廣東
| 廣東省 | |
| 簡稱：粵 | |
| 省城 | 廣州 |
| 省委書記 | 汪洋 |
| 省長 | 朱小丹 |
| 面積（平方千米） - 總面積 - 佔全國面積（百份比） - 水域面積（百份比） |
第15位 186,000 1.94% （冇資料）% |
| 人口（2001年底） - 總人口 - 佔全國人口（百份比） - 人口密度 |
第4位 77,830,000 6.10% 每平方千米 418人 |
| 國內生產毛額（{{{國內生產毛額年份}}}） - 總值 - 佔全國% - 人均 |
第{{{國內生產毛額排名}}}位 {{{國內生產毛額}}}人民幣 {{{國內生產毛額佔全國}}}% {{{人均國內生產毛額}}}元人民幣 |
| 行政區類別 | 省 |
|
|
|
廣東（英文Kwangtung；普通話Guangdong），簡稱粵，喺中國南方。而家係中華人民共和國嘅一個省，叫廣東省，省會係廣州。廣東位於南嶺以南，南海之濱。同香港、澳門、廣西、湖南、江西、福建等地方接壤；同海南隔海對望。
廣東喺語言風俗、歷史文化等方面都有自己嘅一面，同中國北方地區有好大唔同。而呢幾年，廣東亦成為中國最發達嘅省份之一。廣東同佢旁邊嘅廣西淵源深厚，而廣字就係源於佢哋自晉朝都係跟住同一行政區廣州。廣東大部份地區通行粵語，亦有部份通行客家話同潮州話。
目錄 |
[編輯] 史
秦朝以前，廣東係越族人聚居之地，稱為百越地，被中原人當做野蠻人嘅地方。周夷王八年建立嘅楚庭，成為廣東地區嘅中心。秦始皇33年統一嶺南後建郡，嗰陣屬南海郡。漢初趙佗據嶺南三郡稱南越國，建都番禺（家下廣州）。廣東成為南越國政權地頭。元鼎六年，漢武帝平南越，開番南海郡。元封五年被收入交州。
[編輯] 三國至隋唐
三國吳黃武五年，即226年，分交州合浦以北地段，大約而家廣東地區，叫做廣州，中間取消過，又恢復返。晉朝同南北朝就保住呢嗰名。隋文帝在位時，廢晒所有郡，起廣州總管府。仁壽元年因避太子楊廣嗰名就改為番州。大業三年復置南海郡，屬番州。唐武德四年復置廣州，初為總管府，後改都督府。貞觀元年置嶺南道。乾元元年，罷嶺南道採訪使，改設嶺南節度使，齋管家下廣東地區。咸通三年嶺南分東、西二道，今廣東屬嶺南東道。
[編輯] 五代及宋
唐末諸藩崛起，南漢國喺嶺南立國，廢嶺南道。而廣東成為南漢政權嘅中心地區，由南漢朝廷直轄。宋太祖開寶四年平南漢廢佢建制，復置嶺南道。宋至道三年設廣南東路，係今日廣東省名嘅出處。
[編輯] 元
元朝至元十五年，即係1278年，今日廣東分屬兩個行中書省。廣東主要境係歸江西行中書省，下便嘅廣東道宣慰使司，治所喺廣州路。而今日廣東西便，係屬湖廣行中書省，下便嘅海北海南道宣慰使司，治所喺雷州路[1]。
[編輯] 大明
大明洪武二年，即1369年5月改元朝時廣東道做廣東行省。洪武九年（1376年）7月，廣東行省改做廣東承宣佈政使司，通稱廣東省。
[編輯] 大清
清為廣東省，受兩廣總督管。分做六道，廣肇羅道、南韶連道、惠潮嘉道、高雷陽道、廉欽道同埋瓊崖道。兩廣總督初駐肇慶府、後駐廣州府。
[編輯] 近代
1911年11月9號，廣東省宣佈獨立，成立軍政府，成為中華民國轄地。1916年7月6號改為文人政府。其後多次成為孫中山反北洋政府運動嘅大本營。1926年11月10號省政府改稱省國民政府。陳濟棠主政期間（1929年-1936年），廣東經濟、文化、交通同埋城市建設有顯著發展。
