開平碉樓

有『開平第一楼』嘅瑞石楼，係混凝土建築，結合咗羅馬、拜占庭、巴洛克呢幾隻西方建築風格。

開平碉樓，係中國廣東開平現存嘅約莫千四 到千八 幢碉樓；聯合國教科文組織列咗佢哋做世界遺產。

起源同特色

碉樓可以追到去明朝中後期，不過大多數碉樓係20世紀20到30年代起嘅。當時旅居世界各地嘅華僑，將佢哋僑居國嘅建築風格，帶埋返嚟開平，所以碉樓嘅建築風格，用嘅材料，都包晒現代主要嘅建築風格。而碉樓設計嗰時，曾考慮到開平一帶有好多土匪，睇中當地回鄉華僑有錢想搶嘢。

當時嘅人為咗防土匪，會儲備好多槍；同土匪打嗰陣，碉樓係主要攻防陣地，所以當地人亦叫碉樓做「炮樓」，而炮即係槍。

文化意義

開平碉樓，係由華人主動引入西洋文化，並非由西洋人引入，所以呢個代表咗華僑主動將中西文化搭埋一齊。

申報世界遺產

開平碉樓喺2001年成為中國重點保護文物，喺2007年6月28號，獲聯合國教科文組織通過成為世界遺產。

出面網頁

• 碉樓介紹 (英文)。
• 介紹碉樓。