甲骨文）。到先秦時代，中國就有孔子、老子等偉大思想家。喺嗰個遙遠時代誕生大批作品至今仍然具有世界影響力，例如《道德經》《詩經》《春秋》《論語》等。

中國古代詩詞非常發達，有較早記錄周朝詩歌喺《詩經》，魏晉南北朝時期亦一度繁榮，喺唐朝同宋朝，中國詩歌到咗鼎盛時期。中國歷史上出名詩人、詞人有屈原、李白、杜甫、白居易、蘇軾、李清照等。而唐宋八大家（韓愈、柳宗元、歐陽修、蘇洵、蘇軾、蘇轍、王安石、曾鞏）係唐宋時期著名文學家。書法係中國一門獨特藝術，中國著名書法家包括王羲之、王獻之、柳公權、顏真卿等。中國畫亦非常著名，當代中國畫著名畫家有徐悲鴻、齊白石、張大千。中國歷史上著名小說家有羅貫中、施耐庵、吳承恩、曹雪芹等，寫出膾炙人口嘅《三國演義》、《水滸傳》、《西遊記》、《紅樓夢》等多部中國古典名著。

五四運動之後，白話文運動興起，白話文開始逐漸取代文言文成為主流行文形式。出名白話文小說家有魯迅、老捨、茅盾、巴金、錢鍾書、張愛玲、丁玲、沈從文等人。用白話文創作嘅詩人、散文家有郭沫若、朱自清等。著名作品包括魯迅嘅《阿Q正傳》、巴金嘅《家》、茅盾嘅《子夜》、老捨嘅《駱駝祥子》、錢鐘書嘅《圍城》、沈從文嘅《邊城》等。

中國而家共擁有31項世界遺產，居世界第三位，其中絕大多數係文化遺產或文化同自然雙遺產。

中國嘅世界自然遺產有：九寨溝風景名勝區、武陵源風景名勝區、黃龍風景名勝區、雲南三江並流保護區

中國嘅世界文化遺產有：長城、莫高窟、平遙古城、皖南古村落、承德避暑山莊同周圍寺廟、雲岡石窟、大足石刻、明清皇家宮殿、蘇州古典園林、秦始皇陵兵馬俑、青城山與都江堰、曲阜孔廟孔林孔府、龍門石窟、明清皇家陵寢、天壇、頤和園、麗江古城、周口店北京人遺址、武當山古建築群、拉薩布達拉宮、高句麗王城王陵及貴族墓葬、澳門歷史城區、廬山（文化景觀）。

中國嘅世界文化與自然雙遺產有：泰山、黃山、峨眉山同樂山大佛、武夷山。

此外，中國嘅人類口述遺產和非物質遺產代表作有：昆曲、古琴藝術、新疆木卡姆舞以及同蒙古國共同申報嘅蒙古族長調藝術。

**法定假日與民俗節日**
日期	名稱	來由	法定假期
1月1日	元旦節	西曆新年	放假一日
3月8日	國際婦女節	慶祝婦女為社會、政治、經濟等做出嘅貢獻	婦女放假半日
3月12日	植樹節	孫中山逝世紀念日，以大規模植樹造林活動為紀念，1979年全國人大恢復	唔放假
5月1日	國際勞動節	慶祝勞工運動為社會及經濟等作出嘅貢獻	放假一日
5月4日	五四青年節	紀念五四運動，1919年5月4日嘅反帝愛國學生運動	唔放假
6月1日	國際兒童節	慶祝兒童福利嘅促進	兒童放假一日
7月1日	中國共產黨建立紀念日	紀念1921年7月23日中國共產黨嘅成立	唔放假
8月1日	建軍節	紀念1927年8月1日南昌起義，喺中國共產黨獨立領導武裝鬥爭嘅開始	唔放假
9月3日	抗日戰爭勝利紀念日	紀念1945年9月2日日本同盟國簽訂降伏文書	唔放假
9月10日	教師節	慶祝教師為社會做出嘅貢獻，1985年1月全國人大常委會設立	小學、初中一年級教師同學生放假一日
10月1日	國慶日	紀念1949年10月1日中華人民共和國中央人民政府成立	放假三日
農曆正月初一	春節	農曆新年	放假三日
農曆正月十五	元宵節	賞燈，食元宵	唔放假
農曆二月初二	春農節	又叫「農頭節」，傳說「二月二、龍抬頭」	唔放假
農曆節氣清明	清明節	掃墓祭祀	放假一日
農曆五月初五	端午節	紀念屈原，食粽，賽龍舟	放假一日
農曆七月初七	七夕	又叫「七巧節」、「乞巧節」，相傳牛郎同織女喺鵲橋上相會，被視為中國情人節	唔放假
農曆七月十五	中元節	又叫「鬼節」、「盂蘭盆節」、「七月半」	唔放假
農曆八月十五	中秋節	家人團聚，賞月，食月餅	放假一日
農曆九月初九	重陽節	登高，老年節	唔放假
農曆十二月初八	臘八節	祭祖先神靈，祈豐收吉祥	唔放假
農曆十二月二十三（或二十四）	小年	祭灶，送灶王爺上天	唔放假
農曆最後一個月最後一日	除夕	歲末，守歲	唔放假
回曆10月1日	開齋節	又叫「肉孜節」，齋月結束，伊斯蘭教節日	唔放假
回曆12月10日	宰牲節	又叫「古爾邦節」，朝聖次日，伊斯蘭教節日	唔放假