1938年10月21號至1945年8月15號，部份地區（包括廣州、佛山、中山、江門、東莞、寶安、惠州等地）淪入日軍手中。
1950年6月27日，中國人民解放軍攻佔珠海萬山群島，全省落入中國人民共和國手中。省政府沿用國民政府嘅制度省政府，但後來改咗做省人民政府。1968年2月21日，廣東政府因文化大革命跟風改名廣東省革命委員會。1979年叫番省人民政府。
中華人民共和國建國以後，廣東行政區域縮咗，包括將懷集由廣西劃入廣東，而欽州、防城港、北海就撥入廣西，後來又將海南島獨立建省等。海南建省嘅計劃其實早喺民國時期已經有，當時嘅海南重劃為特別行政區，只不過因為中共入侵，令到計劃擱置。
[編輯] 地理
- 內文： 廣東地理
廣東周圍有福建、江西、湖南、廣西、海南、澳門、香港。地處中國南部，北依南嶺山脈、東北為武夷山脈，南臨南海，海岸線3368公里（唔包含島嶼海岸線）。全境地勢北高南低，北部、東北部同西部都有較高山脈，中部同南部沿海地區多數係低丘、臺地或平原，山地和丘陵大概佔62%，臺地同平原大概佔38%。主要山脈有蓮花山、羅浮山、九連山、青雲山、滑石山、天露山、雲霧山、雲開大山，多呈東北至西南走向，並同海岸線平行。集水面積100平方公里以上嘅幹支流河道共有640條，分屬珠江同埋沿海諸河水系，主要有東江、北江、西江同埋韓江；境內多年平均降水量1774毫米。
[編輯] 行政區劃
廣東底下有21個地級市，54個市轄區、23個縣級市、41個縣同埋3個自治縣。
地級市：
縣級市：
[編輯] 經濟
[編輯] 人口
65,820,000
[編輯] 民族同埋民系
廣東古為百越之地，民族成分複雜多樣。隨住歷史上漢族人嘅不斷南遷，民族間不斷融合，如今廣東以漢族人佔絕大多數，少數民族有瑤族、壯族、苗族、佘族等。
[編輯] 廣東三大民系
- 內文： 廣東民系
廣東三大民系係指廣東漢族人裏面嘅廣東人、客家人、潮汕人，佢哋佔咗廣東漢族人嘅大多數。因為三大民系先民入粵有先後、使用方言迥異、習俗各有特色分唔開而形成。以前三民系間有過矛盾，但今日民系間已和睦相處，保持自身特色之餘同時又相互交融。
四大民族：佘族、苗族、壯族、瑤族，其中以壯族最多人。
[編輯] 語言
廣東本地人主要講粵語（廣東話）、客家話、潮汕話、雷州話、韶州土語等，其中除土語外，其餘都屬於漢語七大方言裏面嘅粵方言、客家方言、閩方言，呢三大方言嘅母語使用者約佔廣東本地人嘅45%、30%、25%。廣東嘅廣州話同埋梅縣話分別係漢語粵方言同埋漢語客家方言嘅代表音，可見廣東方言喺漢語方言中佔據重要地位。
由於外地民工湧入，廣東都有人講普通話同外省嘅方言。而廣東本地少數民族就用自己嗰種語言。
[編輯] 粵方言
粵方言（粵語），珠三角地區嘅粵語口音係廣州話，其他地方叫做「白話」，英文叫「Cantonese」，大陸通用嘅「正名」係「粵方言」。香港又有另一種講法，叫廣東話，幾乎成為官方稱呼。係漢語七大方言中語言現象比較複雜、保留古時百越辭彙比較多、內部差異較細嘅方言（亦有人話粵語係一種獨立語種）。主要分布香港、澳門、廣東省大部份、廣西壯族自治區東南部，同埋廣泛分布響海外華人社區。以廣州話為公認嘅標準音。
