首都

出自維基百科,自由嘅百科全書
跳去: 定向搵嘢


首都,或者首府,一般係一或者一地,響政治上最重要嘅城市。亦都係政府機關同政府首長所在地,通常由法律訂明。一國之下,國以下嘅中心,按國嘅性質唔同,都會有唔同稱呼。響聯邦制下,各邦都可以叫做首都。響一元國,就可能叫行政中心,或者其他類似叫法。

響現代中國,會叫一國之首做首都,而一地之首做首府。而英文裏面並無呢個分別,而都叫做 capital,所以經常引起誤會。

從歷史來睇,首都多數係一國或者一區嘅經濟中心,繼而成為權力中心,再用佢嘅實力攻佔或併入周圍地方。倫敦莫斯科就係兩個例子。

特殊情況[編輯]

一個國家可以根據個別嘅國情有多過一個法定或者事實上嘅首都,例如:

法定同事實上嘅首都可能唔同,例如:

  • 中華民國嘅法定首都係南京,但係南京目前處於中華人民共和國嘅控制之下,而中華民國所有中央機構目前都設喺臺北,所以西方嘅地圖會將臺北標做中華民國事實上嘅首都。
  • 二戰期間,法國淪陷之後,自由法國運動依然主張巴黎係法國首都,但係運動嘅總部就喺英國倫敦,而維希政府嘅首都就設喺維希

法定首都可以唔係政府所在地,例如:

一個國家嘅法定首都可能會唔被其他國家承認,例如:

  • 以色列嘅法定首都係耶路撒冷,但係聯合國決議要求會員國唔承認耶路撒冷係以色列首都,所以絕大部分同以色列建交嘅聯合國成員國都將大使館設喺特拉維夫