參閱：漢族地區佛教全國重點寺院、道教全國重點宮觀

註釋 [編輯]

注1：國內生產總值說明，中華人民共和國國家統計局《2004年國民經濟和社會發展統計公報》初步統計公佈嘅中國大陸地區統計資料，國內生產總值係136,515億元人民幣。根據中華人民共和國第一次經濟普查喺2005年12月發佈嘅初步結果，2004年國內生產總值現價總量為159,878億元，比年快報核算數多咗2.3萬億元，增加16.8%。根據國際貨幣基金組織公佈資料，2004年國內生產總值由16,537萬億美元，調整到19,317萬億美元。

注2：國土面積，根據美國中央情報局 The World Factbook嘅資料，中華人民共和國嘅國土總面積為9,596,960平方千米，其中陸地面積為9,326,410平方千米，水域面積為270,550平方千米。根據中華人民共和國行政區面積表資料，中華人民共和國實際控制地區（唔包括台港澳）約係9,564,100平方千米。計埋藏南、臺灣等有爭議地區後，總面積應為9,602,716平方千米。
‧美國嘅國土面積，雙方公佈嘅資料亦唔一致，係問題核心。根據美國中央情報局The World Factbook嘅資料，美國嘅國土總面積係9,631,418平方千米，其中陸地面積係9,161,923平方千米，水域面積係469,495平方千米（僅包括50個州及華盛頓哥倫比亞特區，唔包括關島、波多黎各等海外屬地）。根據中華人民共和國外交部國家概況，美國國土面積 9,372,615平方千米。。
‧另外，據美國中央情報局The World Factbook和中華人民共和國外交部資料，加拿大總面積係9,984,670平方公里，僅次俄羅斯居世界第二；但陸地面積只有9,093,507平方公里，排喺俄、中、美三國之後。因此，按照雙方對各自國土及陸地面積資料，如果排列國土總面積，中華人民共和國應排世界第四；如果按陸地面積排序，中華人民共和國排世界第二。

注3：人均國內生產總值（GDP人均值），據中華人民共和國國家統計局《2004年國民經濟和社會發展統計公報》發佈嘅人口初步統計資料，即以中華人民共和國第一次經濟普查初步結果159,878億元比中國內陸地區人口129,988萬人為基數。按人民幣算，GDP（國內生產總值）人均值由￥10,502元調整至￥12,299元；折合美元算，GDP（國內生產總值）人均值由$1,272元調整到$1,486元。

注4：中國軍費問題參考文獻：

睇埋 [編輯]

出面網頁 [編輯]

中華人民共和國中央人民政府門戶網站
中國網—由國務院新聞辦公室主管

中華人民共和國省級行政區

直轄市：	北京市 \| 天津市 \| 上海市 \| 重慶市
省：	黑龍江省 \| 吉林省 \| 遼寧省 \| 山東省 \| 河北省 \| 山西省陝西省 \| 甘肅省 \| 青海省 \| 江蘇省 \| 安徽省 \| 河南省 \| 湖北省浙江省 \| 江西省 \| 湖南省 \| 四川省 \| 福建省 \| 廣東省 \| 貴州省雲南省 \| 海南省 \| 台灣省（未實際統治，參考台灣問題）
自治區：	新疆維吾爾自治區 \| 內蒙古自治區 \| 寧夏回族自治區西藏自治區 \| 廣西壯族自治區
特別行政區：	香港特別行政區 \| 澳門特別行政區

亞洲太平洋經濟合作組織（APEC）
澳洲 • 汶萊 • 加拿大 • 智利 • 中華人民共和國 • 中國香港 • 印尼 • 日本 • 南韓 • 馬來西亞 • 墨西哥 • 紐西蘭 • 巴布亞新畿內亞 • 秘魯 • 菲律賓 • 俄羅斯 • 星架坡 • 中華台北 • 泰國 • 美國 • 越南

[1] 請睇臺灣問題

[2] 有時畀人撥去大洋洲

[3] 部份地區有時畀人撥去大洋洲

[1]

[2]

[3]