響廣東省，粵方言主要分布響珠三角及粵西地區，內部差異唔大，廣東省境內純講粵語或者講粵語為方嘅縣市有 47 個，佔全省面積三份一以上，有廣州、佛山、肇慶、江門、深圳、茂名、中山、珠海、南海、番禺、東莞、順德、龍門、佛岡、增城、從化、花都、清遠、連縣、陽山、連山、懷集、廣寧、四會、三水、高要、雲浮、高明、新興、鶴山、封開、鬱南、德慶、羅定、陽春、陽江、信宜、高州、化州、吳川、臺山、開平、新會、恩平、斗門。此外，惠州、韶關、湛江、海豐、博羅、惠陽、惠東、仁化、樂昌、英德、寶安、電白、遂溪、海康、徐聞、廉江等 16 個縣市亦有部份地區講粵語嘅。
[編輯] 客家方言
[編輯] 閩方言
廣東嘅閩方言可能流行於中山沙溪一帶、俗稱隆都話、廣東省常務副省長湯炳權就係隆都人。據隆都誌話齋，沙溪原本係一個島，但福建有漁民先移居呢度、咁就保留咗非常濃厚嘅福建風俗同閩語口音。住喺廣東，嚟自汕頭嘅人又講潮州話。潮州話係屬於閩南話嘅一個方言。
[編輯] 宗教
[編輯] 佛教
可統計嘅佛教信徒有32萬人。列為漢族地區佛教全國重點寺院嘅有：韶關南華禪寺，廣州六榕寺、光孝寺，乳源縣雲門寺，肇慶慶雲寺，潮陽縣靈山寺，潮州開元寺。南華禪寺係禪宗嘅祖庭。
[編輯] 道教
可統計嘅道教信徒有12萬人，博羅縣羅浮山沖虛古觀列為全國重點道觀。
[編輯] 基督教
廣東係基督教最早傳入中國嘅地區（1807年）。1949年廣東有9萬基督教信徒，屬於基督徒較多嘅省份；如今可統計基督教信徒30萬人，喺全國已經屬於基督徒較少嘅地區之一。信徒多數係東部地區嘅客家人同潮汕人。客家人地區嘅基督教主要淵源於瑞士巴色會嘅傳教活動。廣東人之中，除廣州市區以外，信基督教嘅人好少。深圳市嘅信徒以外來移民為主。
[編輯] 天主教
可統計嘅信徒有20萬人，大部分屬於汕頭教區。肇慶係明代傳教士利瑪竇首先進入嘅中國大陸城市（1583年）。廣州教區嘅耶穌聖心主教座堂（石室）係一座著名嘅哥德式建築。
[編輯] 伊斯蘭教
單喺廣州、肇慶就有2萬名穆斯林。廣州懷聖寺光塔嘅歷史可以追溯到唐宋時期。
[編輯] 文化
廣東具有歷史悠久而又獨具特色嘅文化。廣東粵菜譽滿全國，客家圍屋被認為係中國漢人南遷移民文化嘅代表性建築。
[編輯] 歷史文化名城
[編輯] 飲食
廣東嘅飲食天下聞名，廣州菜係粵菜嘅代表，更加有「食在廣州」嘅朵，潮菜以精緻典雅著稱，客家菜就以原汁原味見長。廣東人普遍鍾意飲烏龍茶，其中以潮州功夫茶最出名。
[編輯] 戲劇
[編輯] 音樂
[編輯] 建築
[編輯] 其他
[編輯] 旅遊
[編輯] 文化古跡
- 國家級文物保護單位
[編輯] 其他題目
[編輯] 教育
廣東人重視教育，興寧等地都係「院士之鄉」。廣州係中國大專院校分佈最密集嘅城市之一。著名嘅大學有中山大學、華南理工大學等。睇廣東大學一覽。
[編輯] 商業
[編輯] 名人
- 洪秀全
- 康有為
- 梁啟超
- 黃遵憲
- 吳趼人
- 伍廷芳
- 容閎
- 詹天佑
- 馮如
- 馬應彪
- 蔡昌
- 鐘榮光
- 孫中山
- 胡漢民
- 汪精衛
- 陳濟棠
- 葉劍英
- 許廣平
- 高劍父
- 潘達微
- 劉紀文
- 許崇智
- 馬思聰
- 冼星海
- 蔡楚生
- 黃飛鴻
- 吳耀宗
- 紅線女
- 薛覺先
- 關山月
- 葉挻
[編輯] 中華人民共和國成立後行政首長
省委書記：
省長：
[編輯] 參考
- ↑ 明史。志。地理。福建、廣東、廣西
| 中華人民共和國廣東省行政區 （省會：廣州市） |  |
||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||
| 中華人民共和國省級行政區 | |
||||||||
|
|||||||||
